EXODUS 23:20 - Lai (Hakha) Common Language Bible 2006

²⁰ “Lampi i nanmah an huphengtu hna le ka timhmi ram i an luhpitu hna ah vancungmi pakhat ka thlah lai.

EXODUS 23:20 Խաչաձեւ Հղումներ

EXODUS 33:14

Bawipa nih cun a thawh i, “Na sinah keimah ka kal lai i teinak kan pek lai,” a ti.

SALM 91:11

Na kalnak kip i nangmah zohkhenhtu dingah Pathian nih a vancungmi kha a chiah hna lai.

EXODUS 32:34

Atu cu va kal law kan chimhmi hmun leiah khan mi cu va kalpi ko hna. Ka vancungmi nih lam an hruai hna lai kha va philh hlah, asinain an cung i rian ṭuan awkah ka rat tikah cun, an sual ruangah dan ka tat hna lai,” a ti.

EXODUS 14:19

Israel bu hmaiah a kalmi vancungmi kha aa ṭhial i an hnu in a zulh hna. An hmai i a ummi minmei tom kha aa ṭhial i an hnuah a um.

ISAIAH 63:9

Annih khamhtu cu vancungmi a si lo, Bawipa hrimhrim kha a si. A dawt hna i an zawn a ruah hna caah a khamh hna. Hlanah khan a rak zohkhenh zungzal ko hna.

EXODUS 33:2

Nan hmaiah vancungmi pakhat ka thlah lai i Kanaan mi hna le Amor mi hna le Hit mi hna le Periz mi hna le Hiv mi hna le Jebus mi hna kha ka ṭhawl hna lai.

MATTHAI 25:34

Cun a orhlei i a ummi cu Siangpahrang nih cun a thawh hna lai i, ‘Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.

JOHAN 14:3

Cun ka va kal lai i nan ca i ka va timh dih hnuah ka ra kir ṭhan lai i ka sinah kan lak hna lai, cun ka umnak ah nannih zong nan um ve lai.

MALAKHI 3:1

Zohhmanh, ka hmaiah ka lam a sialtu ding ka lamkal ka thlah lai. Nan kawlmi Bawipa cu chikkhatte ah a biakinn ah a ra lai; nannih nih nan duhmi biakamnak lamkaltu cu hika ah a ra cang, hika ah hin a um cang, tiah ralkapbu Bawipa nih a ti.

JOSHUA 6:2

Cun Bawipa nih Joshua cu a chawnh i, “Zohhmanh, Jeriko cu a siangpahrang he, a miṭhawng ralṭha hna he tiah, na kut chungah kan pek cang.

NAMBAR 20:16

cun kannih nih Bawipa kha kan auh tikah kan aw kha a theih i vancungmi pakhat a run thlah i Izipt ram in a kan chuahpi; atu cu hika ah hin na ramri i a ummi Kadesh khua ah kan um.

JOSHUA 5:13

Joshua cu Jeriko khua pawngah a um tikah a mit a hun hler i a hun zoh i, zohhmanh, a hmaiah mipa pakhat a vainam zuh cia in a dir; Joshua cu a sinah a va kal i amah cu, “Kanmah caah maw na si, kan ral hna caah dah na si?” tiah a ti.

EXODUS 15:17

Na mi cu na luhpi hna lai i na tlang cungah khan na phun hna lai, na umnak inn ca i na sermi hmun ah khan na phun hna lai maw Bawipa, nangmah hrimhrim nih na sakmi biakinn ah khan na phun hna lai, maw Bawipa.

GENESIS 48:16

Harnak phun zakip chungin a ka chuahtu vancungmi nih thluachuah pe ko hna seh. Keimah ka min le ka pu Abraham min le ka pa Isak min cu an chungah hin nung seh. Fa tampi ngei hna seh law bu nganpi ah i chuah hna seh,” a ti.

GENESIS 15:18

Cu ni ah cun Bawipa nih Abram cu bia a kam i, “Hi ram hi a dihlak in na tefa kha ka pek hna lai tiah bia kaa kam, Izipt ram ri i a ummi tiva in tiva ngan Zufrates tiang a si lai;

GENESIS 24:7

Vancung Pathian Bawipa nih, ka pa inn le ka sahlawh le ka rualchan vialte hna sinin a ka chuahpi i, hi ram hi na tefa ka pek hna lai, tiah chiatser tein bia a ka kam. A vancungmi kha na hmaiah a thlah lai i cuka ah cun ka fapa caah nupi ding na va hmuh ko lai.

GENESIS 24:40

A ka leh i, ‘Amah nawl ka ngaih zungzalmi Bawipa nih a vancungmi kha na sinah a kalter lai i na hlawh a tling ko lai. Ka mi hna sinin, ka pa chungkhar hna sinin ka fapa cu nupi na va hmuhpiak ko lai.

EXODUS 15:16

Ṭihnak le thinphannak kha an cungah a tlung. Na ṭhawnnak a lianhngan ruangah, lung bantukin cang loin an dir, maw Bawipa, na mi hna an lanh dih hlantiang, nangmah na mi hrimhrim an lanh dih hlantiang an dir.

EXODUS 23:23

Ka vancungmi kha nan hmaiah a kal lai i Amor mi le Hit mi le Periz mi le Kanaan mi le Hiv mi le Jebus mi hna an umnak ram ah khan kan kalpi hna lai i annih cu ka hrawh dih hna lai.

NAMBAR 22:22

Sihmanhsehlaw a kal caah Pathian thinhunnak cu a alh i Bawipa vancungmi pakhat nih amah dawntu ah lam ah a dir. Amah cu laa cungah cun aa cit i a sal pahnih cu amah sinah an um.

DEUTERONOMI 33:2

Amah nih, “Sinai in Bawipa cu a ra, Seir in kan cungah a rung tlang, Paran Tlang in a rung ceu, Mithiang thong hra hna sinin a ra, A orhlei kut in a alhmi mei aa put i a ra.

JOSHUA 23:5

Bawipa nan Pathian nih nan hmaiah a dawi hna lai i nan mit hmuh phak lo tiang a ṭhawl hna lai; cun Bawipa nan Pathian nih bia an kam hna bangin an ram cu nan co lai.

JOSHUA 5:14

Cun anih nih, “Sihlah; sihmanhsehlaw Bawipa ralkapbu hruitu in ka ra,” tiah a ti. Cun Joshua cu vawlei ah a bawk i a biak i, “Ka bawipa nih a salpa a fialmi cu zeidah a si?” tiah a ti.

ZEKHARIAH 12:8

Khi ni ah cun Bawipa nih Jerusalem khuami hna cu phaw a chonkanh hna lai; khi ni ah cun an lak i a der bik kha David tluk a si lai i David tefa hna kha Pathian bantuk an si lai, an hmai i a kalmi Bawipa vanmi tluk an si lai.