EXODUS 25:8 - Lai (Hakha) Common Language Bible 2006

⁸ Biakinn pakhat an ka serpiak lai i cuticun an lakah ka um lai.

EXODUS 25:8 Խաչաձեւ Հղումներ

2 KORIN 6:16

Zeitindah Pathian biakinn cu lawkihmi siasal he an i tlak khawh lai? Zeicahtiah kanmah cu pei a nungmi Pathian biakinn cu kan si cu. Pathian hrimhrim nih, “Ka mi hna sinah ka umnak inn cu ka sak lai i an sinah ka um lai; Keimah cu an Pathian ka si lai i annih cu ka mi an si lai,” a ti bantuk khan a si taktak.

BIAPHUAN 21:3

Bawiṭhutdan in aw thangpi pakhat ka theih i, “Pathian umnak inn cu minung hna sinah a um cang. Anmah sinah cun a um lai i annih cu a mi an si lai. Pathian hrimhrim cu an sinah a um lai i amah cu an Pathian a si lai.

1 SIANGPAHRANG 6:13

Cun Israel mi hna sinah khan ka um lai i ka mi Israel mi kha ka hlawt hna lai lo,” tiah a ti.

EXODUS 29:45

Israel mi hna lakah khan khua ka sa lai i keimah cu an Pathian ka si lai.

ZEKHARIAH 2:10

Cucaah nannih nih ralkapbu Bawipa nih a ka thlah kha nan hngalh lai. Fak piin au law i lawm tuah, maw Zion fanu, ka ra lio, nanmah lakah ka um lai, tiah Bawipa nih a ti.

HEBRU 3:6

Sihmanhsehlaw Khrih zumh awk tlak a sining cu, Pathian inn a zohkhenhtu Fapa ningin a si. Cu inn cu kanmah hi kan si i cu kan simi cu kan i ruahchanmi kha fek te le ṭih lo tein kan i tlaih peng lawngah kan si zungzal lai.

ZEKHARIAH 8:3

Cun Bawipa nih, “Atu cu Zion ah khan ka ra kir ṭhan cang i Jerusalem ah khan ka um lai. Jerusalem cu Zumhtlak Khualipi ti a si lai i ralkapbu Bawipa tlang cu Tlang Thiang ti a si lai.” tiah a ti.

ISAIAH 12:6

Zion i a ummi paohpaoh cu au u law hla sa u. Israel Pathian thiang cu a lianngan i a mi hna sinah khua a sa.”

NAMBAR 5:3

pa siseh nu siseh na chuah hna lai, riahhmun lengah na chuah hna lai, zeitintiah a laifang i ka umnak an riahhmun cu an thurhhnawmh nakhnga lo,” tiah a ti.

LEVITIKAS 21:12

hmunthiang chung zongin a chuak lai lo i a Pathian hmunthiang kha a thurter lai lo, zeitintiah a Pathian thuhnak chiti in thianter a si cang: keimah cu Bawipa ka si.

LEVITIKAS 4:6

thi chungah cun tlangbawi nih a kutdong a hnim lai i hmunthiang puanzar hmai Bawipa hmaika ah cun thi cu tlawmpal in voi sarih a theh lai.

EXODUS 15:2

Bawipa nih a ṭhawngmi le a liannganmi ah a ka ser, amah cu a ka khamhtu kha a si. Amah cu ka Pathian a si i ka thangṭhat lai, ka pupa hna Pathian a si i a lianhngannak cu hla in ka sak lai.

LEVITIKAS 10:4

Cun Moses nih Aaron pa unau Uzziel fapa Mishael le Elzafan cu a kawh hna i, “Hmaiah hung chuak u, hmunthiang hmai in nan unau hna cu riahhmun lengah chuahpi hna u,” tiah a ti hna.

LAMKALTU 7:44

“Kan pupa hna nih khan, Pathian kan sinah a um ti hngalhnak thlam kha thetse ram ah khan an rak i ngeih ko. Pathian nih Moses a chimh bantuk khan sermi a si i Moses nih a hmuhmi pungsan ning khan tuah a si.

EXODUS 29:46

Keimah cu Bawipa an Pathian, an sin um awkah Izipt ram in a chuahpitu hna ka si kha an hngalh lai. Keimah cu Bawipa an Pathian ka si.

LEVITIKAS 26:11

Cun ka umnak cu nanmah lakah ka ser lai i ka nunnak nih an hua hna lai lo.

DEUTERONOMI 12:11

khi tikah Bawipa nan Pathian nih a min umnak dingah a thim laimi hmun ah nawl kan pekmi hna vialte cu nan rak put hna lai: nan khangh thawinak hna le raithawinak hna, nan cheu hra cheu khat le nan pekchanhmi pekchanhnak, cun Bawipa sinah bia nan i kammi biakamnak pekchanhnak vialte na rak put lai.

JOSHUA 22:31

Cun tlangbawi Eleazar fapa Phinehas nih Reuben mi hna le Gad mi hna le Manasseh mi hna cu, “Bawipa cungah rawinak nan tuah lo caah, Bawipa cu kan lakah a um, tiah nihin ah kan hngalh; Israel mi hna cu Bawipa kut chungin nan khamh cang hna,” tiah a ti hna.

EXODUS 15:17

Na mi cu na luhpi hna lai i na tlang cungah khan na phun hna lai, na umnak inn ca i na sermi hmun ah khan na phun hna lai maw Bawipa, nangmah hrimhrim nih na sakmi biakinn ah khan na phun hna lai, maw Bawipa.

1 CHANRELNAK 22:19

Atu cu Bawipa nan Pathian kha nan ruahnak le nan lungthin in biatak tein kawl tuah u. Bawipa biakamnak kuang le Pathian umkheng thiang hna cu Bawipa min ca i sakmi inn chungah khan luhpi an si nakhnga, tho u law Bawipa Pathian i hmunthiang cu sa tuah u,” tiah a ti hna.

EZEKIEL 37:26

Annih kha thluachuahnak pek awk caah anmah he biakamnak ka ser lai i cu biakamnak cu zungzal in an ta a si lai. Tam piin ka karhter hna lai i an lakah cun a zungzal in ka hmunthiang cu ka chiah lai.

EZEKIEL 37:28

Miphun dang hna nih khan, Israel mi cu an lakah a zungzal in ka hmunthiang kha a um caah Bawipa nih ka mithiang ah kaa chiah hna, ti kha an hngalh lai, tiah a ti.

EZEKIEL 43:7

A ka thawh i, “Mipa, ka bawiṭhutdan umnak hmun, ka ke chiahnak hmun, Israel mi sinah zungzal in ka umnak ding hmun khi na hmu maw? Annih nih siseh, an siangpahrang nih si hna seh, ka sinah zumhawktlak loin an umnak le an thih tikah an siangpahrang hna ruak in ka min thiang cu an thurhhnawmh ti lai lo.