EXODUS 2:21 - Lai (Hakha) Common Language Bible 2006

²¹ Cuka um cu Moses nih cun a duh i Reuel nih khan a fanu Zipporah kha nupi ah a pek.

EXODUS 2:21 Խաչաձեւ Հղումներ

HEBRU 13:5

Tangka hi duh tuk hlah u, nan ngeihmi ah khan nan lung awi ko u. Zeicahtiah Pathian nih, “Kan kaltak bal hna lai lo i kan hlaw bal fawn hna lai lo,” a ti.

JEIM 1:10

zumtu mirum cu Pathian nih ṭumchuknak a pek tikah i lawm seh. Zeicahtiah mirum cu ramlak pangpar a par a ṭilh bangin an ṭil lai.

HEBRU 11:25

Sualnak chung i caan tawite chung i nuamh nakin Pathian mi hna sin sifah in kha aa thim deuh.

1TIMOTE 6:6

Biaknak nih hin rumnak a chuahpi taktak, sihmanhsehlaw cu rumnak a ngeimi cu mah tinvo i a lung hna a ngammi kha an si.

EXODUS 2:10

Ngakchia cu a ngan nawn tikah Faro fanu sinah cun a hei kalpi i a fapa ah a rak i ser. Aa thawh i, “Ti chungin ka chuahmi a si caah,” a ti i a min ah Moses a sak.

NAMBAR 12:1

Hezeroth i an um lioah khan, Miriam le Aaron nih Moses cu a ṭhitmi Kush minu ruangah khan an thangchiat; zeitintiah Kush minu cu a ṭhit caah.

LAMKALTU 7:29

Hi bia kha Moses nih a theih tikah Izipt ram khan a zam i Midian ram ah a va um. Khika ah fapa pahnih a ngeih hna.

EXODUS 2:20

Anih nih cun, “Cu pa cu khuazei ah dah a um?” tiah a fanule cu a hal hna i, “Zeicahdah cuka ah cun nan kaltak? Va kal u law va ko u, kan sinah rawl rak ei seh,” a ti.

EXODUS 4:18

Moses cu a pu Jethro sinah khan a va kal i, “Izipt ram i ka rualchan pawl an nung rih maw ti vung zoh ka duh hna, cucaah cun ka kalter law ka vung zoh hna lai,” a ti. Jethro nih cun, dam tein vung kal ko, a ti.

EXODUS 3:1

Moses cu a nupi pa Jethro, Midian tlangbawi a simi, tuu le meheh kha a cawng hna i saṭilrun cu thetse ram pinah khan a kalpi hna i Horeb tlang, Pathian tlang timi kha a phan.

NAMBAR 10:29

Cun Moses pu Hobab, Midian miphun Reuel i a fapa sinah khan Moses nih, “Bawipa nih, ‘Kan pek hna lai,’ a timi hmun i kal awkah kan i thawh; kan sinah ra law, ṭhatnak kan in tuah lai; zeitintiah Bawipa nih Israel kha ṭhatnak a kamh,” tiah a ti.