EXODUS 28:32 - Lai (Hakha) Common Language Bible 2006

³² A laifang ah khan lu chuahnak ding caah awng pakhat in na ser lai. Cu awng cu tlek hlah seh tiah a tlang na kawm lai, saphaw angki hngawng bantukin a tlang na kawm lai.

EXODUS 28:32 Խաչաձեւ Հղումներ

JOB 41:26

Vainam nih a phan nain zeihmanh a ṭhahnem lo, Fei zong nih, thal zong nih, feipi zong nih, a zei an poih hlei lo.

NEHEMIAH 4:16

Cu ni thawk cun ka tang i rian a ṭuanmi hnarcheu lawng nih khan rian taktak cu an ṭuan i hnarcheu nih cun thir nga phaw angki kha i aih in an fei le an phaw le an li kha i tlaih in an dir; cun vampang remhnak rian a ṭuanmi Judah mi vialte kha bawi nih an zoh hna.

2 CHANRELNAK 26:14

Cun Uzziah nih ralkap vialte caah cun phaw, fei, luchin, ngaphaw thir angki, li, le chehnak ah lung kha a timh hna.

EXODUS 39:28

lupawng cu khumla hmangṭhia in, lukhuh cu khumla hmangṭhia in, tawhrolh tawi cu khumla hrual hmangṭhia in,

EXODUS 28:31

“Cun tlangbawi angki a khuhtu puanfual cu a dihlak in tuuhmul a dummi in na ser lai.

EXODUS 28:33

Tanglei a tlang ah khan a velchum in tuuhmul a dum le sendung le a senmi in taleti na ser hna lai i an karlak ah sui khi-ing na chiah hna lai;

EXODUS 39:23

Puan laifang i a ummi awng cu saphaw angki chung i a ummi awng bantuk kha a si. A awng cu tlek zau hlah seh tiah a tlang an kawm.