EXODUS 25:22 - Lai (Hakha) Common Language Bible 2006

²² Cuka ah cun kan ton lai; Israel mi hna caah ka timi ka nawlbia vialte cu kuang chin cung le biakamnak kuang cung i a ummi cherubim pahnih hna karlak cun kan pek tawn lai.

EXODUS 25:22 Խաչաձեւ Հղումներ

NAMBAR 7:89

Cun Moses nih tonnak thlam chungah Bawipa he i chawnh awk i a luh tikah khan biahngalhternak kuang cung i a ummi velngeihnak ṭhutdan cung khan, cherubim pahnih hna karlak khan amah a run chawntu aw cu a theih i cuticun amah cu a run chawnh.

ISAIAH 37:16

“Ralkapbu Bawipa, Pathian bawiṭhutdan cungah a ṭhu mi, nangmah lawnglawng hi Pathian na si i vawlei cung pennak vialte a uk dihtu na si. Nangmah nih van le vawlei kha na ser hna.

SALM 80:1

Maw Israel Tuukhal, kan bia kan ngaihpiak tuah, Josef kha tuurun bantukin a hruaitu, kan thlacamnak kan theihpiak tuah. Cherubim cungah bawiṭhutdan cung i a ṭhumi,

2 SIANGPAHRANG 19:15

Cun Bawipa hmaiah cun Hezekiah nih thla a cam i, “Maw Bawipa, Israel Pathian, cherubim cungah a ṭhumi, vawlei cung pennak vialte hna Pathian cu nangmah lawnglawng hi na si; nangmah nih van le vawlei kha na ser hna.

1 SAMUEL 4:4

Cucaah Shiloh ah mi an hei thlah hna i cherubim karlak i a ummi ralkapbu Bawipa biakamnak kuang cu khika in an rak put; cun Eli fapa pahnih Hofni le Phinehas hna kha Pathian biakamnak kuang sinah cun an rak um.

NAMBAR 17:4

Cun, tonnak thlam chung hngalhternak hmai nangmah kan tonnak hmun ah khan na chiah hna lai.

LEVITIKAS 16:2

Moses sinah hi bangin Bawipa nih a ti: “Na u Aaron cu va chim law, puanzar chung hmunthiang ah, kuang cung i a ummi velngeihnak ṭhutdan hmaiah cun zeitikhmanh ah lut hlah seh, a thi sual lai; zeitintiah velngeihnak ṭhutdan cungah cun minmei in ka lang lai.

SALM 99:1

Bawipa cu siangpahrang a si, mi vialte cu an ther dih; cherubim cung i a bawiṭhutdan cungah khan a ṭhu, vawlei cu aa hnin dih.

2 SAMUEL 6:2

Cun David cu a tho i a sinah a ummi vialte hna he khan, Pathian kuang, a cungah ralkapbu Bawipa min a cuang i cherubim cung i a ṭhumi kha, vung lak awkah Judah ram Baalah khua ah khan an vung kal.

EXODUS 30:36

A cheu cu dip tein na rial lai, cun a cheu cu pumhnak thlam chung ummi biakamnak kuang hmaiah khan na chiah lai, cuka hmun cu nangmah kan ton lainak hmun a si lai. Hi zihmui cu a zarh hringhranmi zihmui ah na ruah lai.

EXODUS 30:6

Biakamnak kuang a chin he a ummi hmai i aa zarmi puanzar hmaiah khan hi biakṭheng cu na chiah lai. Hika hmun hi kan ton hnanak hmun a si lai.

BIACEIHTU 20:27

Cun Israel mi nih Bawipa kha an hal i (khi caan lioah Pathian biakamnak kuang cu khika ah a um i

SALM 90:1

Maw Bawipa, nangmah cu kan inn na si zungzal!

LEVITIKAS 1:1

Bawipa nih Moses cu a kawh i tonnak thlam chungin a chawnh i hi bangin a ti:

EXODUS 31:18

Sinai Tlang cungah Bawipa nih Moses cu bia a chimh dih tikah, biakamnak lungtlap pahnih, Pathian hrimhrim nih a kutdong in a nawlbia a ṭialnak lungtlap kha Moses cu a pek.

EXODUS 31:6

Cun amah sin i a ṭuan ve dingah cun Dan phun chung mi Ahisamak fapa Oholiab kha ka thim cang fawn. Cun zungthiam dang vialte kha thiamnak phunphun ka pek hna i cucaah ser awk tiah kan chimhmi vialte kha an ser khawh hna lai.

EXODUS 20:24

Vawlei in biakṭheng pakhat ka caah nan ser lai i cu cungah cun khangh thawinak le hawikomhnak thawinak ca i nan hmanmi nan caw le nan tuu hna kha nan khangh hna lai. Cuka hmun ah nan ka biak lai tiah kan timi hna hmun paoh ah khan nan sinah ka ra lai i thluachuahnak kan pek hna lai.

GENESIS 18:33

Abraham he bia an i ruah dih cun, Bawipa cu a kal i Abraham zong cu inn ah a ṭin.

EXODUS 27:21

Aaron le a fapa hna nih khan hi meiinn cu Pathian nih a mi hna a ton hnanak thlam chungah khan an chiah lai, cucu puanzar leng, biakamnak hngalhter ṭhantu lungtlap hna chiahnak biakamnak kuang hmaiah khan a si lai. Cuka ah cun, Pathian hmaika ah khan zanlei in zinglei tiang a alh zungzal lai. Hi nawlbia hi Israel mi le an tefa hna nih an zulh zungzal awk a si lai.

1 CHANRELNAK 13:6

Cun David le Israel mi vialte cu Baalah ah khan an hung kal, cucu Judah ta a simi Kiriath-jearim kha a si; cherubim hna cungah a ṭhumi Bawipa min in kawhmi Pathian kuang va lak awkah khan a si.

SALM 80:2

na dawtnak cu kan cungah langhter ko; Efraim le Benjamin le Manasseh phun cungah langhter ko! Na ṭhawnnak cu kan hmuhter, ra law kan khamh tuah.

EZEKIEL 43:6

Cun biakinn chung cun pakhat nih a hun ka chawnh kha ka theih i mipa cu ka pawngah khan a dir.