EXODUS 29:4 - Lai (Hakha) Common Language Bible 2006

⁴ “Aaron le a fapa hna kha pumhnak thlam innka ah khan nan ratpi hna lai i khika ah an i kholh lai.

EXODUS 29:4 Խաչաձեւ Հղումներ

EXODUS 40:12

“Aaron le a fapa hna kha pumhnak thlam innka ah na ratpi hna lai i ti in na kholhter hna lai.

HEBRU 10:22

Cucaah cun lungthin tak le zumhnak fek he Pathian cu naih u sih. Sual aa phuhrungmi kan lungthin le kan pum kha ti thiang in i thianh u sih law amah cu naih u sih.

1 PETER 3:21

cucu atu i nanmah an khamhtu hna tipil innak a rak sawhtu hi a si. Tipil innak cu pum hnawm kholh hi a si lo, chiaṭha thleidannak thiang nih Pathian sin i biakamnak a tuahmi tu hi a si. Tipil innak nih cun Jesuh Khrih thihnak in a thawh ṭhannak thawngin an khamh hna i

TITAS 3:5

cu a kan khamhnak cu hrinṭhannak ti thawng le Thiang Thlarau nih mi tharter khawhnak a ngeihmi ṭhawnnak thawngin a si.

EFESA 5:26

Khrihfabu cu ti in thiang tein a ṭawl hnuah Pathian sinah a bia in a pek.

EZEKIEL 36:25

Nan cungah ti thiang kan theh hna lai i nannih an thurhhnawmhtertu hna thil vialte khan kan thianh hna lai; nan siasal biaknak thurhhnawmhnak vialte khan kan thianh dih hna lai.

DEUTERONOMI 23:11

sihmanhsehlaw zanlei a rung si tikah ti in aa kholh lai i ni a tlak tikah riahhmun chungah a lut lai.

LEVITIKAS 14:8

Cun thianh awk a simi nih cun a hnipuan a suk hna lai i a sam vialte aa meh dih lai i ti in aa kholh lai i amah cu a thiang lai; cun cu hnuah cun riahnak hmun chungah cun a lut lai, sihmanhsehlaw amah buk lengah ni sarih a um lai.

EXODUS 40:28

Thlam luhnak innka puanzar kha a zar hna.

EXODUS 26:36

Thlam luhnak innka ca zongah tuuhmul a sen, a dum, senduk le khumla hrual hmang ṭhia in innka zar na ser hna lai i ṭha tein na ṭamh hna lai.

EXODUS 29:3

Bawm chungah nan khumh hna lai i cawtum le tuukawng kha nan thawi hna tikah a bawm ningin nan ka pek lai.

NAMBAR 8:9

Cun Levi mi cu tonnak thlam hmaiah khan na chuahpi hna lai i Israel mibu an ningpi in na pumh hna lai.

EZEKIEL 42:14

Tlangbawi kha hmun thiang i a luh tikah, khika ah a hmanmi thilthuam hna kha cuka i an chiahtak hna lo ahcun, lenglei tual ah khan an chuak lai lo, zeicahtiah cu thilthuam hna cu thil thiang an si, zapi sin i an va chuah hlanah khan thil dang in an i thlen awk a si.

EXODUS 40:32

Bawipa nih Moses a chimh bantuk te khan pumhnak thlam i an luh le biakṭheng lei i an kal ah, an i ṭawl lengmang.