EXODUS 20:24 - Lai (Hakha) Common Language Bible 2006

²⁴ Vawlei in biakṭheng pakhat ka caah nan ser lai i cu cungah cun khangh thawinak le hawikomhnak thawinak ca i nan hmanmi nan caw le nan tuu hna kha nan khangh hna lai. Cuka hmun ah nan ka biak lai tiah kan timi hna hmun paoh ah khan nan sinah ka ra lai i thluachuahnak kan pek hna lai.

EXODUS 20:24 Խաչաձեւ Հղումներ

DEUTERONOMI 12:5

Sihmanhsehlaw Bawipa nan Pathian nih a min chiahnak le a umnak i ser awkah nanmah phun chungin a thim laimi hmun cu nan kawl lai;

2 CHANRELNAK 6:6

sihmanhsehlaw ka min cu khika ah a um nakhnga Jerusalem cu ka thim i David cu ka mi Israel mi hna cung i um awkah ka thim,’ tiin a ka in a chimmi a biakamnak kha a kut in a tlintertu Bawipa, Israel Pathian cu thangṭhat si ko seh.

1 SIANGPAHRANG 9:3

Cun Bawipa nih a thawh i, “Ka hmai i na thlacamnak le na ka nawlnak vialte cu ka theih cang; hi na sakmi inn hi ka thianter cang i zungzal ca in a chungah ka min ka chiah cang; ka mit le ka lung cu khika ah an um camcin lai.

2 CHANRELNAK 7:16

Ka min cu zungzal in hika ah a um nakhnga hi inn cu ka thim cang i ka thianter cang; ka mit le ka lung cu hika ah an um camcin lai.

DEUTERONOMI 12:11

khi tikah Bawipa nan Pathian nih a min umnak dingah a thim laimi hmun ah nawl kan pekmi hna vialte cu nan rak put hna lai: nan khangh thawinak hna le raithawinak hna, nan cheu hra cheu khat le nan pekchanhmi pekchanhnak, cun Bawipa sinah bia nan i kammi biakamnak pekchanhnak vialte na rak put lai.

DEUTERONOMI 16:11

cun Bawipa nan Pathian nih a min umnak dingah a thim laimi hmun ah cun nanmah le nan fapa le nan fanu le nan salpa le nan salnu le nan khua chung i a ummi Levi mi le nan lak i khua a sami khual le pangeilo le nuhmei hna he cun Bawipa nan Pathian hmaiah nan i lawm lai.

2 CHANRELNAK 12:13

Cucaah Siangpahrang Rehoboam cu Jerusalem ah cun aa fehter i khika in a pen hna. Rehoboam cu bawi hram aa thawk tikah khan kum sawm li le kum khat a si i Jerusalem ah kum hleisarih a bawi, cu khua cu Israel miphun dihlak chungin khika i a min chiah awkah Bawipa nih aa thimmi a si. A nu min cu Naamah a si, amah cu Ammon mi a si.

DEUTERONOMI 26:2

Bawipa nan Pathian nih an pekmi hna nan ram chungin vawlei theitlai nan hmuh hmasa bikmi rawl chungin tlawmpal nan lak lai i, bawm ah nan rawn lai i, Bawipa nan Pathian nih a min umnak ah a thim laimi hmun ah cun nan kal lai.

EZRA 6:12

Khika ah a min a umtertu Pathian nih hi thil hi thlen awkah le Jerusalem i a ummi Pathian inn kha hrawh awkah a kut a chuahtu cu ahohmanh, siangpahrang a si ah, miphun an si ah, hrawh dih si hna seh. Keimah Darius nih nawlbia hi ka chuah, fel tein tuah si seh,” a ti.

1 SIANGPAHRANG 8:29

zeitintiah nangmah nih, ‘Khika ah ka min a um lai,’ tiin na rak timi, hi inn leiah hin chunzan in na mit na au nakhnga le hi inn lei hoih in na salpa nih thla ka cammi hi na theih nakhnga.

MATTHAI 18:20

Zeicahtiah ka min in pahnih pathum nan i pumhnak ah kei zong nan sinah ka um ve,” tiah a ti.

1 SIANGPAHRANG 8:43

na umnak van ah khin rak theihpiak law, ramdangmi nih an in auhnak vialte ningin tuahpiak ko hna; zeitintiah vawleicung mi vialte nih na mi Israel mi bangin, na min kha an theih i nangmah kha an in ṭih i hi inn ka sakmi hi nangmah min in kawh a si kha an hngalh nakhnga.

DEUTERONOMI 14:23

Bawipa nan Pathian kha ṭih awk nan hngalh zungzal nakhnga, nan rawl chungin siseh, nan mitsur hang chungin siseh, nan chiti chungin siseh cheu hra cheu khat le nan saṭil run chung le nan tuurun chung i fater hna cu, Bawipa nan Pathian hmaiah, a min umnak ding i a thim hngami hmun ah cun nan ei lai.

SALM 74:7

Na biakinn kha an khangh; nangmah kan in biaknak hmun kha an thurhhnawmh; a dihlak in an hrawh dih!

