EXODUS 23:31 - Lai (Hakha) Common Language Bible 2006

³¹ Nan ramri cu Rili Sen in Mediterranean Rili tiang, thetse ram in Zufrates Tiva tiang a si lai. Ram chung i a ummi hna tei khawhnak ṭhawnnak kan pek hna lai i annih cu nan dawi dih hna lai.

EXODUS 23:31 Խաչաձեւ Հղումներ

GENESIS 15:18

Cu ni ah cun Bawipa nih Abram cu bia a kam i, “Hi ram hi a dihlak in na tefa kha ka pek hna lai tiah bia kaa kam, Izipt ram ri i a ummi tiva in tiva ngan Zufrates tiang a si lai;

DEUTERONOMI 11:24

Nan keza nih a lamhmi hmun paoh cu nan ta a si lai; nan ram cu ramlak in Lebanon tiang, cun tiva in, Zufrates tiva in nitlaklei rili tiang a si lai.

JOSHUA 21:44

Cun Bawipa nih an pupa hna sinah chiat a rak ser bantukte khan, a kenkip ah dinhnak a pek hna. An ral ahohmanh nih an celh hna lo, zeitintiah Bawipa nih an ral hna cu an kut chungah a pek hna.

JOSHUA 1:4

Ramlak le hi Lebanon tlang in tiva ngan Zufrates tiang, Hit mi hna ram vialte nitlaknak leiah Rili Ngan tiang; nan ram a si lai.

JOSHUA 24:18

cun Bawipa nih kan hmai in mi vialte, ram chung i a ummi Amor mi hna kha, a dawi hna; cucaah kannih zong nih kan Pathian a si caah Bawipa cu kan biak lai,” tiah an ti.

SALM 72:8

A penmi ram cu rili pakhat in rili pakhat tiang a si lai i Zufrates tiva in vanhramdeng tiang a si lai.

1 SIANGPAHRANG 4:24

Zeitintiah amah nih Zufrates tiva in nitlaklei ram vialte Tifsah in Gaza tiang, Zufrates tiva nitlaklei siangpahrang vialte kha a uk hna i a velchum dihlak in daihnak a um.

BIACEIHTU 11:21

Cun Bawipa, Israel mi hna Pathian nih, Sihon le a mi vialte cu Israel mi kut chungah a pek hna i an tei hna; cucaah cu ram i a ummi Amor mi hna ram vialte cu Israel mi nih an co.

BIACEIHTU 1:4

Cun Judah cu a hung kal i Kanaan mi hna le Periz mi hna cu Bawipa nih an kut chungah a pek hna i Bezek khua ah an mi sang khat an tei hna.

1 SIANGPAHRANG 20:13

Cun zohhmanh profet pakhat Israel siangpahrang Ahab pawngah cun a ra i, “Hi bangin Bawipa nih, ‘Hi mibu nganpi hi na hmuh cang hna a si lo mei? Zohhmanh, nihin ah annih cu nangmah kan pek lai; cun nang nih keimah cu Bawipa ka si kha na hngalh lai,’ a ti,” tiah a ti.

1 SIANGPAHRANG 4:21

Solomon nih Zufrates in Filistin mi hna ram le Izipt ramri tiang ram vialte cu a uk dih hna; a nun chung vialte Solomon sinah cun ngunkhuai an thawh i a rian an ṭuan.

1 SAMUEL 23:4

Cun David nih Bawipa cu a hal ṭhan. Cun Bawipa nih a leh i, “Tho law, Keilah ah cun vung kal ko; zeitintiah Filistin mi hna cu na kut chungah kan pek lai,” tiah a ti.

JOSHUA 24:12

Cun Amor mi siangpahrang pahnih nan hmai in a ṭhawltu hna khuaingal kha nan hmaiah ka thlah; nan vainam in siseh, nan likuk in siseh a si lo.

JOSHUA 24:8

Cun Jordan khattelei kamah a ummi Amor mi hna ram ah khan kan hruai hna; nannih kha an in doh hna i annih cu nan kut chungah kan pek hna i, an ram cu nan lak i annih cu nan hmaiah ka hrawh hna.

JOSHUA 23:14

“Cun, atu cu vawleicung vialte phung bangin ka kal ve cang lai. Nannih nih nan dihlak in, Bawipa nan Pathian nih nanmah kongah biakamnak a tuahmi thilṭha vialte lakah pakhat hmanh pakpalawng a can lo kha nan lungthin le nan ruahnak in nan hngalh; nannih caah a dihlak in a tling dih, pakhat hmanh a bau lo.

JOSHUA 10:19

sihmanhsehlaw cuka ah cun nannih cu um hlah u, nan ral kha dawi hna u, an hnu dawn pawl kha tlak phuat hna u, an khua chungah khan luhter hrimhrim hna hlah u; zeitintiah Bawipa nan Pathian nih annih cu nan kut chungah an pek cang hna,” tiah a ti.

JOSHUA 10:8

Cun Bawipa nih Joshua cu a chawnh i, “Ṭih hna hlah, zeitintiah annih cu na kut chungah kan pek cang hna; anmah lakah na hmaiah a dir khomi pakhat hmanh an um lai lo,” tiah a ti.

JOSHUA 8:18

Khi tikah Bawipa nih Joshua sinah, “Na kut chungah a ummi fei kha Ai leiah sawh tuah; zeitintiah na kut chungah kan pek lai,” tiah a ti. Cun Joshua nih a kut chungah a ummi fei cu khua leiah cun a hei sawh.

