EXODUS 19:18 - Lai (Hakha) Common Language Bible 2006

¹⁸ Bawipa cu Sinai Tlang cungah khan mei in a rung ṭum caah Sinai Tlang cu a dihlak in meikhu nih a zelh. Meikhu cu meiphu meikhu bantuk khin a kai hluahmah i mi zapi cu an dihlak in a ther in an ther.

EXODUS 19:18 Խաչաձեւ Հղումներ

BIACEIHTU 5:5

Bawipa hmaiah tlang hna cu an i hnin, Bawipa, Israel Pathian, hmaiah cun khi Sinai tlang cu aa hnin.

SALM 144:5

Maw Bawipa, van kha run ṭhum hna law kan sinah rung ṭum tuah, tlang kha run tawng hna law meikhu chuah hna seh.

BIAPHUAN 15:8

Biakinn cu Pathian sunparnak le lianhngannak meikhu in a khat i vancungmi pasarih nih hremnak pasarih an tlunpimi a dih hlantiang ahohmanh biakinn chungah cun an lut kho lo.

EXODUS 3:2

Pathian vancungmi kha meizik bantukin burbuk laifang khan a sinah cun a hung lang. Moses nih cun a hei zoh i burbuk cu a alh hluahmah ko, sihmanhsehlaw a kaang ṭung lo.

JEREMIAH 4:24

Tlang khi ka hei zoh hna i an sawn len ko, Mual vialte cu an i hnin dih.

GENESIS 19:28

Sodom le Gomorrah le nelrawn cu a vun cuanh hna i, somei nganpi chung i meikhu a chuah hluahmah bantuk khin, vawlei cun meikhu cu a tho.

SALM 104:32

Vawlei kha a zoh tikah vawlei cu a ther in a ther, tlang kha a tawngh tikah meikhu kha a chuak.

DEUTERONOMI 33:2

Amah nih, “Sinai in Bawipa cu a ra, Seir in kan cungah a rung tlang, Paran Tlang in a rung ceu, Mithiang thong hra hna sinin a ra, A orhlei kut in a alhmi mei aa put i a ra.

DEUTERONOMI 5:22

“Mah bia hna hi Bawipa nih nan bu ning in tlang ah khan mei chung le a chahmi khuadawm chungin aw fakpi in an chimh hna i a chap ti lo. Lung tlap pahnih cungah a ṭial hna i keimah kha a ka pek hna.

EXODUS 24:17

(Israel mi nih cun Bawipa sunparnak cu tlang cung i a kangmi mei in an hmuh.)

HEBRU 12:26

Kha lioah khan a aw nih vawlei cu a hninh, sihmanhsehlaw atu i bia a kan kammi cu, “Vawlei lawng hi si ti loin van zong voi khat cu ka hninh ṭhan lai,” ti hi a si.

ISAIAH 6:4

An aw nih cun biakinn cu a hram in a hninh i biakinn cu meikhu in a khat.

GENESIS 15:17

Cun ni a tlak i khua a muih tikah a khumi mei um pakhat le a alhmi mei tom pakhat kha an hung chuak i sa a chiahmi hna karlak ah khan an kal.

2 PETER 3:10

Sihmanhsehlaw Bawipa Ni cu ruah lopi ah mifir bantukin a ra lai. Cu Ni ah cun van cu awn cukmak in an lo lai i vancung arfi, nika le thlapa hna cu an kang lai i an rawk dih lai. Vawlei cu a cung i a ummi thil vialte he an lo dih lai.

HEBRU 12:18

Nannih nih nan phakmi tlang cu Israel mi nih an phakmi tlang, tawngh khawhmi tlang Sinai Tlang kha a si lo; kha tlang ah khan cun a alh hluahmahmi mei le minmei nak pipi le muihnak le ṭotho le

2 THESALON 1:8

meizik he, Pathian a hngal lomi hna le Bawipa Jesuh kong Thawngṭha a ngai duh lomi hna dantat awkah, a rung ṭum tikah ding tein a tuah lai.

