EXODUS 28:2 - Lai (Hakha) Common Language Bible 2006

² Rumra le dawhnak a ngeih nakhnga na u Aaron caah cun thuam thiang na ser lai.

EXODUS 28:2 Խաչաձեւ Հղումներ

LEVITIKAS 8:30

Cun Moses nih thuhnak chiti tlawmpal le biakṭheng cung i a ummi thi tlawmpal cu a lak i Aaron le a puan hna cu a theh hna i, a fapa hna le a fapa hna puan hna zong cu a theh hna; cu bangin Aaron le a puan hna le a fapa hna le a fapa hna puan hna cu a thianh ṭi hna.

EXODUS 31:10

rumra a kai ngaimi thilthuam thiang, Aaron le a fapa han nih tlangbawi rian an ṭuan caan ah an hmanmi,

BIAPHUAN 19:8

Aa thuamhnak dingah, puan hmang ṭhia a thiang i a cer in a cermi kha pek a si cang,” an ti. (Puan hmangṭhia cu Pathian mi hna nih ding tein rian an ṭuanmi kha a si).

HEBRU 7:26

Cucaah Jesuh cu kan duhnak a tlinter khotu Tlangbawi Ngan cu a si; palhnak a ngei lo, sualnak a ngei lo; misual mi hna lak khan ṭhen a si i vancung ah khin cawi a si.

JOB 40:10

“Lianhngannak le hmaizahnak in i fam law Sunparnak le rumra in i thuam tuah.

EXODUS 28:40

“Aaron fapa hna cu rumra ngei hna seh, cun i dawh fawn hna seh tiah angki le luchin le taisawm na serpiak hna lai.

BIAPHUAN 5:10

Kan Pathian rian tlangbawi bantukin a ṭuantu dingah siangpahrang phun ah na ser hna i Annih nih vawlei cu an uk lai,” an ti.

1JOHAN 3:2

Ka dawtmi ka fale hna, atu hin kannih cu Pathian fa kan si cang, asinain zei kan lawh lai cu a fiang rih lo. Sihmanhsehlaw Khrih a langh tikah, amah Khrih bantuk cu kan si lai ti kha kan hngalh, zeicahtiah a sining taktak tein kan hmuh lai.

2 PETER 1:17

Sunparnak Cung Nung Bik nih, “Hi hi ka dawtmi ka Fapa a si, ka lung a ka tongtu a si,” tiah a ti i Pathian kan Pa nih upatnak le sunparnak a pek tikah khan, cuka hmun ah cun kannih kha kan um.

HEBRU 2:9

A sullam cu Jesuh ah khan kan hmuh. Caan tawite chung cu vancungmi nak niam deuh ah khan a ser taktak i cucu Pathian vel thawngin mi vialte kan ca i a thihnak ding caah khan a si. Cun thihnak a inmi ruangah khan atu cu sunparnak le upatnak kha luchin ah chinh a si cang ti kha kan hmuh.

GALATI 3:27

Khrih chungah tipil nan ing i Khrih nunnak in nan i thuam.

ROM 13:14

Bawi Jesuh ziaza tu kha i lak u law pumsa duhnak tuah kha ngol u.

ROM 3:22

Cu lam, Pathian he i remnak lam cu Jesuh Khrih zumhnak thawngin a si i Jesuh Khrih a zummi ca paoh ah a si dih. Ahohmanh i thleidan ding a si lo,

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

ISAIAH 64:6

Kan dihlak in misual kan si, kan thil tuahmi ṭha bik kan timi hna hmanh hi puanchia fihnung an si. Kan sualnak ruangah cun hnahchawl thli nih a choihmi bantuk khi kan si.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

ISAIAH 61:3

Zion i ngaihchia in a ummi vialte hna cu vutcam caah pangpar ṭhi, mitthli caah lawmhnak chiti le thangṭhatnak hla pek awkah a ka thlah. Annih cu Bawipa hrimhrim nih a phunmi thingkung bantuk an si lai. Thil ṭha kha an tuah lai i Pathian cu a tuahmi thil ruangah khan an thangṭhat lai.

ISAIAH 4:2

Hi ram chung thing hna le ram vialte hna hi Bawipa nih ngan ngaingai le dawh ngaingai in a ṭhanter hna caan a phan lai. Israel mi chungin a tangmi vialte hna kha cu, an ram chungin rawl a chuakmi ah khan an i lawm ṭhan lai i an hmai a hngal ṭhan lai.

SALM 149:4

Bawipa nih a mi cu a zaangfah hna i santlai lomi kha teinak a pek hna.

SALM 132:16

Keimah nih ka khamh hna kha a tlangbawi pawl ka thanhter hna lai i a mi pawl kha lunglawm in hla ka sakter hna lai i ka auter hna lai.

SALM 132:9

Na mi na khamh hna kha tlangbawi nih thanh hna seh law na mi cu an dihlak in lunglawm in au hna seh.

SALM 96:6

Sunparnak le rumra cu a velchum ah an um i lianhngannak le dawhnak cu a biakinn chungah an um.

EXODUS 40:13

Aaron kha puan thiang cu na aihter lai i chiti na thuh lai i cuticun na thianter lai i ka tlangbawi rian kha a ṭuan lai.

ISAIAH 52:1

Jerusalem, ṭhawng law ngan ṭhan tuah! Pathian khua thiang, sunparnak in i thuam tuah! Cuarpar tan lomi cu na kutka chungin ahohmanh an lut ti lai lo.

EXODUS 29:28

Zungzal a hmunmi ka nawlbia in hi sakhua hi Aaron le a fapa hna nih Israel mi hna sinin an hmuhmi a si lai. Israel mi nih hawikomhnak thawinak timi chungin an pekmi, tlangbawi hna sakhua i chiahpiakmi cu hihi a si; cu an pekchanhmi cu Bawipa sin i an pekmi an laksawng a si.