JOSHUA 8:7

khi tikah nan lamhruang ahnak khan nan tho lai i khua cu nan tlaih lai; zeitintiah Bawipa nan Pathian nih nan kut chungah an pek hna lai.

DEUTERONOMI 3:2

Sihmanhsehlaw Bawipa nih a ka chawnh i, ‘Amah cu ṭih hlah, zeitintiah amah le a mi vialte hna le a ram cu na kut chungah kan pek cang i Amor miphun siangpahrang Sihon, Heshbon i a ummi cung i na tuah bantuk khan, amah cungah na tuah ve lai,’ tiah a ti.

NAMBAR 21:34

Sihmanhsehlaw Bawipa nih Moses cu a chawnh i, “Amah kha ṭih hlah, zeitintiah amah cu a mi vialte le a ram he na kut chungah kan pek cang; Heshbon ah a ummi Amor mi hna siangpahrang Sihon cungah na tuah bantuk khan, amah cungah na tuah lai,” tiah a ti.

DEUTERONOMI 1:7

i mer u law, i thawh u law, Amor mi hna umnak tlangram le an pawngkam ram hna Arabah ah siseh, tlangram ah le ramniam ah siseh, Negeb le rilikam ram ah siseh, Kanaan mi hna ram ah siseh, Lebanon ah siseh, tiva ngan Zufrates tiva tiang va kal u.

DEUTERONOMI 1:8

Zohhmanh, ram cu nan hmaiah ka chiah cang; nan pupa Abraham, Isak, le Jakob sinah Bawipa nih anmah le an hnu i an tefa hna sinah pek awkin chiat a sermi ram ah cun va lut u law, va co u,’ tiah a ti.

DEUTERONOMI 2:33

Bawipa kan Pathian nih amah cu a kan pek i, amah le a fapa hna le a mi vialte hna cu kan tei dih hna.

DEUTERONOMI 2:36

Arnon nelrawn kam i a ummi Aroer in le nelrawn chung i a ummi khua in Gilead tiang, kan ca i a sang tukmi khua pakhat hmanh an um lo; Bawipa kan Pathian nih kan kut chungah an dihlak in a kan pek.

DEUTERONOMI 9:3

Nangmah hmaiah kanghtu mei bangin a kalmi cu Bawipa na Pathian a si kha nihin ah hin hngal tuah; amah nih na hmaiah a hrawh hna lai i a tei hna lai; cucaah Bawipa nih bia an kam bangin na ṭhawl hna lai i khulrang tein na hrawh hna lai.

DEUTERONOMI 20:16

Sihmanhsehlaw Bawipa nan Pathian nih ro caah an pekmi hna, hi miphun hna khua chung tu ah hin cun, thaw a chuahmi zeihmanh a nung in nan zuah lai lo,

JOSHUA 24:11

Cun Jordan tiva kha nan tan i Jeriko kha nan phan i Jeriko khuami hna le Amor mi hna, Periz mi hna, Kanaan mi hna, Hit mi hna, Girgash mi hna, Hiv mi hna le Jebus mi hna zong nih nannih kha an rak in doh hna; annih cu nan kut chungah kan pek hna.

1 SIANGPAHRANG 8:65

Cuticun cu tan ah cun Solomon le Israel mi vialte, mi tampi aa pummi bu, Hamath khua luhnak in Izipt tivate tiang, cu mi hna nih cun Bawipa an Pathian hmaiah ni sarih chung puai an tuah.

1 SIANGPAHRANG 11:2

Bawipa nih Israel mi sinah, “Nannih nih nan ṭhi hna in nan la hna lai lo i annih zong nih in ṭhi hna in, in la ve hna hlah seh, zeitintiah annih nih nan lung kha an pathian hna leiah an in mer hrimhrim ko hna lai,” tiin a rak chimmi miphun hna nu kha a duh hna i aa tlaih peng hna.

NAMBAR 34:2

“Israel mi cu nawl pe hna law, hi bangin chim hna, Kanaan ram ah nan luh tikah (mah ram hi nan co awk hnga ram cu a si, Kanaan ram hi a ning piin),

JOSHUA 2:24

Cun annih nih Joshua sinah, “Bawipa nih ram cu a dihlak in kan kut chungah a kan pek taktak ko cang; cu hleiah cu ram chung ummi vialte hna cu kanmah ruangah an therphang ko,” tiah an ti.

JOSHUA 9:7

Sihmanhsehlaw Israel mi hna nih cun Hiv mi hna sinah cun, “Kanmah lak i a ummi nan si sual men ko hnga; cu ti a si ahcun zeitindah nannih he biakamnak kan tuah khawh lai?” tiah an ti.

JOSHUA 13:6

tlang ram i a ummi vialte Lebanon in Misrefoth-maim tiang, Sidon mi vialte hna cu. Keimah hrimhrim nih Israel mi hna hmai in ka dawi hna lai; nawl kan pek bantuk khan ram cu Israel mi hna sinah ro caah a cheuh tu cu rak cheu ko hna.

2 CHANRELNAK 9:26

Cun Zufrates tiva in Filistin mi hna ram tiang, cun Izipt ramri tiang, cuka i a ummi siangpahrang vialte kha a uk hna.