EXODUS 19:12 - Lai (Hakha) Common Language Bible 2006

¹² Mizapi caah khan tlang velchum ah cun ramri na ser lai i, ‘Tlang cungah maw kai lai u ci, a hram zong maw tawng lai u ci. Nan tawngh sual ahcun a tawngmi cu thah nan si lai;

EXODUS 19:12 Խաչաձեւ Հղումներ

JOSHUA 3:4

zeitintiah hi leiah cu hlan cu nan kal bal lo caah nan kalnak ding lam cu an hmuhsak hna a hau lai. Asinain nanmah le a karlak cu dong thong hnih tluk in aa hlat lai; nan naih lai lo,” tiah nawl an pek hna.

DEUTERONOMI 4:9

“Ṭha tein i ralring u law, i zohkhenh u, nan mit nih a hmuhmi thil cu nan philh sual hna nakhnga lo le nan nunchung ah nan lung chungin an tlau sual nakhnga lo; nan fale le nan tule hna kha hngalhter hna u —

DEUTERONOMI 2:4

Cun mi cu nawl pe hna law: Seir i a ummi nan unau hna, Esau fapa hna, an ram cu nan tan dengmang cang i nannih cu an in ṭih hna lai. Cucaah ṭha tein i ralring tuah u,

EXODUS 34:12

Nan va luh lainak ram chung i a ummi miphun hna he khan biakamnak zeihmanh tuah hlah u, zeicahtiah cu bantukin nan tuah ahcun nan tuahmi biakamnak nih cun rawhnak an phakter hna lai.

EXODUS 19:23

Moses nih Bawipa cu, “ ‘Tlang ah khan ramri ser u law cuticun tlang cu tlang zarh ah cang seh,’ tiin ralrinnak na kan pek caah, mi zapi cu an ra kho lai lo,” tiah a ti.

EXODUS 19:21

Bawipa nih Moses cu a thawh i, “Keimah zoh awkah ahohmanh nih ramri kha an lonh sual nakhnga lo ralrinnak vung pe hna, tampi an thi sual lai.

EXODUS 10:28

Moses cu, “Ka hmaika hin chuak! A hmuh in ka hmu ti hlah, na ka hmuh ahcun na ka hmuh ni cu ka thih ni a si ti kha i ruah,” tiah Faro nih cun a ti.

HEBRU 12:18

Nannih nih nan phakmi tlang cu Israel mi nih an phakmi tlang, tawngh khawhmi tlang Sinai Tlang kha a si lo; kha tlang ah khan cun a alh hluahmahmi mei le minmei nak pipi le muihnak le ṭotho le

EXODUS 34:3

Ahohmanh na sinah ra hna hlah seh; tlang cung khuazeika hmanh ah khan ahohmanh um hna hlah seh; tlang hmaiah cun tuu zong caw zong tlong hna hlah seh,” a ti.

EXODUS 24:2

Moses lawnglawng ka pawngah cun na ra lai; a dang kha cu lamnai ah an ra lai lo i mi zapi kha na sinah cun an ra lai lo,” tiah a ti.