EXODUS 23:18 - Lai (Hakha) Common Language Bible 2006

¹⁸ “Raithawinak nan ka pekchanh tikah thilnu phulhmi changreu kha nan hmang lai lo. Ka puai ca i hmanmi sa cu an thau kha a thaizing tiang nan taanter hna lai lo.

EXODUS 23:18 Խաչաձեւ Հղումներ

LEVITIKAS 2:11

“Bawipa sinah nan rak putmi changvut thawinak paohpaoh cu thilnu telh in sermi a si lai lo; zeitintiah thilnu siseh khuaihliti siseh Bawipa sinah mei in thawinak caah nan khang lai lo.

EXODUS 34:25

“Raithawinak caah saram nan ka pek tikah thilnu phulhmi changreu nan hmang lai lo. Lanhtak Puai i nan thahmi sa kha a thaizing tiang zeihmanh nan i chiah lai lo.

DEUTERONOMI 16:4

Nan ram chung dihlak ah ni sarih chung nan sinah thilnu nan umter lai lo; a ni khatnak ni zanlei i nan thawimi sa zong zan khuadei a thaizing tiang zeihmanh nan taanter lai lo.

EXODUS 12:10

An zeihmanh kha zinglei tiang nan tanter hna lai lo, a tangmi a um ahcun mei in nan khangh hrimhrim hna lai.

LEVITIKAS 7:15

Cun lawmhnak ca i daihnak thawinak pekchanhmi sa cu thawinak a tuah ni ah cun ei a si lai; a thaizing tiangin zeihmanh a taanter lai lo.

EXODUS 12:8

Cu zan ah cun sa cu a em in nan em lai i thilnu phulh lo changreu le ankha he nan ei lai.

LEVITIKAS 7:12

Lawmhnak ca i pek a si ahcun, lawmh thawinak he cun thilnu telh lo changreu chiti he cawhmi, thilnu telh lo chang per tete chiti thuhmi le, chiti he ṭha tein cawhmi changvut dip cu a pekchanh chih lai.

EXODUS 12:15

“ ‘Ni sarih chung thilnu phulh lo changreu kha nan ei lai. A hmasa bik ni ah, nan inn chung khan thilnu kha nan thianh dih hna lai, a ni hmasa bik ni in a ni sarihnak ni tiang thilnu phulhmi changreu a eimi cu Israel mi chung khan thlei an si lai.

EXODUS 16:19

Moses nih cun, “Ahohmanh nih zinglei tiang nan i chiah lai lo,” a ti hna.

EXODUS 29:34

Sa a cheu maw changreu a cheu maw zinglei tiang ei dih lomi a um ahcun, cucu khangh an si lai. A thiangmi thil an si caah ei an si lai lo.