EXODUS 20:26 - Lai (Hakha) Common Language Bible 2006

²⁶ Ka biakṭheng ah hleihlak in nan kai lai lo, cu ti nan kai ahcun ka biakṭheng ah cun nan chiaṭha kha nan langhter sual lai,’ a ti, tiah chim hna,” a ti.

EXODUS 20:26 Խաչաձեւ Հղումներ

1 PETER 1:16

Cathiang nih, “Keimah ka thian caah nannih zong nan thian ve awk a si,” a ti.

PHUNGCHIMTU 5:1

Biaknak inn na kal ah hin i ralring. Cu ka i na va kal tikah zeidah kaa cawn khawh lai ti kha ruat deuh, cucu ahmaanmi thil le ahmaan lo mithil a thleidang kho lomi mihrut hna nih an pekchanhmi raithawinak nakin a ṭha deuh.

SALM 89:7

Nangmah cu pathian hna nih an khuakhannak bu chungah khan an in upat i na kiang i a ummi vialte nih khan an in ṭih dih.

LEVITIKAS 10:3

Khi tikah Moses nih Aaron sinah, “Mah hihi Bawipa nih a chimmi cu a si, ‘Ka pawng i a ummi hna lakah thianghlim in kaa langhter lai i mi vialte hmaiah thangṭhat ka si lai,’ a ti,” tiah a ti. Cun Aaron cu dai tein a um ko.

EXODUS 28:42

Cun tawhrolh tawi, an tai in an phei tiang a phanmi kha na serpiak hna lai, lang sual hna hlah seh ti caah a si.

EXODUS 28:43

Aaron le a fapa hna nih khan pumhnak thlam chung i an luh fate le hmunthiang chung i tlangbawi rian ṭuan awkah biakṭheng an fuh fate, cu tawhrolhtawi cu an i hruk hrimhrim lai, zeicahtiah lang sual hna hlah seh law thah si hna hlah seh ti caah a si. Hihi Aaron le a fapa hna caah a hmunmi phunglam a si.

EZEKIEL 43:17

A hram dot cungnung deuh cu a kam li in a saulei dong hleili, a kauhlei dong hleili a si i a tlang cu dong cheu a chah. Biakṭheng hram cu dong khat a chah i nichuahlei a hoihmi lamhbak kha an um.