EXODUS 27:19 - Lai (Hakha) Common Language Bible 2006

¹⁹ Puan biakinn chungah hmanmi thilri vialte cu, zei ca i hmanmi an si zongah, dar in sermi an si lai; cun puan biakinn hrennak ca fung vialte le tual ca fung vialte zong cu dar in sermi an si dih lai.

EXODUS 27:19 Խաչաձեւ Հղումներ

ZEKHARIAH 10:4

Annih cu innkil lung le thlam hrennak khenhfial an si lai, Annih cu raltuk awk i timh cia in a ummi likuk an si lai, Haotu paohpaoh cu anmah chungin a chuakmi an si lai.

ISAIAH 33:20

Biaknak puai kan tuah tawnnak Zion khua khi zoh hmanh. Jerusalem khi zoh hmanh. Khika um cu zeitluk in dah hnangam a si lai. A cawl in a cawl lomi thlam, a khenhnak fung phawi bal lomi le a hri a cat bal lomi bantuk a si lai.

PHUNGCHIMTU 12:11

Mifim mi hna bia cu tuukhal nih tuu khalhnak caah an hmanmi fung zum bantuk an si, kan dihlak in a kan zohkhenhtu Tuukhal a simi Pathian nih khan annih cu a pek hna.

EZRA 9:8

Sihmanhsehlaw atu cu caan tawite chung kha Bawipa kan Pathian nih zaangfahnak kan cungah a langhter, kannih cu Pathian nih kan mit kha a ceuter i kan saltannak chungah khan nun ṭhannak tlawmte a kan pek nakhnga, a tangmi a kan nganhpiak i a hmunthiang chungah a himmi hmun a kan pek.

NAMBAR 4:32

cun tual velchum i a ummi tung hna, an hram hna he an khenhteo hna he an hri hna he, an thilthuam vialte le an thilri vialte he tiah; cun annih kha phorh awk fialmi thil hna cu an min in na thiah hna lai.

NAMBAR 3:37

Tual velchum i tung hna zong, an hram le an khenhteo le an hri hna he tiah.

EXODUS 39:40

tual ca puanzar, tung, an kedanh, tual luhnak kutka ca puanzar, a hri le a thlam khenhnak fung, Pathian umnak thlam pumhnak thlam chung i rian ṭuannak ca i a herhmi thil vialte,

EXODUS 38:31

a velchum i a ummi tual kulhnak tungdanh hna le tual luhnak kutka tung danh hna le Pathian umnak thlam le a velchum tual ca fungkhenh vialte kha a ser hna.

EXODUS 38:20

Pathian umnak thlam le a velchum i a ummi a tual khenhnak fung cu dar in sermi an si.

EXODUS 35:18

Pathian umnak thlam le a tual ca fungkhenh le hri,

EXODUS 27:3

Biakṭheng caah cun hihi na ser hna lai: sathau nih a tlakhnawhmi vutcam ruhnak le laknak ah um le cawhlek le kheng le thirzum le meiṭil ruhnak kheng an si lai. Biakṭheng ca thilthuam vialte cu dar in na ser hna lai.

EXODUS 27:18

A tual cu pe za le sawm nga a sau lai i pe sawm sarih le pe nga a kau lai i pe sarih le a cheu a sang lai. Puanzar cu khumla hrual hmangṭhia in tahmi an si lai i tung dirnak kedanh cu dar in sermi an si lai.

EXODUS 27:20

“Meiinn caah oliv chiti a ṭha bik phun kha nan rak put lai, tiah Israel mi cu nawl na pek hna lai i meiinn cu nan van thluangthluan lai.