EXODUS 28:17 - Lai (Hakha) Common Language Bible 2006

¹⁷ A cungah cun lungvar tlar li in na benh hna lai; tlar hmasa bik ah cun rubi le topaz le karnet an si lai;

EXODUS 28:17 Խաչաձեւ Հղումներ

EZEKIEL 28:13

Pathian dum Eden dum chungah khan na rak um i Lungvar a phunphun in naa ṭamh: Naa ṭamhnak lungvar hna cu sardin le khrisolaih le lunghring le topaz le karnelian le jasper a hringmi le lapis lazuli le safaiar le karbankal le emeral an si. A ring cherhmarhmi na ṭhi cu sui an si i Naa menhmi na hniar hna cu hrin na si ni i an in serpiakmi kha an si.

PHUNGTHLÛKBIA 8:11

Zeicahtiah fimnak cu lungvar nakin a ṭha deuh i na duhmi vialte nih khan an tluk naisai lai lo.

MALAKHI 3:17

Ralkapbu Bawipa nih aa thawh i, “Annih cu keimah ta an si lai, ka thimmi ni a phak tik i keimah ca i ka zuah dingmi ka ta an si lai, cun mipa nih a rian a ṭuantu a fapa kha a zuah bantukin annih cu ka zuah hna lai.

ṬAHNAK HLA 4:7

Bawi luchin chinhmi a bawile hna cu hawhra nakin an rak thiang deuh i cawhnuk nakin an ngo deuh; An pum cu koral lungvar nakin an sen tertar deuh i An kutka hna cu lapis lazuli lungvar bantukin an tleu.

PHUNGTHLÛKBIA 31:10

Nupi ṭha cu hlawn nakin tampi in a sung deuh, cu bantuk mi hmuh bel cu a har hringhran!

PHUNGTHLÛKBIA 20:15

Sui tampi a um ko, a man a tammi lung zong tampi an um ko, sihmanhsehlaw fimnak bia cu a tlawmte i a man a sung cikmi lungvar a si.

PHUNGTHLÛKBIA 3:15

Fimnak cu rubi lungvar man sungmi nakin a sung deuh, na hlawn vialte ah amah tluk zeihmanh an um lo.

EXODUS 28:11

Sui sertu hna thiamnak le minkhenhnak sertu hna thiamnak in, lungvar pahnih hna cungah cun Israel fapa hna min cu na ṭial hna lai i lungvar cu sui tlangkawm chungah na ṭhutter lai.

EXODUS 28:9

Karnelian lungvar pahnih kha na lak hna lai i cu lungvar cungah cun Israel fapa hna an min kha na ṭial hna lai;

EXODUS 28:16

Tungvangpalh a si lai i a bil in bil awk a si lai, lehhmah pakua a sau lai i lehhmah pakua a kau lai.

EXODUS 28:18

tlar hnihnak ah emeral, safaiar le daimon an si lai;