EXODUS 20:19 - Lai (Hakha) Common Language Bible 2006

¹⁹ Moses kha an thawh i, “Nangmah nih bia cu kan chim ko, na chimmi cu kan ngaih ko lai, sihmanhsehlaw Pathian nih a kan chimh ahcun kan thi lai,” an ti.

EXODUS 20:19 Խաչաձեւ Հղումներ

DEUTERONOMI 18:16

‘Bawipa ka Pathian aw cu ka theihter ti hlah, hi mei ngan zong hi ka hmuhter ti hlah, ka thi sual ai hnga,’ tiin Horeb tlang i pumh ni i Bawipa nan Pathian nan rak halmi kha a si.

LAMKALTU 7:38

Amah cu thetse ram i a rak i pummi Israel mi hna sin i a ummi kha a si, amah cu a kan hringsortu hna sin i khua a rak sami le Sinai Tlang ah a sin i bia a rak chimtu vancungmi sin i a ummi kha a si; amah cu Pathian bia zungzal in a nungmi kan sin i phakter awkah a rak latu kha a si.

GALATI 3:19

A si ahcun, Nawlbia cu zei sullam ah dah pek a si kun? Zei hi dah palhnak a si ti langhtertu caah khan pek a si i cucu Pathian nih bia aa kammi Abraham tefa a phak hlantiang caah khan a si. Nawlbia cu vancungmi nih khan pek chin a si i a karlak ah lamkaltu minung pakhat kha a rak um.

EXODUS 33:20

Cun Bawipa nih cun aa thawh ṭhan i, “Ka hmai cu na hmu kho lai lo, zeicahtiah ka hmai a hmumi cu ahohmanh an nung kho lo.

DEUTERONOMI 5:5

Bawipa bia kha nannih sin i thanh awkah Bawipa le nannih karlak i ka dir lioah khan; zeitintiah mei ruangah khan nan thin a phang i tlang cungah khan nan hung kal lo. Amah nih hitin a ti:

GENESIS 32:30

Jakob nih, “Pathian kha hmaitonh in ka hmu nain ka nung rih,” a ti i cucaah cuka hmun cu a min ah Peniel a sak.

HEBRU 12:19

muko tum thawng le aw thawng kha an hmuh an theih hna. Aw kha an theih tikah, thei ti sawh hlah u sih, tiin mizapi nih khan an nawl,

GENESIS 3:10

Mipa nih cun, “Dum chung i naa chawh thawng kha ka theih i taklawng ka si caah ka thin a phang, kaa thup,” tiah a leh.