EXODUS 24:7 - Lai (Hakha) Common Language Bible 2006

⁷ Cun biakamnak cauk kha aa lak i mi zapi cu aw thangpi in a relpiak hna i annih nih, “Bawipa nih nawl a kan pekmi vialte cu kan tuah dih lai; amah nawl cu kan zulh lai,” an ti.

EXODUS 24:7 Խաչաձեւ Հղումներ

1THESALON 5:27

Bawipa nawl in, hi ca cu kan unau pawl vialte kha rak relpiak hna u tiah kan nawl hna.

KOLOSE 4:16

Hi ca hi nan rel dih tikah Laodisia Khrihfabu zong nih an rel ve hrimhrim nakhnga rak kua chin hna u. Cun Laodisia mi hna nih cun nannih zong ca kha an in kuat chin ve hna lai i cucu nannih zong nih rak rel ve u.

LAMKALTU 13:15

Cuka mi hna nih Moses Nawlbia Cauk chungin le profet hna caṭialmi chungin an rel hnuah pumhnak inn uktu hna nih cun an i thawh i, “U le nau hna, mizapi caah forhnak bia chim awk nan ngeih ahcun chim tuah hna u,” tiah an ti hna,

EXODUS 19:8

Cun mi zapi nih khan an dihlak in, “Bawipa nih a chimmi paoh cu kan tuah dih lai,” an ti. Mi zapi nih an lehnak kha Moses nih khan Bawipa cu a chimh ṭhan.

JOSHUA 24:24

Cun mi zapi nih cun Joshua cu, “Bawipa kan Pathian cu kan biak lai i amah aw kha kan ngaih lai,” tiah an chawnh.

1 SIANGPAHRANG 8:9

Israel mi nih Izipt ram in an chuah tikah Bawipa nih annih he biakamnak a tuahnak Horeb tlang i Moses nih a khumhmi lung tlap pahnih hna dah ti lo kha cu, kuang chungah zeihmanh a um lo.

SALM 50:5

Aa thawh i, “Zumhawktlak a simi keimah sinah raithawinak in biakamnak a tuahmi ka mi hna kha ka sinah pum hna u,” a ti.

SALM 78:36

Sihmanhsehlaw an bia cu lih lawngte a si i an chimmi paoh cu hlennak lawngte a si.

JEREMIAH 34:13

Hihi Bawipa, Israel Pathian bia cu a si: Nan pupa hna cu Izipt ram in, saltannak ram chungin ka chuahpi hna tikah annih sinah biakamnak ka ser.

JEREMIAH 42:6

Kan duh zongah, kan duh lo zongah, a sinah va kal, tiah kan in fialmi Bawipa, kan Pathian cu a bia kan ngaih lai; kan caah a ṭhat nakhnga a bia kan ngaih lai,” tiah an ti.

EZEKIEL 16:8

“Cun na pawngah ka ra ṭhan i va ngeih cu na si cang ti kha kan hmuh. Ka puan cu kan zawnh i na taklawng cu kan huh. Cun kan hamnak kha ka fehter i nupi ah kan ṭhit i keimah ta ah na cang, tiah Bawipa Pathian nih a ti.

MALAKHI 2:10

Kan dihlak in pa pakhat fa kan si lo maw? Pathian pakhat sermi kan si lo maw? Zeicahdah pakhat le pakhat cung i zumhawktlak lo i kan umnak thawngin kan pupa hna sin i biakamnak cu kan hrawh?

2 CHANRELNAK 15:14

Bawipa sin chiatsernak cu aw thangpi le au le muko le saki tumnak he an tuah.