EXODUS 23:13 - Lai (Hakha) Common Language Bible 2006

¹³ Kan chimhmi hna hi ṭha tein ngai u. Nannih nih pathian dang sinah thla nan cam hrimhrim lai lo, an min hmanh a chim in nan chim lai lo.

EXODUS 23:13 Խաչաձեւ Հղումներ

JOSHUA 23:7

Nannih nih hika i nan lakah a tang rihmi miphun hna he hin i cawh lo le, an pathian hna min kha chim lo le, cu hna cun chiatser lo le, an rianṭuan lo le an hmaiah kun loin,

1TIMOTE 4:16

Nangmah kha ṭha tein i ralring law na cawnpiaknak zong kha i ralring fawn. Cun nangmah naa khamh hleiah na bia a theimi kha na khamh khawh hna nakhnga hi thil hi ngol loin tuah lengmang ko hna.

ZEKHARIAH 13:2

Khi ni ah cun ram chung khan siasal min kha ka hloh hna lai i an ruat ti hna lai lo, tiah Bawipa nih a ti; profet hna le thlarau thianglo zong kha ram chung cun ka hloh hna lai.

DEUTERONOMI 4:9

“Ṭha tein i ralring u law, i zohkhenh u, nan mit nih a hmuhmi thil cu nan philh sual hna nakhnga lo le nan nunchung ah nan lung chungin an tlau sual nakhnga lo; nan fale le nan tule hna kha hngalhter hna u —

HOSEA 2:17

Baal hna min hrimhrim kha a hmur in ka hnawh hna lai i an min hi a chim in chim an si ti lai lo. Hihi Bawipa bia hrimhrim a si.

DEUTERONOMI 12:3

an biakṭheng kha nan ṭheh dih hna lai i an lungphun kha nan den dih cikcek hna lai i, an Asherim cu mei in nan khangh hna lai; an pathian mui serchommi hna cu nan hau hna lai i cuka hmun i an min cu nan hrawh lai.

HEBRU 12:15

Pathian vel kha ahohmanh nih nan mertak sual nakhnga lo i ralring u. A khami thingkung, a hung ṭhang i mi tampi harnak a petu bantuk kha ahohmanh si sual hlah u.

EFESA 5:15

Zeitindah kan nuncan a si ti kha ṭha tein i zoh u. Mihrut bantukin um hlah u, mifim bantukin um u.

JEREMIAH 10:11

(Nannih nih annih cu hi bangin nan chimh hna lai: “Van le vawlei sertu a si lo pathian hna cu hrawh an si lai. Vawlei cungah khuazei hmanh ah an um ti lai lo,” ti in.)

SALM 16:4

Pathian dang a zuan lengmangmi nih cun, an cungah harnak an i tlunter. An raithawinak ah kaa tel duh lai lo i an pathian cu ka bia hna lai lo.

JOSHUA 23:11

Cucaah Bawipa nan Pathian cu dawt awkah i ralring ngaingai tuah u.

JOSHUA 22:5

Bawipa sal Moses nih, Bawipa nan Pathian cu dawt awk le, a lam vialte kha zulh awk le, a nawlbia hna kha tuah awk le, amah sinah i bek awk le, amah cu nan lung dihlak le nan thlarau vialte in a rianṭuan awkah nawl an pekmi hna nawlbia le phungbia cu tuah awkah ṭha tein i ralring tuah u,” tiah a ti hna.

EFESA 5:12

(A thli in an tuahmi thil cu a chim hmanh chim ngam ding an si lo).

SALM 39:1

“Ka tuahmi ah khan kaa ralring lai ka lei kha sualnak ka tuahter lai lo; miṭhalo kha lamnai i an um lioah zeihmanh ka chim lai lo,” ka ti.

DEUTERONOMI 4:15

“Cucaah ṭha tein i ralring tuah u. Bawipa nih Horeb ah mei chungin an chawnh hna ni ah khan a mui zeihmanh nan hmuh lo caah,

NAMBAR 32:38

Nebo le Baal-meon (an min cu thlen a si cang) le Sibmah an ser hna; khua an sermi hna cu min dang an bunh hna.

EXODUS 23:24

An pathian kha nan bia hna lai lo i an hmai zongah nan kun fawn lai lo, kha mi hna nih an tuahmi kha nan tuah ve lai lo, an pathian cu nan hrawh dih cikcek hna lai i an lung zarh vialte cu nan den dih cikcek hna lai.

EXODUS 23:32

Anmah he biatlaknak zeihmanh nan tuah lai lo, an pathian hna he zong biatlaknak zeihmanh nan tuah lai lo.

DEUTERONOMI 4:23

Bawipa nan Pathian biakamnak nannih he a sermi cu nan philh sual i Bawipa nan Pathian nih an thlauhmi hna suaimi mui, zei mui a kengmi hmanh cu, nan ser sual nakhnga lo, i ralring tuah u.

DEUTERONOMI 6:1

“Nannih nih co awkah nan kalhnawhmi ram chungah cun nan tuah hna nakhnga, nangmah le na fapa le na fapa fapa nih nan nunchung vialte, nawl kan pekmi hna amah nawlbia vialte le a phungbia vialte hna ulhnak thawngin