EXODUS 19:15 - Lai (Hakha) Common Language Bible 2006

¹⁵ Moses nih cun a thawh hna i, “Kiptuh ah cun timh cia tein um u. Ahohmanh nu le pa si hlah u,” a ti hna.

EXODUS 19:15 Խաչաձեւ Հղումներ

1 KORIN 7:5

Kan caan cu thlacamnak ah hman kan duh tiin pakhat le pakhat kha i reem hlah u; nan pahnih in caan khatkhat chung kha cuticun kan um lai tiah hnatlaknak nan ngeih hmasa ṭung lo ahcun; cu hmanh ah nan i sum khawh lo sual i Satan tukforhnak chungah nan tlak nakhnga lo, nu le va sinak kha thawk ṭhan ko u.

EXODUS 19:11

kiptuh caah i ralring cia hna seh. Cu ni ah cun, Bawipa cu Sinai Tlang cungah ka rung ṭum lai i cuka ah cun mi zapi nih khan an dihlak in an ka hmuh khawh lai.

JOEL 2:16

Hmun khat ah mi kha pum hna u, a thiangmi pumhnak kha tim u, Upa kha au hna u, ngakchia kha pum hna u, hnuktlai lio ngakchia zong kha pum hna u. Aa ṭhi kate mi hna hmanh kha an khaan chung khan ra chuak hna seh law ra hna seh.

MATTHAI 24:44

Cu ruangah cun nannih zong timh cia tein nan um zungzal awk a si, zeicahtiah Mi Fapa cu nan i rin lo caan ah khin a ra ko lai.

MALAKHI 3:2

Aho nih dah a rat ni cu an in khawh lai? A hung langh tikah ahodah fek tein a dir kho hna lai? Amah cu thianhtu somei bantuk a si, thil sutu chatpiat bantuk a si; a ṭhu lai i ngun an thianh bantukin a thianh hna lai;

ZEKHARIAH 7:3

Bawipa inn chung i a ummi tlangbawi hna sinah khan le profet hna sinah khan, “Kum hi zat chung riangruang ka tuah tawn bangin, thla nganak thla ah hin ngaihchia le i sum in maw um awk ka si ko rih lai?” tiah an ti awk a si lai.

ZEKHARIAH 6:3

pathumnak nih rangtum rang a ngeih hna i palinak nih rangtum pawl a ngeih hna.

AMOS 4:12

Cucaah Israel, hihi na cung i ka tuah ding cu a si: Cun hihi na cung i ka tuah ding cu a si caah maw Israel, na Pathian ton awkah i tim tuah.

EXODUS 19:16

Ni thumnak ni zingka ah cun tlang cungah cun khuari le ṭektla a um i khuadawm chahpi kha a um; tuukawng ki muko kha fak piin an tum. Riahhmun i a ummi vialte kha an thin a phang i an ther dih.

EXODUS 19:14

Moses cu tlang cung khan a rung ṭum i mi zapi cu Pathian biaknak caah khan a timhlamhter hna. An thil kha an suk i

1 CHANRELNAK 15:12

annih cu, “Nannih cu Levi mi hna chung i pale innchungkhar hna lu cio nan si; nannih nih Bawipa Israel Pathian kuang kha, ka timhpiakmi hmun ah cun nan hunpi nakhnga nan unau le he i thianh tuah u.

LEVITIKAS 15:18

Pa nih nu he a ih i a ci a chuah ahcun an pahnih in ti in an i kholh lai i zanlei tiang thianglo an si lai.