EXODUS 26:33 - Lai (Hakha) Common Language Bible 2006

³³ Thlam inncung thil bahnak tangah khan puanzar cu na chiah lai i biakamnak hngalhter ṭhantu lungtlap chiahnak kuang kha puanzar hnulei ah cun na chiah lai. Puanzar nih khan hmunthiang le hmunthiang bik kha a dan hna lai.

EXODUS 26:33 Խաչաձեւ Հղումներ

LEVITIKAS 16:2

Moses sinah hi bangin Bawipa nih a ti: “Na u Aaron cu va chim law, puanzar chung hmunthiang ah, kuang cung i a ummi velngeihnak ṭhutdan hmaiah cun zeitikhmanh ah lut hlah seh, a thi sual lai; zeitintiah velngeihnak ṭhutdan cungah cun minmei in ka lang lai.

EXODUS 40:21

Cun kuang cu Pathian umnak thlam chungah khan a chiah i a phentu puanzar kha a zar hna. Cuticun Bawipa nih a chimh bantuk te khan biakamnak lungtlap umnak kuang kha him tein a umter.

EXODUS 25:16

Kuang chungah cun kan pek laimi lungtlap pahnih, biakamnak hngalhter ṭhantu, kha na chiah hna lai.

1 SIANGPAHRANG 8:10

Cun tlangbawi kha hmunthiang chungin an chuah tikah Bawipa inn cu minmei a khat.

1 SIANGPAHRANG 8:6

Cun tlangbawi hna nih khan Bawipa biakamnak kuang cu amah hmun ah inn chung chungchin hmunthiang, hmunthiang bik, cherubim hna thla toiah khan an chiah.

EXODUS 36:36

Puanzar dohnak caah cun anri tung pali an ser hna i sui in an hut hna i sui sio an thlaih hna. Tung an dirnak caah cun ngun kedanh pali an ser hna.

EXODUS 27:10

Cu puanzar cu dar tung pakul ah bah a si lai i cu dar tung pakul cu dar kedanh pakhat cio an ngei lai. Cun tung ah cun bahnak pakhat cio an um lai i ngun in sermi fung pakhat cio an ngei lai.

EXODUS 26:32

Ngun in sermi kedanh pali chungah bunhmi tung pali, bahnak a ngeimi hna cung ah khan na zar hna lai.

EXODUS 27:21

Aaron le a fapa hna nih khan hi meiinn cu Pathian nih a mi hna a ton hnanak thlam chungah khan an chiah lai, cucu puanzar leng, biakamnak hngalhter ṭhantu lungtlap hna chiahnak biakamnak kuang hmaiah khan a si lai. Cuka ah cun, Pathian hmaika ah khan zanlei in zinglei tiang a alh zungzal lai. Hi nawlbia hi Israel mi le an tefa hna nih an zulh zungzal awk a si lai.

EXODUS 40:3

Biakamnak hngalhter ṭhantu lungtlap hna umnak kuang kha a chungah na chiah lai i puanzar na khuh lai.

1 SIANGPAHRANG 6:16

Cun inn hnulei dong kul cu zelṭuang in inntling tiang sidar thing in a ser i mah hihi a chungah, chungchin hmunthiang, a thiang bik hmun caah khan a ser.

2 CHANRELNAK 3:8

Cun a thiang bik hmun kha a ser; a saulei cu inn vang he aa khat in dong kul a si i a kauhlei cu dong kul a si; sui thiang talen za ruk in a hut.

EZEKIEL 41:4

Cun hmunthiang a va donghnak i a khaan cu a tah i a saulei dong kul, a kauhlei dong kul a si. Cun a ka thawh i, ‘Hihi Hmun Thiang Bik cu a si,’ a ti.