EXODUS 24:13 - Lai (Hakha) Common Language Bible 2006

¹³ Moses cu a sal Joshua he khan an i tim i Pathian tlang ah cun an hung kai.

EXODUS 24:13 Խաչաձեւ Հղումներ

EXODUS 33:11

Minung nih a minung hawi bia a ruah bantukte khin Bawipa nih Moses cu hmaitonh tein bia a ruah. Cu hnuah cun Moses cu riahhmun ah khan a kir tawn. Asinain a sal Joshua, Nun fapa kha cu thlam kha a kaltak lo.

NAMBAR 11:28

Nun fapa Joshua, a tlanval lio in Moses rian a ṭuantu nih khan, “Ka bawipa Moses, thlauh hna,” tiah a ti.

EXODUS 3:1

Moses cu a nupi pa Jethro, Midian tlangbawi a simi, tuu le meheh kha a cawng hna i saṭilrun cu thetse ram pinah khan a kalpi hna i Horeb tlang, Pathian tlang timi kha a phan.

EXODUS 32:17

Joshua nih mi an au len thawng kha a theih i Moses cu, “Riahhmun ah raldohnak thawng ka theih,” tiah a chimh.

EXODUS 4:27

Bawipa nih Aaron cu a thawh i, “Moses ton awkah thetse ram ah khan va kal tuah,” tiah a ti. Amah ton awkah cun Pathian tlang ah khan a va kal i a ton tikah a hnamh.

EXODUS 18:5

Jethro cu Moses nupi le fapa hna he khan Moseste an riahnak thetse ram chung Bawipa tlang ah khan a ra.

1 CHANRELNAK 7:27

cu fapa cu Nun, cu fapa cu Joshua.

EXODUS 19:3

Moses cu tlang cungah khan Pathian ton awkah a hung kal. Tlang cung cun Bawipa nih khan a vun auh i,

JOSHUA 1:1

Bawipa sal Moses thih hnuah, Moses rianṭuantu Joshua, Nun fapa cu, Bawipa nih a chawnh i,