EXODUS 20:25 - Lai (Hakha) Common Language Bible 2006

²⁵ Ka caah biakṭheng cu lung in nan ser a si ahcun, nanmah nih nan remhmi lung in nan ser lai lo, zeicahtiah a remhnak i nan thirkhenh nan hman caah khan, ka ca i hman awkah aa tlak ti lo.

EXODUS 20:25 Խաչաձեւ Հղումներ

JOSHUA 8:31

Bawipa, sal Moses nih Israel mi nawl a pek hna bang khan, Moses phungbia cauk chung i, “remh lomi lung in sermi biakṭheng ahohmanh nih thir hreihriam in tawngh lomi,” tiin aa ṭial bang khan a ser. Cun cu cungah cun Bawipa, sinah khangh thawinak an pek i daihnak thawinak an thawi.

EXODUS 20:24

Vawlei in biakṭheng pakhat ka caah nan ser lai i cu cungah cun khangh thawinak le hawikomhnak thawinak ca i nan hmanmi nan caw le nan tuu hna kha nan khangh hna lai. Cuka hmun ah nan ka biak lai tiah kan timi hna hmun paoh ah khan nan sinah ka ra lai i thluachuahnak kan pek hna lai.

1 SIANGPAHRANG 6:7

Inn kha an sak tikah lung khoihnak hmun i remh ciami lung in a si, cucaah sobul thawng siseh, hreitlung thawng siseh, thir hriamhrei thawng siseh, an sak lioah khan, zei thawng hmanh biakinn chungah cun a leng lo.

EZEKIEL 40:42

Pumpek thawinak ca i hmanmi pali hna cu lung in sermi an si, an saulei dong khat le a cheu, an kauhlei dong khat le a cheu, an sanlei dong khat cio an si; cu hna cungah cun pumpek thawinak ca le raithawinak dangdang hna ca i hmanmi thilri kha an chiah hna.

EXODUS 24:4

Moses nih Bawipa nawlbia vialte cu a ṭial hna. A thaizing zingkate ah tlang hram ah cun biakṭheng pakhat a ser i lungphun hleihnih, Israel miphun hleihnih caah khan a phun.