EXODUS 24:1 - Lai (Hakha) Common Language Bible 2006

¹ Bawipa nih khan Moses cu a rak thawh i, “Tlang cungah khan Aaron le Nadab le Abihu le Israel mi hruaitu hna sawm sarih he khan nan ra lai i hla nawn in keimah biak ah nan kun lai.

EXODUS 24:1 Խաչաձեւ Հղումներ

NAMBAR 11:16

Cun Bawipa nih Moses sinah cun, “Israel upa hna lakin pa sawm sarih, nangmah nih mi hna cung i upa le bawi an si ti i na hngalhmi cu ka sinah ratpi tuah hna; cun tonnak thlam ah ratpi hna law, khika ah nangmah sinah dirter hna.

EXODUS 6:23

Aaron nih Elisheba, Amminadab fanu, Nahshon far, kha a ṭhit i Nadab, Abihu, Eleazar le Ithamar kha a hrinpiak hna.

EXODUS 28:1

“Na u Aaron le a fapa hna kha Israel mi chungin ka sinah ratpi hna, Aaron le a fapa Nadab, Abihu, Eleazar le Ithamar cu ka tlangbawi rian a ṭuantu ding an si.

EXODUS 19:24

Bawipa nih Moses cu, “Vung kal law Aaron kha hun i kaipi. Asinain tlangbawi hna le mi zapi hna nih khan ka sin rat awkah ramri kha an lonh hrimhrim lai lo, dan ka tat sual hna lai,” a ti.

LUKA 10:17

Sawm sarih le pahnih kha thanuam ngaiin an ra kir i, “Bawipa, nangmah min in kan thawl hna tikah khuachia hmanh nih kan nawl an ngaih,” an ti.

LUKA 10:1

Cu hnuah cun Bawipa nih a dang sawm sarih le pahnih kha a thim hna i amah a kalnak ding khua le hmun paoh ah khan a hmaiah pahnih pahnih in a thlah hna.

EZEKIEL 8:11

An hmaiah cun Israel mi upa sawm sarih an dir i an laifang ah cun Safan fapa Jaazaniah kha a dir, pakhat nih zihmui kheng pakhat cio an i put i cu kheng chung cun rimhmui khu an chuak.

1 CHANRELNAK 6:3

Amram fale hna: Aaron, Moses, le Miriam. Aaron fapa hna: Nadab, Abihu, Eleazar, le Ithamar.

EXODUS 34:2

Thaizing ah i tim law Sinai Tlang cungah khan hung kai law a par ah khan hung ka tong tuah.

EXODUS 24:15

Moses cu tlang cungah cun a hung kal i minmei nih khan tlang cu a rak zelh.

EXODUS 24:9

Moses, Aaron, Nadab, Abihu le Israel mi hruaitu sawm sarih kha tlang cungah cun an kai i

EXODUS 20:21

Sihmanhsehlaw mi zapi cu lamhlatpi ṭhiamṭhiam khan an dir i Moses lawng cu Pathian umnak minmei a nah in a nakmi pawngah khan a va kal.

EXODUS 19:20

Bawipa cu Sinai Tlang par ah cun a rung ṭum. Moses cu tlangpar ah cun hung tuah tiah a run kawh i Moses cu a hung kai.

EXODUS 19:9

Bawipa nih Moses cu, “Mi zapi nih nangmah he bia kan i ruah kha an theih i nangmah kha an in zumh zungzal nakhnga, na sinah a chahmi khuadawm in ka ra lai,” a ti. Mi zapi nih an lehnak kha Moses nih Bawipa cu a chimh.

EXODUS 3:5

Pathian nih cun, “Ra naih deuh ti hlah. Na kedan kha i phoih, na dirnak hmun kha hmun thiang a si.

EXODUS 1:5

Jakob tefa hrimhrim kha sawm sarih an si. Josef cu Izipt ram ah khan a rak um cang.

EXODUS 24:2

Moses lawnglawng ka pawngah cun na ra lai; a dang kha cu lamnai ah an ra lai lo i mi zapi kha na sinah cun an ra lai lo,” tiah a ti.

DEUTERONOMI 1:15

Cucaah nan phun cio i lu hna cu, mifim le ningcang hngalmi hna cu, ka lak hna i nannih cungah lu ah ka chiah hna, a thongthong haotu hna le, a zaza haotu hna le sawm nga pawl haotu hna le pahra pawl haotu hna le nan phun hna chung i biaceihtu hna cu an si.