EXODUS 23:23 - Lai (Hakha) Common Language Bible 2006

²³ Ka vancungmi kha nan hmaiah a kal lai i Amor mi le Hit mi le Periz mi le Kanaan mi le Hiv mi le Jebus mi hna an umnak ram ah khan kan kalpi hna lai i annih cu ka hrawh dih hna lai.

EXODUS 23:23 Խաչաձեւ Հղումներ

EXODUS 23:20

“Lampi i nanmah an huphengtu hna le ka timhmi ram i an luhpitu hna ah vancungmi pakhat ka thlah lai.

ISAIAH 5:13

Cucaah cun nannih cu sal ah kalpi nan si lai. Nan hruaitu pawl cu rawlṭam in an thi lai i nan zapi pawl cu tihal in an thi lai.

EXODUS 32:2

Annih cu Aaron nih khan, “Nan nupile le nan fapale hna le nan fanule hna nih an i tonhmi sui tumbul kha va phoih hna u law rak pu hna u,” a ti hna.

GENESIS 34:2

Cuka ram bawi Shekhem, Hiv mi Hamor fapa nih khan a hmuh tikah a tlaih i a ihpi i a min a chiatter.

EXODUS 3:17

cucaah nannih cu an in hrem hnanak Izipt ram khan kan chuahpi hna lai i Kanaan mi le Hit mi le Amor mi le Periz mi le Hiv mi le Jebus mi an umnak ram ah khan kan kalpi hna lai. Cu ram cu ram rum le vawlei a ṭhatnak hmun a si,” a ti,’ tiah va chim hna.

GENESIS 24:7

Vancung Pathian Bawipa nih, ka pa inn le ka sahlawh le ka rualchan vialte hna sinin a ka chuahpi i, hi ram hi na tefa ka pek hna lai, tiah chiatser tein bia a ka kam. A vancungmi kha na hmaiah a thlah lai i cuka ah cun ka fapa caah nupi ding na va hmuh ko lai.

JOSHUA 9:1

Jordan tiva ral tlangram le rawnram Rili Ngan kam ram thluahmah in Lebanon tlang tiang i a ummi Hit mi hna le Amor mi hna le Kanaan mi hna le Periz mi hna le Hiv mi hna le Jebus mi hna siangpahrang vialte hna nih mah hi kong cu an theih tikah,

JOSHUA 23:9

Zeitintiah Bawipa nih nan hmai in a ngan le a ṭhawngmi miphun hna kha a dawi hna i, nannih cu nihin ni tiangah ahohmanh nih an in celh hna lo.

EXODUS 18:8

Israel mi hna ruangah Izipt mi hna le Faro cungah Bawipa nih a tuahmi vialte kha a chimh dih. Lampi ah harnak an tonmi le Bawipa nih a khamh hnanak zong kha a chimh.

DEUTERONOMI 9:3

Nangmah hmaiah kanghtu mei bangin a kalmi cu Bawipa na Pathian a si kha nihin ah hin hngal tuah; amah nih na hmaiah a hrawh hna lai i a tei hna lai; cucaah Bawipa nih bia an kam bangin na ṭhawl hna lai i khulrang tein na hrawh hna lai.

JOSHUA 5:13

Joshua cu Jeriko khua pawngah a um tikah a mit a hun hler i a hun zoh i, zohhmanh, a hmaiah mipa pakhat a vainam zuh cia in a dir; Joshua cu a sinah a va kal i amah cu, “Kanmah caah maw na si, kan ral hna caah dah na si?” tiah a ti.