EXODUS 25:30 - Lai (Hakha) Common Language Bible 2006

³⁰ Cun ka hmaika cabuai ah khan ka sin i pekchanhmi changreu kha hun zungzal a si lai.

EXODUS 25:30 Խաչաձեւ Հղումներ

MATTHAI 12:4

Pathian inn chungah pei a lut i changreu thiang cu a ei kha. Kha changreu kha amah nih siseh, a mi hna zong nih siseh, an ei awk a si ṭung lo. Tlangbawi lawnglawng nih pei an ei phung a si kha.

EXODUS 39:36

cabuai le a thuamthil vialte, Pathian hmai hunmi changreu,

MALAKHI 1:12

Sihmanhsehlaw nannih nih cun Bawipa cabuai cu thurhhnawmh khawh a si ko, kanmah i zei i kan rel lomi rawl cu a cungah hun khawh a si ko, ti i nan ruahnak thawng hin ka min cu nan thurhhnawmh.

MALAKHI 1:7

Nannih nih nan i thawh i, “Zeitindah na min cu zeirello in kan um?” nan ti. Zeirello i nan um cu ka biakṭheng cung i a thurhnawmmi rawl nan ka pekchanh hi a si. Nannih nih nan i thawh i, “Zeitindah kan in thurhnawmh,” nan ti. Nan ka thurhhnawmhnak cu hitihin a si: Nan i thawh i, Bawipa cabuai cu zohhnawmh si ko seh,

2 CHANRELNAK 13:11

Kannih nih cun Bawipa kan Pathian nawlbia kha kan zulh caah Bawipa sinah zinglei fate le zanlei fate khangh thawinak le rim thawmi zihmui kha an pekchanh i sui thiang cabuai cungah khan hun camcinmi changreu kha an hun i zanlei fate sui meivannak tung cu a meiinn kha an alh naklai an zohkhenh; Bawipa nih a kan fialmi kha kan tuah; sihmanhsehlaw nannih nih cun amah cu nan hlawt.

1 CHANRELNAK 23:29

cun hun camcinmi changreu le changvut thawinak ca i changvut le thilnu cawh lo changreu pan tete hna le rawhmi changreu thawinak le chiti he cawhmi thawinak hna timhtuahnak le a tam a tlawm lei tahnak ah siseh, a hmet a ngan lei tahnak ah siseh, annih nih an bawmh fawn hna lai.

1 CHANRELNAK 9:32

Cun Kohath mi an unau hna a cheu khat zong kha, Sabbath kip i timh awkah hun camcinmi changreu tuah cu an rian a si.

1 SAMUEL 21:6

Cucaah tlangbawi nih khan changreu thiang kha a pek; zeitintiah khika ah khan Hunh camcinmi changreu dah ti lo cu changreu dang a um lo, cu changreu cu Bawipa hmai in ṭhial a si ni ah changreu lum in rawlh ṭhan tawnmi a si.

NAMBAR 4:7

Cun umcamcin changreu cabuai cungah cun a dummi puan an phah lai i a cungah pakan hna le rimhmui khanghnak kheng tete le kanto hna le thlet thawinak ca i awi-um hna cu an chiah hna lai; umcamcin changreu zong cu a cungah cun a um ve lai;

EXODUS 35:13

cabuai, a zawnhnak lang le a thilri vialte, Pathian hmai hunmi changreu,

HEBRU 9:2

Biaknak puan thlam kha an ser, a lenglei cu Hmun Thiang ti a si. Cu chungah cun meiinn, cabuai le Pathian sin hunhmi changreu kha an um.

EXODUS 40:4

Cabuai kha a chungah na chiah lai i a cungah a thilri vialte kha na chiah hna lai. Meiinn tung zong kha na luhpi lai i a cungah a meiinn kha na chiah hna lai.

EXODUS 40:23

a cungah khan Pathian hmai hunmi changreu kha a hun hna, cucu Bawipa nih a chimhningte khan a si.

1 SAMUEL 21:4

Cun tlangbawi nih khan David cu a leh i, “Changreu sawhsawh cu ka ngei lo, sihmanhsehlaw changreu thiang cu a um; tlangval hna cu nu sinin an i thianhhlimh paoh ahcun,” tiah a ti.

1 SIANGPAHRANG 7:48

Cuticun Solomon nih Bawipa inn chung i a ummi umkheng vialte cu a ser hna: sui biakṭheng, Hun camcinmi changreu ca i sui cabuai,

2 CHANRELNAK 2:4

Bawipa ka Pathian upatnak caah biakinn sak kaa tim. Cu inn cu ka mi hna le keimah nih rimthaw zihmui khanghnak in Pathian kan biaknak hmunthiang a si lai. Cun Israel mi cu nan tuah zungzal lai tiah nawlpek a simi: hun camcinmi changreu kan pekchanh zungzalnak hmun le Bawipa kan Pathian upatnak caah zingfa zanfa, sabbath hna le thla thar puai hna le nizarh hna ah khangh thawinak kan pekchanhnak hmun a si lai.

EZEKIEL 41:22

Hmun Thiang Bik hmaiah cun thing biakṭheng a lomi kha a um, a saulei cu dong hnih a si, a sanlei cu dong thum a si; a kil ah khan tung an bunh hna i a hram le a sir cu thing an si. Mah hihi Bawipa hmai i a ummi cabuai a si, tiah a ka chimh.

1 SAMUEL 21:5

Cun David nih tlangbawi kha a leh i, “Rian pakhatkhat ca i ka kal tikah a si tawn bangin, biangaite chim in, nu sinin kan i thianhhlimh ko; khualtlawn sawhsawh tik hmanh ah tlangval hna umkheng hi an thiang tawn ko; nihin ah hin cun zeitluk in dah an umkheng cu a thian chinchin lai?” tiah a ti.

2 CHANRELNAK 2:3

Cun Solomon nih Tair ram siangpahrang Huram kha bia a cah i, “Ka pa David cungah na rak tuah i amah a umnak ding inn saknak caah sidar thing na rak kuat bantuk khan, keimah zong ka kua ve tuah.