EXODUS 23:14 - Lai (Hakha) Common Language Bible 2006

¹⁴ “Kum khat ah voi thum lengmang keimah upatnak ah puai nan ngei lai.

EXODUS 23:14 Խաչաձեւ Հղումներ

DEUTERONOMI 16:16

“Kum khat ah nan lak i pa vialte nih Bawipa hmaiah a thim laimi hmun ah voi thum an chuak lai: thilnu telh lo changreu puai le zarh hna puai le deu puai ah an si lai. Bawipa hmaiah kutro in an chuak lai lo;

LEVITIKAS 23:34

“Israel mi hna sinah hi bangin va chim tuah. Hi thla sarihnak thla ni hleinga ni hin ni sarih tiang Bawipa ca deu puai a si lai.

LEVITIKAS 23:16

zarh sarih kheng a tling lai, sabbath ni ni sarihnak a thaizing ah cun ni sawm nga a si lai; cu caan ah cun rawl thar changvut thawinak cu Bawipa sinah nan pek lai.

LEVITIKAS 23:5

Thla khatnak thla, a thla chung ni hleilinak zanlei ah cun Bawipa lanhtak puai a si lai.

EXODUS 23:17

Kum khat ah voi thum lengmang nanmah lak i pa paohpaoh cu keimah Bawipa hmaiah nan chuak lai.

LEVITIKAS 23:4

“Mah hna hi a caan khiahmi Bawipa puai, a thiangmi pumhkhawmhnak, an ca i khiahmi caan cio i nan thanh hngami cu an si.

1 SAMUEL 1:3

Cun hi pa cu kumfate in, Eli fapa pahnih Hofni le Phinehas, Bawipa tlangbawi an sinak Shiloh khua ah khan, ralkapbu Bawipa biak awk le raithawi awkah, amah khua in a hung kal tawn.

1 SIANGPAHRANG 9:25

Kum khat ah voi thum Solomon nih, Bawipa ca i a sermi biakṭheng cungah khan, khangh thawinak hna le daihnak thawinak hna kha a pekchanh tawn hna i Bawipa hmaiah zihmui kha a khangh tawn. Cuticun inn cu a lim.

2 CHANRELNAK 8:13

mah cucu Moses nih sabbath hna ca le thla thar hna ca le kum khat voi khat tuahmi puai — thilnu telh lo changreu puai, zarh hna puai le deu puai hna ca i nawl a chiah bangkhan, a ni cio rian nih a hlamning khan an pekchanh hna.

EXODUS 34:17

“Nanmah caah thletmi pathian nan ser lai lo.

EXODUS 34:18

“Thilnu Phulh Lo Changreu Puai kha nan tuah lai; Abib thla chungah khan nan tuah lai, kan fial hna bantukin thilnu telh lo changreu kha ni sarih chung nan ei lai; zeicahtiah Abib thla kha Izipt ram in nan chuah thla a si.

DEUTERONOMI 16:1

“Abib thla cu nan ulh lai i Bawipa nan Pathian lanhtak puai cu nan ulh lai; zeitintiah Bawipa nan Pathian nih Izipt ram chungin zan ah Abib thla ah an chuahpi hna.

EZEKIEL 46:9

Sihmanhsehlaw puai ni ah cun, mizapi kha Bawipa hmai i an rat tikah cun, kun awkah chaklei kutka in a lutmi pa cu thlanglei kutka in a chuak lai i thlanglei kutka in a lutmi pa cu chaklei kutka in a chuak lai. I mer in a luhnak kutka khan a chuah ṭhan awk a si lai lo, hmailei tu ah khan a lanh awk a si deuh lai.