EXODUS 29:2 - Lai (Hakha) Common Language Bible 2006

² thilnu phulh lo changreu le chiti he sermi thilnu cawh lo changhlum le chiti thuhmi thilnu cawh lo changper zong kha nan lak hna lai. Hi chang hi changvut dip in sermi an si lai.

EXODUS 29:2 Խաչաձեւ Հղումներ

NAMBAR 6:15

cun thilnu telh lo changreu bawm khat, chiti he cawhmi changvut dip in sermi changreu hlum hna le changreu a per tete chiti thuhmi le an changvut thawinak hna le an thlet thawinak hna an si lai.

1 KORIN 5:7

Sualnak thilnu hlun cu nan chungah rian a ṭuan. Nannih cu a thar tein rawhmi changreu nan si nakhnga cu thilnu hlun cu hlonh u. Khrihfa nan si bantukin nannih cu thilnu telh lomi Lanhtak puai changreu cu nan si; zeicahtiah kan Lanhtak puai tuufa Khrih cu raithawinak ah pek a si cang caah kan Lanhtak puai cu aa thawk taktak cang.

NAMBAR 6:19

Cun tlangbawi nih chumh hnuah tuukawng a liang cu le bawm chungin thilnu telh lo changreu pakhat le changreu pante thilnu telh lomi pakhat cu a lak hna lai i Nazir mi kut chungah khan a chiah hna lai, aa thianhnak a sam aa meh dih hnuah khan,

LEVITIKAS 8:26

cun thilnu telh lo changreu bawm Bawipa hmai i a ummi chung khan thilnu telh lo changreu pakhat le chiti he cawhmi changreu hlum khat le changreu pante dar khat kha a lak hna i sathau cungah le orhlei phei cungah khan a chiah hna;

LEVITIKAS 8:2

“Aaron cu a fapa hna he kalpi hna law, puan hna le thuhnak chiti le thilnu telh lo changreu bawm khat le sual thawinak cawtum le tuukawng pahnih hna kha kalpi ve hna;

LEVITIKAS 7:12

Lawmhnak ca i pek a si ahcun, lawmh thawinak he cun thilnu telh lo changreu chiti he cawhmi, thilnu telh lo chang per tete chiti thuhmi le, chiti he ṭha tein cawhmi changvut dip cu a pekchanh chih lai.

LEVITIKAS 7:10

Cun changvut thawinak kip cu, chiti he cawh in siseh a ro in siseh, Aaron fapa vialte hna nih aa tluk cio in an co lai.

LEVITIKAS 2:15

Cun chiti nan toih lai i frankinsen nan toih ve lai; mah cucu changvut thawinak pakhat a si.

EXODUS 29:23

Bawipa hmaika i hunmi changreu bawm chung khan changreu hlum khat le chiti cawhmi changreu hlum khat le changper tlap khat in na lak hna lai.

EXODUS 12:8

Cu zan ah cun sa cu a em in nan em lai i thilnu phulh lo changreu le ankha he nan ei lai.

EXODUS 29:3

Bawm chungah nan khumh hna lai i cawtum le tuukawng kha nan thawi hna tikah a bawm ningin nan ka pek lai.

LEVITIKAS 6:13

Biakṭheng cungah cun mei alhter a si thluangthluan lai; a mih awk a si lai lo.