EXODUS 23:26 - Lai (Hakha) Common Language Bible 2006

²⁶ Nan ram chungah ahohmanh nau rawk nan um lai lo i fa ngei loin a ummi nan um lai lo, chan sau pipi kan nunter hna lai.

EXODUS 23:26 Խաչաձեւ Հղումներ

DEUTERONOMI 7:14

Miphun vialte hna nakin nannih cu thluachuah nan hmu deuh lai; nannih lakah nu siseh, pa siseh, a cingmi nan um lai lo, nan saṭil lak zongah, an um lai lo.

JOB 5:26

Rawl phal tommi cu amah caan te ah phuhri a phanh bantukin. Chan tling cikcek tein thlan khor na phan lai.

DEUTERONOMI 28:4

Nan pum theitlai le nan vawlei theitlai, nan saṭil theitlai, nan caw karhnak le nan tuu punzamnak cu thluachuah pek a si lai.

JOB 21:10

An cawtum nih lak loin ci an thlak hna i An cawpi nih fa an hrin hna i an hrulh bal lo.

ISAIAH 65:20

Ngakchia kha an no lioah an thi ti lai lo i ahopaoh tar tlung in an nung cio lai. Kum za khat a simi kha mino ah rel an si lai. Cu hlan i thih cu dantatnak hmelchunhnak a si lai.

SALM 144:13

Kan rawl inn hna cu rawl a phunphun in khat hna seh, kan lo lak i a ummi tuu hna nih fa a thongthong in hring hna seh.

SALM 107:38

A mi kha thluachuah a pek hna i fa tampi an ngei, an saṭil run kha a lohtlauter hna lo.

GENESIS 35:29

Tar tlung nung in a mi hna cu thihnak ah khan a fonh hna i a fapa Esau le Jakob nih khan an vui.

1 CHANRELNAK 23:1

Cun David cu a upa i a tar ngaingai tikah a fapa Solomon cu Israel mi siangpahrang ah a ser.

GENESIS 25:8

Chan tling cikcek in a nun hnuah a thi i a phunhawi hna sinah khan pumh a si ve.

JOB 42:17

Cun Job cu tar ngaiin, chan tling cikcek in a nung i a thi.

SALM 55:23

Sihmanhsehlaw Bawipa, nangmah nih lainawng mi hna le lihchim mi hna cu vawlei tang khor thukpi ah khin an chan ṭim hlanah na thlak hna lai. Kei tu nih cun nangmah kha kan bochan lai.

SALM 90:10

Kan chan cu kum sawm sarih a si ko, kan thazang a ṭhawn deuh le sawm riat a si; cu hmanh ah retheihnak le harnak lawng kha kan ing, kan nunnak cu a dih zau i kan lo.

DEUTERONOMI 4:40

Cucaah nihin ah kan pekmi hna a nawlbia le a phungbia hna cu ul tuah hna u, nanmah le nan hnu i nan tefa hna caah aa remrel i Bawipa nih zungzal ca in an pekmi hna ram ah hin nan chan cu nan sauter nakhnga,” tiah a ti.

HOSEA 9:14

Pe ko hna, maw Bawipa, zei cu dah pe hna tiah kan nawl lai? Fa a hrulhter lengmangmi nau-inn le a carmi hnuk kha pe ko hna.