EXODUS 23:27 - Lai (Hakha) Common Language Bible 2006

²⁷ “Nanmah an dotu hna nih khan keimah cu an ka ṭih lai; nanmah an tutu hna kha an cungah tuainak ka tlunter lai i nan ral vialte nih khan an hnulei an in chit hna lai i an in zamtak hna lai.

EXODUS 23:27 Խաչաձեւ Հղումներ

DEUTERONOMI 2:25

Nihin ni hin, vanrang toi i a ummi vialte cungah nanmah ṭihnak le phannak chiah cu ka thawk lai i, annih nih nan thawngpang kha an theih lai i an ther lai i nanmah ruangah lungrethei in an um lai,’ tiah a ti.

GENESIS 35:5

Jakob le a fapa hna cu kal awk i an i thawh tikah khan, an pawngkam khuami hna cungah cun ṭihnak nganpi a tlung i cucaah an dawi ngam hna lo.

DEUTERONOMI 7:23

Sihmanhsehlaw an rawh dih hlantiang Bawipa nan Pathian nih annih cu nanmah kha an pek hna lai i fak piin a tuaiter hna lai.

DEUTERONOMI 11:25

Ahohmanh nih an in celh hna lai lo; Bawipa nan Pathian nih bia an kam cang hna bang khan, nan va lamh ding ram vialte cungah khan nanmah ṭihnak le phannak kha a chiah lai.

SALM 18:40

Ka ral hna cu keimah hnulei chit in na zamter hna i a ka huatu cu ka hrawh hna.

2 CHANRELNAK 14:14

Gerar pawngkam khua vialte cu an tuk i Bawipa kha an ṭih caah an tei hna. Khua vialte kha an chungah hranchaw tampi an um caah an ramh hna.

2 SIANGPAHRANG 7:6

Zeitintiah Bawipa nih Siria ralkapbu hna cu rangleng thawng le rang thawng le ralkapbu nganpi thawng kha a theihter hna i cucaah pakhat le pakhat cu, “Zohhmanh, Israel siangpahrang nih kanmah doh awkah Hit mi siangpahrang hna le Izipt mi siangpahrang hna kha aa ruaih ko hna hi ta,” tiah an i ti.

1 SAMUEL 14:15

Cun riahhmun le lo lak le mi vialte lakah khan launak a um ciammam i ralvengtu ralkapbu le ral hranhtu ralkap hna hmanh cu an ther ko; cun vawlei aa hnin i launak nganpi ah a cang.

DEUTERONOMI 11:23

nan hmaiah a ummi miphun vialte hna hi, Bawipa nih a dawi hna lai i, nanmah nakin a ngan deuh le a ṭhawng deuh miphun hna hi nan pawnchuah hna lai.

EXODUS 33:2

Nan hmaiah vancungmi pakhat ka thlah lai i Kanaan mi hna le Amor mi hna le Hit mi hna le Periz mi hna le Hiv mi hna le Jebus mi hna kha ka ṭhawl hna lai.

2 SAMUEL 22:41

Ka ral hna le a ka huatu hna cu, An hnulei na ka chitter hna i ka hrawh hna.

SALM 21:12

A thal in a kah hna lai i an i mer lai i an thi lai.

EXODUS 34:24

Nan hmai in miphun dang kha ka ṭhawl hna i nan ram kha ka kauhter hnuah cun, Bawipa nan Pathian ka hmai i chuah awkah kum khat ah voi thum lengmang nan rat tikah hin, hi caan ah hin nan ram cu ahohmanh nih tei an i zuam lai lo.

NAMBAR 22:3

Cu mi cu an tampi caah; Moab nih an ṭih ngaingai hna. Moab mi hna cu Israel mi an ṭih hnanak nih cun a tei hna.