EXODUS 28:41 - Lai (Hakha) Common Language Bible 2006

⁴¹ Hi thuam hi na u Aaron le a fapa hna cu na hrukter hna lai. Cun chiti na toih hna lai, na thleidan hna lai i na thianter hna lai, cun ka tlangbawi rian kha an ṭuan lai.

EXODUS 28:41 Խաչաձեւ Հղումներ

EXODUS 29:7

Cun thuh awk chiti kha na lak lai i a lu ah khan na toih lai i amah cu na thuh lai.

LEVITIKAS 10:7

Cun tonnak thlam innka khan, nan thih sual nakhnga lo, chuak hlah u; zeitintiah Bawipa thuhnak chiti cu nan cungah a um,” tiah a ti. Cun Moses bia bangin an tuah.

EXODUS 40:15

Cun an pa chiti na thuh bantuk khan chiti na thuh ve hna lai i ka tlangbawi rian kha an ṭuan lai. Chiti na thuhmi hna nih khan dong loin tlangbawi a siter hna lai,” tiah a ti.

EXODUS 29:9

taisawm kha na somh hna lai; cun an lu ah luchin kha na chinh hna lai. Zungzal a hmunmi ka nawlbia ningin annih cu tlangbawi an si lai. Aaron le a fapa hna na thianter hna ning cu hi bangin a si lai.

HEBRU 7:28

Moses Nawlbia nih cun a tling lomi minung kha tlangbawi ngan ah a ser hna, sihmanhsehlaw chiatser tein tuahmi biakamnak, Moses Nawlbia hnu deuh ah a rami nih cun zungzal in a tlingmi tlangbawi ah Fapa kha a ser.

1JOHAN 2:27

Sihmanhsehlaw nannih cu Khrih nih a Thlarau kha an toih cang hna. A Thlarau nan chung i a um paoh ahcun ahohmanh cawnpiaktu nan herh hna lo. Zeicahtiah a Thlarau nih cun zeizong vialte kha an cawnpiak hna i an cawnpiakmi hna cu biatak a simi kha a si, ahmaan lomi a si lo. Cucaah Thlarau cawnpiaknak kha zul u law Khrih chungah cun um camcin ko u.

1JOHAN 2:20

Sihmanhsehlaw nannih cu Khrih nih Thiang Thlarau kha an toih hna caah nan dihlak in biatak kha nan hngalh.

HEBRU 5:4

Ahohmanh anmah le anmah Tlangbawi Ngan ah an i thim kho lo. Aaron cu Pathian nih a kawh i Tlangbawi Ngan ah a can bantuk khan, Pathian kawhnak lawnglawng in Tlangbawi Ngan ah an cang kho.

JOHAN 3:34

Pathian nih a thlahmipa kha a Thlarau cu tling tein a pek caah, Pathian bia cu a chim.

EZEKIEL 43:26

Ni sarih chung kha biakṭheng caah cun remnak an ser lai i cun a thiang cang tiah an ti lai i Pathian ca hman awkah an thleidan lai.

ISAIAH 61:1

Bawipa Pathian nih thlarau in a ka khahter. Sifakmi hna sinah thawng ṭha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah.

ISAIAH 10:27

Cu caan a phak tikah Assiria ṭhawnnak chung khan nannih cu kan luatter hna lai i an hngawngkual cu nan hngawng ah thilrit an si ti lai lo,” a ti hna.

NAMBAR 3:3

mah hihi Aaron fapa hna min cu an si, chiti thuhmi tlangbawi, tlangbawi rian ṭuan awkah a thleidanmi hna cu.

EXODUS 29:35

“Aaron le a fapa hna caah hin kan chimhning bantukte in na tuah lai. An caah thleidannak na tuahmi hi ni sarih chung a si lai.

EXODUS 29:24

Hi rawl vialte hi Aaron le a fapa hna kut chungah khan na chiah hna lai i Bawipa sinah an pekchanh hna lai; an pekchanh hna tikah an kut in an hler hna lai.

EXODUS 28:4

An ser hngami thuam cu hihi an si lai: ṭangbenh pakhat, angki thiang pakhat, puan pakhat, angki chung nawh ṭamhmi pakhat, lupawng pakhat le taisawm pakhat an si lai. Na u Aaron le a fapa hna nih khan ka tlangbawi rian cu an ṭuan khawh nakhnga thuam cu an serpiak hna lai.

EXODUS 28:1

“Na u Aaron le a fapa hna kha Israel mi chungin ka sinah ratpi hna, Aaron le a fapa Nadab, Abihu, Eleazar le Ithamar cu ka tlangbawi rian a ṭuantu ding an si.

EXODUS 40:13

Aaron kha puan thiang cu na aihter lai i chiti na thuh lai i cuticun na thianter lai i ka tlangbawi rian kha a ṭuan lai.

LEVITIKAS 16:24

hmunthiang ah a pum cu ti in aa kholh lai i a thilpuan cu a aih hna lai i a ra chuak lai i amah ca khangh thawinak le zapi ca khangh thawinak kha a thawi lai i amah ca le zapi caah remnak a ser lai.

EXODUS 30:35

zihmui sertu nih a ser bangin zihmui ser tuah. Cite na thlah lai, a thiangmi le a zarhmi zihmui a si lai.

NAMBAR 16:5

Korah le a hawile vialte cu, “Zinglei ah Bawipa nih ahodah amah ta a si i ahodah a thiang ti kha a langhter lai i a pawngah a ratter lai. Amah nih a thimmi cu amah naih ah a ratter lai.