EXODUS 25:16 - Lai (Hakha) Common Language Bible 2006

¹⁶ Kuang chungah cun kan pek laimi lungtlap pahnih, biakamnak hngalhter ṭhantu, kha na chiah hna lai.

EXODUS 25:16 Խաչաձեւ Հղումներ

1 SIANGPAHRANG 8:9

Israel mi nih Izipt ram in an chuah tikah Bawipa nih annih he biakamnak a tuahnak Horeb tlang i Moses nih a khumhmi lung tlap pahnih hna dah ti lo kha cu, kuang chungah zeihmanh a um lo.

DEUTERONOMI 31:26

“Hi phungbia cauk hi la u law, Bawipa nan Pathian biakamnak kuang pawngah khan va chia tuah u, nanmah kong ah biahngaltu a si nakhnga.

HEBRU 9:4

Cu chungah cun rimhmui khanghnak sui biakṭheng le sui hutmi kuang, biakamnak an chiahnak kuang kha an um. Cu kuang cungah cun manna an chiahnak sui um, Aaron ṭhiangṭhunh a corhmi le nawlbia an ṭialnak lungtlap pahnih kha an chiah hna.

EXODUS 16:34

Bawipa nih Moses a fial bang khan, him tein a um khawh nakhnga, biakamnak kuang hmaiah khan a chiah.

ROM 3:2

A phunphun in tampi a um ko! Cu hna lak i a hmasa bik cu, Pathian nih a bia Judah mi a kenter hna kha a si.

LAMKALTU 7:44

“Kan pupa hna nih khan, Pathian kan sinah a um ti hngalhnak thlam kha thetse ram ah khan an rak i ngeih ko. Pathian nih Moses a chimh bantuk khan sermi a si i Moses nih a hmuhmi pungsan ning khan tuah a si.

2 SIANGPAHRANG 11:12

Cun siangpahrang fapa kha a hun chuahpi i bawi luchin a chinh i hngalhternak bia kha a pek; cun annih nih siangpahrang ah an ser i chiti an thuh; an kut kha an bengh i, “Siangpahrang cu saupi nung ko seh!” an ti.

NAMBAR 17:4

Cun, tonnak thlam chung hngalhternak hmai nangmah kan tonnak hmun ah khan na chiah hna lai.

EXODUS 38:21

Biakamnak lungtlap an chiahnak Pathian umnak thlam chung hmanmi thilri cu hihi a si: Cu thilri hna cu Moses nih a fial hna ningin tuahmi an si i tlangbawi Aaron fapa Ithamar kuttang i a ṭuanmi Levi mi hna nih an sermi an si.

EXODUS 34:29

Moses cu Sinai Tlang cungin biakamnak lungtlap pahnih he a rung ṭum ah khan, Bawipa he kan i chawnh caah ka hmai cu a ceu ti kha a hngal lo.

EXODUS 32:15

Moses cu aa mer i tlang cung cun a vung ṭum, a kut in biakamnak lungtlap pahnih kha aa put hna i cu lungtlap cu a kap hnih in an i ṭial.

EXODUS 31:18

Sinai Tlang cungah Bawipa nih Moses cu bia a chimh dih tikah, biakamnak lungtlap pahnih, Pathian hrimhrim nih a kutdong in a nawlbia a ṭialnak lungtlap kha Moses cu a pek.

EXODUS 30:36

A cheu cu dip tein na rial lai, cun a cheu cu pumhnak thlam chung ummi biakamnak kuang hmaiah khan na chiah lai, cuka hmun cu nangmah kan ton lainak hmun a si lai. Hi zihmui cu a zarh hringhranmi zihmui ah na ruah lai.

EXODUS 30:6

Biakamnak kuang a chin he a ummi hmai i aa zarmi puanzar hmaiah khan hi biakṭheng cu na chiah lai. Hika hmun hi kan ton hnanak hmun a si lai.

EXODUS 27:21

Aaron le a fapa hna nih khan hi meiinn cu Pathian nih a mi hna a ton hnanak thlam chungah khan an chiah lai, cucu puanzar leng, biakamnak hngalhter ṭhantu lungtlap hna chiahnak biakamnak kuang hmaiah khan a si lai. Cuka ah cun, Pathian hmaika ah khan zanlei in zinglei tiang a alh zungzal lai. Hi nawlbia hi Israel mi le an tefa hna nih an zulh zungzal awk a si lai.

EXODUS 25:21

A chin cu kuang cungah cun na chiah lai i kuang chungah cun biakamnak hngalhter ṭhantu lungtlap pahnih kan pek laimi kha na chiah hna lai.

EXODUS 26:33

Thlam inncung thil bahnak tangah khan puanzar cu na chiah lai i biakamnak hngalhter ṭhantu lungtlap chiahnak kuang kha puanzar hnulei ah cun na chiah lai. Puanzar nih khan hmunthiang le hmunthiang bik kha a dan hna lai.

EXODUS 40:20

Cun biakamnak lungtlap kha a lak hna i kuang chungah khan a chiah hna. Kuang i thlaihmi sui kual ah khan lang kha a hrolh hna i a chin kha a chinh.

JOSHUA 4:16

“Hngalhternak bia kuang a zawntu tlangbawi hna kha Jordan in hung chuah awkah nawl pe hna,” tiah a ti.

2 CHANRELNAK 23:11

Cun siangpahrang fapa cu a rak chuahpi i bawi luchin cu a chinh i hngalhternak bia kha a pek; cun siangpahrang a si tiah an thanh i Jehoiada le a fapa hna nih khan chiti an thuh i, “Siangpahrang cu saupi nung ko seh!” tiah an ti.