EXODUS 19:19 - Lai (Hakha) Common Language Bible 2006

¹⁹ Tuukawng ki muko thawng cu a thang chin lengmang. Moses nih cun bia a chim i Pathian nih khuari in a run leh.

EXODUS 19:19 Խաչաձեւ Հղումներ

SALM 81:7

Harnak nan in tikah nan ka auh i kan khamh hna. Khuadawm chung i kaa thuhnak hmun khin ka run in leh hna; Meribah cerh ah khan kan hneksak hna.

EXODUS 19:16

Ni thumnak ni zingka ah cun tlang cungah cun khuari le ṭektla a um i khuadawm chahpi kha a um; tuukawng ki muko kha fak piin an tum. Riahhmun i a ummi vialte kha an thin a phang i an ther dih.

HEBRU 12:21

An hmuhmi cu ṭih a nun tuk caah Moses nih, “A ther in ka ther i ka thin a phang,” a ti.

NEHEMIAH 9:13

Sinai Tlang cungah khan na rung ṭum i vancung khin annih cu na run chawnh hna i phunglam dikdik le phungbia taktak le phung ṭhaṭha le nawlbia ṭhaṭha kha na pek hna i

EXODUS 19:13

Ahohmanh nih tawngh loin thi lakin lung in cheh nan si lai, asilole thal in kah nan si lai. Mi zong saṭil zong hi ti hin tuah nan si lai; thah nan si hrimhrim ko lai,’ na ti hna lai. Tuuki muko kha tum a si tik lawnglawng ah mi zapi cu tlang cungah an kai kho lai,” a ti.

HEBRU 12:19

muko tum thawng le aw thawng kha an hmuh an theih hna. Aw kha an theih tikah, thei ti sawh hlah u sih, tiin mizapi nih khan an nawl,

DEUTERONOMI 4:36

Amah nih an chimhhrin hna nakhnga, vancung in a aw cu an theihter hna; cun vawlei ah a mei lianngan cu an hmuhter hna i mei chung cun nannih nih a aw kha nan theih.

NAMBAR 12:8

Amah cu hmaitonh in ka chawnh, holh thup in si loin fiang tein ka chawnh; cun amah cu Bawipa mui zong a hmumi a si. A si kun ahcun zeicahdah ka sal Moses bia al cu nan ṭih kun lo? tiah a ti.

DEUTERONOMI 5:22

“Mah bia hna hi Bawipa nih nan bu ning in tlang ah khan mei chung le a chahmi khuadawm chungin aw fakpi in an chimh hna i a chap ti lo. Lung tlap pahnih cungah a ṭial hna i keimah kha a ka pek hna.