EXODUS 23:24 - Lai (Hakha) Common Language Bible 2006

²⁴ An pathian kha nan bia hna lai lo i an hmai zongah nan kun fawn lai lo, kha mi hna nih an tuahmi kha nan tuah ve lai lo, an pathian cu nan hrawh dih cikcek hna lai i an lung zarh vialte cu nan den dih cikcek hna lai.

EXODUS 23:24 Խաչաձեւ Հղումներ

EXODUS 20:5

Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

NAMBAR 33:52

nan hmai in cu ram i a ummi vialte cu nan dawi hna lai i an lung ṭial vialte kha nan hrawh lai i, thletmi an siasal vialte kha nan hrawh lai i, an khuahrum bo vialte kha nan chimh dih lai.

DEUTERONOMI 12:3

an biakṭheng kha nan ṭheh dih hna lai i an lungphun kha nan den dih cikcek hna lai i, an Asherim cu mei in nan khangh hna lai; an pathian mui serchommi hna cu nan hau hna lai i cuka hmun i an min cu nan hrawh lai.

DEUTERONOMI 7:5

Sihmanhsehlaw hi bangin annih cungah nan tuah lai: an biakṭheng kha nan khuai lai i an lungphun kha nan den dih hna lai i, an Asherim kha nan hau hna lai i suaimi an siasal kha mei in nan khangh hna lai.

2 CHANRELNAK 33:9

Manasseh nih Judah le Jerusalem mi cu a lem khawh hna caah Israel mi hmai i Bawipa nih a hrawhmi miphun hna nakkhan ṭhat lonak tam deuh an tuah.

LEVITIKAS 18:3

Nannih nan rak umnak Izipt ram i an tuah bantuk khan nan tuah lai lo i kan kalpi hna lainak ram Kanaan ram i an tuah bantuk zongin nan tuah lai lo. Annih an nawlbia kha nan zul lai lo.

EXODUS 32:20

An sermi cawfa kha a lak i mei ah a rawh i dip tein a rial i a dip cu ti cungah khan a hlonh i Israel mi cu kha ti kha a dinter hna.

EZEKIEL 16:47

Anmah umtuning in um ve in thil fihnung kha na tuah ve lo maw? Anmah nak hmanh in ṭhalo deuh in na um dengmang.

SALM 101:3

A thurmi tinhmi zeihmanh ka ngei lai lo; zumhtlaklo si kha a huat in ka huat lai.

2 CHANRELNAK 33:2

Bawipa nih Israel mi hna hmai in a dawimi hna miphun hna phunglam fihnungmi ning khan Bawipa mithmuh ah ṭhat lonak a tuah.

EXODUS 23:13

Kan chimhmi hna hi ṭha tein ngai u. Nannih nih pathian dang sinah thla nan cam hrimhrim lai lo, an min hmanh a chim in nan chim lai lo.

EXODUS 23:32

Anmah he biatlaknak zeihmanh nan tuah lai lo, an pathian hna he zong biatlaknak zeihmanh nan tuah lai lo.

EXODUS 23:33

Nan ram chungah cun an um lai lo, ka cungah an in sualter sual hna hnga. An pathian kha nan biak hna ahcun cu nih cun nanmah rawhnak kha a chuahter lai,” a ti.

LEVITIKAS 26:1

“Nannih nih an hmai i kun awkah, siasal nan i ser lai lo i ṭialmi milem siseh, tung siseh, nan bunh lai lo, cun nan ram chungah suaimi lung nan phun lai lo; zeicahtiah keimah cu Bawipa nan Pathian ka si.

2 SIANGPAHRANG 3:2

Bawipa mithmuh ah thil ṭhalo kha a tuah, sihmanhsehlaw a nu le a pa bantuk kha cu a si lo, zeicahtiah a pa nih a rak sermi Baal lungphun kha a hlonh.

2 SIANGPAHRANG 18:4

Khuahrum bo kha a hrawh hna i lungphun kha a chimh hna i Asherah kha a hau. Cun Moses nih a rak sermi dar rul kha a den cikcek, zeicaahdah tiah, Israel mi nih cu caan tiang cun zihmui kha an khanghhnawh; Nehushtan tiah an ti.

EXODUS 20:3

“Keimah hlei in pathian dang zeihmanh nan bia lai lo.

NAMBAR 25:2

Mah mi hna nih hin Israel mi hna cu an pathian sin i rai an thawinak ah khan an sawm hna i an ei ve i an pathian hmaiah khan an kun.

2 SIANGPAHRANG 17:8

Bawipa nih Israel mi hna hmai in a dawimi hna miphun hna phunglam le Israel siangpahrang hna nih an lakchommi phunglam hna kha an zulh hna.

2 SIANGPAHRANG 17:11

an hmai in Bawipa nih a rak hlohmi miphun hna nih an rak tuah bangkhan khuahrumbo kip ah cun zihmui an khangh. Cun annih nih thil ṭhalo kha an tuah hna i Bawipa kha a thin an phawh,

2 CHANRELNAK 14:2

Cun Asa nih Bawipa a Pathian mithmuh i a ṭha le a ding kha a tuah.

2 CHANRELNAK 25:14

Edom mi a thah hnanak khan a rat hnuah, Seir mi hna pathian kha a rak i phorh hna i a pathian ah aa chiah hna i a biak hna i an sinah pekchanhnak kha a tuah.

HOSEA 10:2

An lungthin a sualmi, hi minung hna cu, an sual ruangah an tuar awk a si. Pathian hrimhrim nih an biakṭheng cu a den dih hna lai i an biakmi an tung thiang cu a hau dih hna lai.