NEHEMIAH 1:9

sihmanhsehlaw ka sinah nan kir i ka nawlbia kha nan zulh hna i nan tuah hna ahcun, nan mi aa ṭhekmi hna cu a hlatnak bik vanhramdeng khi phan hna hmanh seh law, khika khan ka pumh hna lai i ka min chiahnak ah ka thim cangmi hmun ah cun ka pumh hna lai,’ ti in na timi kha philh hin hlah.

2 SAMUEL 6:12

Cun Siangpahrang David kha an chimh i, “Bawipa nih Obededom innchungkhar kha Pathian kuang thawngin thluachuah a pek hna,” tiah an ti. Cucaah David cu a va kal i Obededom inn khan David khua ah lunglawmhnak in Pathian kuang kha a ratpi;

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

SALM 78:68

Judah phun tu kha a thim i a duh ngaingaimi Zion Tlang tu kha a thim.

DEUTERONOMI 12:21

Bawipa nan Pathian nih a min chiahnak ah a thim laimi hmun cu nanmah sinin aa hlat tuk ahcun, khi tikah Bawipa nih an pekmi nan saṭil run chung i siseh, nan tuurun chung i siseh, nawl kan pek hna bang khan nan thah hna lai i nanmah nan khua chungah nan duh zat in nan ei hna lai.

1TIMOTE 2:8

Pa paohpaoh nih hmun kip ah thlacam hna seh ti ka duh, Pathian sinah i pe in thinhunnak zeihmanh um lo le bia alnak zeihmanh um loin Pathian sinah cun an kut hler hna seh.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

SALM 76:2

A umnak inn cu Jerusalem ah khan a si i Zion Tlang cungah khan khua a sa.

SALM 134:3

Van le vawlei a sertu Bawipa nih, Zion in thluachuah in pe ko hna seh.

SALM 128:5

Bawipa nih Zion Tlang in thluachuahnak in pe ko hna seh! Nan nun chung vialte, Jerusalem rumnak cu co ve ko u.

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

DEUTERONOMI 7:13

an dawt hna lai, thluachuah an pek hna lai i an karhter hna lai; nan pupa hna sinah nannih kha pek awkin chiat a sermi ram chungah hin nan pum theitlai le nan vawlei theitlai, nan rawl le nan mitsur hang le nan chiti, nan cawfa hna le nan tuufa hna zong, thluachuah a pek hna lai.

EXODUS 10:25

Moses nih cun aa thawh i, “Cu ti a si ahcun, Bawipa kan Pathian sin i pekchanh awkah, raithawinak ding ca le khangh thawinak ding caah saṭil na kan pek a hau lai.

EXODUS 18:12

Cun Jethro nih cun Pathian caah raithawi awk a hun i phorhmi le khanghthawinak a hun i phorhmi cu an thawi hna i Aaron le Israel mi hruaitu pawl vialte cu Moses pu sinah cun an ra i Pathian hmaika ah rawl kha an ei ṭi hna.

EXODUS 20:25

Ka caah biakṭheng cu lung in nan ser a si ahcun, nanmah nih nan remhmi lung in nan ser lai lo, zeicahtiah a remhnak i nan thirkhenh nan hman caah khan, ka ca i hman awkah aa tlak ti lo.

EXODUS 24:5

Cun Israel mi tlangval kha a thlah hna i khangh thawinak kha an tuah i hawikomhnak thawinak caah Bawipa kha cawtum an thahpiak.

EXODUS 27:1

“Biakṭheng cu anri thing in na ser lai. Tungvangpalh a si lai, a tung pe sarih le a cheu, a vang pe sarih le a cheu a si lai i a san cu pe li le a cheu a si lai.

LEVITIKAS 17:9

Bawipa sin i thawi awkah tonnak thlam innka ah a ratpi lomi cu, cu pa cu a mi hna sinin hlonh a si lai, na ti lai.

2 SIANGPAHRANG 5:17

Khi tikah Naaman nih, “A si lo ahcun, na sal hi vawlei laa pahnih phor ka pe tuah, tiah kan nawl; zeitintiah hmailei ah cun Bawipa sinah dah ti lo ahcun na sal nih hin zei pathian sin hmanh ah khangh thawinak siseh, raithawinak siseh, ka pechan lai lo.

ISAIAH 64:5

Ahmaanmi thil tuah duhnak a ngeimi kha na bawmh hna i nangmah nih cutin um hna seh ti na duhning a philh lomi cu na lawmh hna. Kan cungah na thin a rak hung, sihmanhsehlaw kan sual lengmang ṭhiam ko; kan cungah na thin a hung ko nain hlanlio piin kan sual lengmang ko.

EXODUS 24:4

Moses nih Bawipa nawlbia vialte cu a ṭial hna. A thaizing zingkate ah tlang hram ah cun biakṭheng pakhat a ser i lungphun hleihnih, Israel miphun hleihnih caah khan a phun.

SALM 101:2

Ka cungah zei khom hmanh tlung seh law, fimnak le soi awk um lo a simi lam kha zulh kaa zuam lai. Ka inn chungah hin lungthiang in khua ka sa lai.

SALM 122:2

Atu cu maw Jerusalem, na kutka chungah kan dir cang!