EXODUS 19:6 - Lai (Hakha) Common Language Bible 2006

⁶ Nannih cu tlangbawi bantukin ka rian a ṭuanmi miphun nan si lai i keimah sin i pekchanhmi nan si lai,’ a ti, tiah chim hna. Cucu Israel mi cu na chimh hrimhrim hna lai,” a ti.

EXODUS 19:6 Խաչաձեւ Հղումներ

BIAPHUAN 5:10

Kan Pathian rian tlangbawi bantukin a ṭuantu dingah siangpahrang phun ah na ser hna i Annih nih vawlei cu an uk lai,” an ti.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.

BIAPHUAN 1:6

a Pathian le a Pa rian kha tlangbawi bantukin a ṭuantu dingah siangpahrang phun ah a kan ser. Cu Jesuh cungah cun sunparnak le ṭhawnnak kha zungzal in zungzal tiang um camcin ko seh! Amen.

DEUTERONOMI 7:6

“Zeitintiah nannih cu Bawipa nan Pathian caah miphun thiang nan si; Bawipa nan Pathian nih vawlei cung i a ummi miphun vialte chungin nannih cu amah ro caah an thim cang hna.

DEUTERONOMI 28:9

Bawipa nan Pathian nawlbia hna kha nan ulh i a lam ah nan kal ahcun, nan sinah chiat a ser cang bangin, Bawipa nih nannih cu amah ca i miphun thiang ah an fehter hna lai.

ISAIAH 62:12

Nannih cu “Pathian Mi Thiang,” ti nan si lai, “Bawipa Khamh Mi” ti nan si lai. Jerusalem cu, “Bawipa Dawt Mi Khua,” “Pathian Nih A Hlawt Lomi Khua” ti a si lai.

DEUTERONOMI 26:19

cun ka sermi miphun vialte hna cungah thangṭhatnak le minthannak le upatnak ah kan chiah hna lai i, ka chim cang bangin nannih cu Bawipa nan Pathian caah a thiangmi miphun nan si lai,’ a ti,” tiah a ti.

LEVITIKAS 19:2

“Hi bangin Israel mibu hna sinah va chim tuah; Nan thian awk a si, zeitintiah keimah, Bawipa nan Pathian cu ka thiang.

ROM 12:1

Cucaah ka u le ka nau hna, Pathian nih a kan zaangfahnak a nganmi ruangah hin, Pathian sinah a nung in pekchanhmi raithawinak bantukin i pe tuah u; a rian ah aa pumpemi le cohlan awk tlakmi si tuah u; cucu biaknak taktak Pathian nan pek awk biaknak cu a si.

BIAPHUAN 20:6

Hi mithi thawhter an si a pakhatnak i aa telmi hi cu lunglawmmi le thluachuak hringhranmi an si ko. Thih voi hnihnak nih an cungah nawl zeihmanh a ngei lo; annih cu Pathian le Khrih tlangbawi an si lai i Khrih he cun kum thong khat chung uktu bawi an si lai.

1 KORIN 3:17

Cucaah ahohmanh nih Pathian biakinn cu a hrawh ahcun, amah cu Pathian nih a hrawh ve lai. Zeicahtiah Pathian biakinn cu a thiangmi a si i nanmah hrimhrim cu biakinn cu nan si.

ISAIAH 61:6

Nang tu cu Bawipa tlangbawi tiah ti na si lai i miphun hna rumnak cu na ei lai, na ta an si caah khan na hmai a hngal lai.

LEVITIKAS 20:26

Nannih cu keimah caah mithiang nan si lai; zeitintiah keimah, Bawipa cu, ka thiang i nannih cu keimah ta nan si nakhnga, midang sinin kan thleidan hna.

DEUTERONOMI 14:21

“Zeihmanh amah thih in a thimi cu nan ei lai lo; ramdangmi nan khua chung i a ummi hna kha nan pek hna lai, an duh ahcun an ei hna lai, asiloah phun dangmi sinah nan zuar khawh lai; zeitintiah nannih cu Bawipa nan Pathian caah a thiangmi miphun nan si. “Meheh fa cu a pi hnuk in nan chuang lai lo.

LEVITIKAS 21:23

sihmanhsehlaw puanzar pawngah cun a ra lai lo i biakṭheng zong a fuk lai lo, zeitintiah dotlak lonak a ngeih caah ka hmunthiang kha a thurter sual lai; a thiantertu hna Bawipa cu keimah ka si,’ a ti tiah na chim lai,” tiah a ti.