MATTHAI 24:7

Ram khat le ram khat an i do lai, peng khat le peng khat an i tu lai. A kenkip ah mangṭam le lihnin a tlung lai.

ZEKHARIAH 14:5

Tlang hna karlak i nelrawn cu phih a si lai, zeicahtiah an karlak i horkuang thar cu Azal tiang a phan lai. Judah siangpahrang Uzziah chan ah lihnin nih a rak phih bantuk khan phih a si lai i Bawipa ka Pathian cu a mithiang vialte hna he khan an lang lai.

SALM 114:7

Maw vawlei, Bawipa a rat caah cun ther ko, Jakob Pathian hmaiah cun ther ko.

SALM 77:18

Khuari thawng cu a tor in a tor i nimtlau nih vawlei kha a ceuh dih; vawlei cu a hninh in aa hnin.

EXODUS 20:18

Mi zapi nih khan khuari thawng le tuukawng ki muko aw thawng kha an theih i nimtlau le tlang cung meikhu kha an hmuh hna tikah, a ther in an ther i lamhlat piin an dir.

EXODUS 19:13

Ahohmanh nih tawngh loin thi lakin lung in cheh nan si lai, asilole thal in kah nan si lai. Mi zong saṭil zong hi ti hin tuah nan si lai; thah nan si hrimhrim ko lai,’ na ti hna lai. Tuuki muko kha tum a si tik lawnglawng ah mi zapi cu tlang cungah an kai kho lai,” a ti.

2 THESALON 1:7

sifah a ingmi nan cung le kanmah cung zongah damnak a tlunter lai. Bawipa Jesuh nih a vancungmi miṭhawng hna le

BIAPHUAN 9:2

Dongh hngal lo khor cu arfi nih cun a vun hun i somei nganpi chung i meikhu a chuakmi bantuk meikhu kha a hung chuak hluahmah; cu dongh hngal lo khor in a chuakmi meikhu nih cun ni ceunak le thli kha a muihter dih hna.

GENESIS 11:5

Cun hi mi hna nih khuapi an sermi le innsang an sakmi zoh awkah khan Bawipa cu a rung ṭum i

EXODUS 19:17

Moses nih khan mi zapi cu Pathian ton awkah khan a kalpi hna i tlang hramah cun an dir.

EXODUS 34:2

Thaizing ah i tim law Sinai Tlang cungah khan hung kai law a par ah khan hung ka tong tuah.

DEUTERONOMI 5:4

Bawipa nih hmaitonh tein tlang ah khan mei chungin an chawnh hna,

ISAIAH 64:1

Zeicahdah van khi na run baoh ko lo i na rung ṭum ko lo? Tlang nih hin an in hmuh hnga i an in ṭih tuk ah a ther in an ther hnga.

DEUTERONOMI 4:36

Amah nih an chimhhrin hna nakhnga, vancung in a aw cu an theihter hna; cun vawlei ah a mei lianngan cu an hmuhter hna i mei chung cun nannih nih a aw kha nan theih.

NEHEMIAH 9:13

Sinai Tlang cungah khan na rung ṭum i vancung khin annih cu na run chawnh hna i phunglam dikdik le phungbia taktak le phung ṭhaṭha le nawlbia ṭhaṭha kha na pek hna i

SALM 18:9

Van khi a run baoh i a rung ṭum, a ke tang i a ummi khuadawm nakpi he a rung ṭum.

SALM 68:9

Ruah tampi in na surter i a fe cangmi na ram kha na ṭhatter ṭhan.

SALM 77:19

Rili cungah na ke in na kal, a thukmi rilipi cu na tan, sihmanhsehlaw na ke neh cu hmuh khawh an si lo.

SALM 114:4

Tlang cu meheh bantukin an i hlok i tuu bantukin an pet i an choi.

HABAKKUK 3:6

A dir tikah vawlei kha aa hnin, a zoh hna tikah miphun kha an ther; Zungzal in a hmunmi tlang hna cu an i cheu i zungzal in a hmunmi fing hna cu an cim;