EXODUS 19:9 - Lai (Hakha) Common Language Bible 2006

⁹ Bawipa nih Moses cu, “Mi zapi nih nangmah he bia kan i ruah kha an theih i nangmah kha an in zumh zungzal nakhnga, na sinah a chahmi khuadawm in ka ra lai,” a ti. Mi zapi nih an lehnak kha Moses nih Bawipa cu a chimh.

EXODUS 19:9 Խաչաձեւ Հղումներ

DEUTERONOMI 4:36

Amah nih an chimhhrin hna nakhnga, vancung in a aw cu an theihter hna; cun vawlei ah a mei lianngan cu an hmuhter hna i mei chung cun nannih nih a aw kha nan theih.

EXODUS 19:16

Ni thumnak ni zingka ah cun tlang cungah cun khuari le ṭektla a um i khuadawm chahpi kha a um; tuukawng ki muko kha fak piin an tum. Riahhmun i a ummi vialte kha an thin a phang i an ther dih.

MATTHAI 17:5

Cu ti i bia a chim lioah cun a ceumi minmei nih a run zelh hna i minmei chung cun aw nih, “Hi pa hi ka dawtmi ka Fapa, ka lung a ka tong ngaingaimi a si, amah bia kha ngai u,” tiah a ti.

SALM 97:2

Khuadawm le muihnak kha a velchum in an um; a pennak cu dinnak le biading cungah a hram a bunh.

EXODUS 20:21

Sihmanhsehlaw mi zapi cu lamhlatpi ṭhiamṭhiam khan an dir i Moses lawng cu Pathian umnak minmei a nah in a nakmi pawngah khan a va kal.

EXODUS 14:31

Izipt mi hna cungah a liannganmi ṭhawnnak in Bawipa nih rian a ṭuan ti kha an hmuh i Bawipa kha an ṭih; Bawipa cungah khan zumhnak an ngei i a sal Moses cung zongah khan zumhnak an ngei ve.

BIAPHUAN 1:7

Zohhmanh u, khuadawm sin khin a ra lio! Mi kip nih an hmuh lai, a rak chuntu hna zong nih khan an hmuh lai. Cun vawlei cung mi vialte cu a cung i an rak tuahmi kha i ngaichih in an ṭap lai. Cu ti hrimhrim cun a si lai! Amen.

LUKA 10:16

A zultu kha a thawh hna i, “Nan bia a ngaimi paoh nih ka bia an ngaih a si, an hlawmi hna paoh nih keimah an ka hlawt a si, keimah a ka hlawmi paoh nih a ka thlahtu kha an hlawt a si,” tiah a ti.

MARKA 9:7

Minmei a hung zam i a hun zelh hna i minmei chung cun aw pakhat a hung chuak i, “Hihi ka dawtmi ka Fapa a si, a bia kha ngai u,” tiah a ti hna.

ISAIAH 19:1

Hi bia hi Izipt kong bia a si. Bawipa cu khuadawm aa cit i khulrang in Izipt ram ah a ra. A hmaiah Izipt ram siasal hna cu an ther i Izipt mi hna cu an lung a dong.

ISAIAH 7:9

Israel cu Samaria khua nakin a ṭhawng deuh lo i Samaria cu Siangpahrang Pekah nakin a ṭhawng deuh fawn lo. “ ‘Na zumhnak a ṭhawn lo ahcun, na hmun hrimhrim lai lo,’ a ti, tiah hung chim,” a ti.

2 CHANRELNAK 20:20

Cun zingka tein an tho i Tekoa ramlak ah khan an va kal; cun an kal lioah khan Jehoshafat cu a dir i, “Judah ram mi hna le Jerusalem mi hna, ka bia thei tuah u! Bawipa nan Pathian cu zum u law fehter nan si lai; a profet hna kha zum hna u law nan hlawh a tling lai,” tiah a ti.

2 CHANRELNAK 6:1

Khi tikah Solomon nih aa thawh i, “Bawipa nih a chahmi muihnak chungah ka um lai, tiah a ti.

1 SIANGPAHRANG 8:12

Cun Solomon nih a thawh i, “Bawipa nangmah nih ni khi van ah khin na chiah, Sihmanhsehlaw a chahmi muihnak chungah ka um lai, na ti.

EXODUS 4:5

Bawipa nih cun, “Bawipa, an pupa hna Pathian, Abraham Pathian, Isak Pathian, Jakob Pathian na sinah ka langh kha an zumh khawh nakhnga, kha ti khan na va tuah lai,” a ti.

EXODUS 4:31

Mizapi nih cun an zumh i Bawipa cu kan sinah a ra i retheihnak kan inmi kha a hmuh ti kha an hngalh tikah an kun i an biak.

EXODUS 34:5

Bawipa cu khuadawm in a rung ṭum i a sinah cun a rung dir i ka min cu Bawipa a si, tiah a ti.

NAMBAR 12:5

Cun Bawipa cu minmei tung in a rung ṭum i thlam innka ah cun a dir i, Aaron le Miriam kha a kawh hna i an pahnih in hmailei ah an ra.

SALM 99:7

Khuadawm tom chungin a chawnh hna, a pekmi hna nawlbia le phunglam kha an zulh.

DEUTERONOMI 4:10

Bawipa nan Pathian hmaiah Horeb ah nan dir ni ah khan Bawipa nih a ka chawnh i, ‘Mi cu ka sinah pum tuah hna, ka bia kha an theih i vawlei cung i an nunchung vialte keimah ṭih kha an hngalh i cu bantukin an fale zong an cawnpiak hna nakhnga,’ tiah a ka ti mi kha kan hngalhter hna.