LEVITIKAS 20:24

Sihmanhsehlaw nannih sinah cun, ‘An ram cu nan co lai i nan co awkah kan pek hna lai, cawhnuk le khuaihliti in a luangmi ram cu,’ tiah ka ti. Keimah hi Bawipa nan Pathian, mi hna sinin an thleidangtu hna cu ka si.

1THESALON 5:27

Bawipa nawl in, hi ca cu kan unau pawl vialte kha rak relpiak hna u tiah kan nawl hna.

EXODUS 15:26

Bawipa nan Pathian ka bia kha ṭha tein nan ngaih i a ding ka timi kha nan tuah i ka nawlbia kha nan zulh hna i ka phunglam kha nan tuah hna ahcun, Izipt mi cungah ka tluntermi rai kha nan cungah ka tlunter lai lo. Keimah cu an damtertu hna Bawipa ka si,” a ti.

EXODUS 22:31

“Nannih cu keimah sin i pekchanhmi nan si lai caah ramlak ah sa nih a sehmi sa kha nan ei lai lo, uico kha nan pek hna lai.

1 SIANGPAHRANG 3:8

Cun na salpa hi, nangmah nih na thimmi miphun ngan, an tam lei i rel cawk lo le zeizat an si hngalh cawk lomi hna lakah hin ka um.

1 SIANGPAHRANG 8:53

Zeitintiah maw Bawipa, Pathian, nangmah nih kan pupa hna Izipt ram chungin na chuahpi hna tikah na sal Moses sinin na rak thanh cang bantuk khan, na ro si awkah vawleicung mi vialte hna lakin na rak thleidan cang hna,” tiah a ti.

1 CHANRELNAK 17:22

Cun nangmah nih na mi Israel mi hna cu zungzal in na mi si awkah na ser hna i maw Bawipa, nangmah cu an Pathian ah na cang cang.

ISAIAH 43:4

Na nunnak khamh awkah miphun pipi zong kha ka hlawt ko hna lai, zeicahtiah nangmah cu ka caah a sungmi na si i upatnak kan pek i kan dawtmi na si.

ISAIAH 66:21

Annih lakah a cheu cu tlangbawi le Levi mi ah ka ser hna lai.

JEREMIAH 2:3

Cu lioah khan cun Israel cu Bawipa caah a rak thiang, A rawl ṭuanmi lak i theitlai hmasa bik a rak si. Amah a rak eitu vialte hna cu dantat loin a luatmi an um lo i Ṭhat lonak nih khan a tlunhnawh zungzal hna, tiah Bawipa nih a ti,” tiah a ti.

JEREMIAH 7:23

Nawl ka pekmi hna cu mah hi pei a si ko cu: Ka bia nan ngaih ahcun nan Pathian ka si lai i ka mi nan si lai. Cun khuaawng pemh nan duh ahcun, ka nawlbia kha zul hna u, ka ti.

JEREMIAH 13:11

Biar cu tai ah hren chih a si bantukin Israel mi vialte hna le Judah mi vialte hna cu an ning piin keimah ah kaa hren chih hna. Zeicahdah mahtin ka tuah ti ahcun, annih kha ka mi an si i ka caah min ṭhatnak le sunparnak an chuahpi nakhnga, ti caah a si; sihmanhsehlaw ka bia cu ngaih an duh lo.

AMOS 3:2

Vawleicung miphun vialte lakah hin Nanmah lawnglawng hi kan theihhngalhmi hna nan si, Cucaah nan ṭhat lonak vialte ruangah hin dan kan tat hna lai.

EXODUS 28:36

“Cun sui thiang in ṭamhnak pakhat na ser lai i a cungah, “Bawipa sin pekmi” tiah na ṭial lai.

NAMBAR 16:3

Moses le Aaron kha an pumhhnawh hna i annih cu, “Nan luan cang! Mi zapi cu an thiang cio ko i Bawipa cu an lakah a um ve ko. A si kun ahcun zeicahdah Bawipa mibu cungah cun nan i hlorh?” tiah an ti hna.

SALM 114:2

Judah cu Bawipa mithiang ah a cang, Israel cu amah ta ah a cang.

HAGGAI 2:5

Zeicahtiah Izipt ram in nan chuah i nan sinah biakamnak ka tuah bantuk khan nan sinah ka um ko. Ka thlarau nih an umpi ko hna, ṭih hlah u!