EXODUS 19:11 - Lai (Hakha) Common Language Bible 2006

¹¹ kiptuh caah i ralring cia hna seh. Cu ni ah cun, Bawipa cu Sinai Tlang cungah ka rung ṭum lai i cuka ah cun mi zapi nih khan an dihlak in an ka hmuh khawh lai.

EXODUS 19:11 Խաչաձեւ Հղումներ

EXODUS 19:16

Ni thumnak ni zingka ah cun tlang cungah cun khuari le ṭektla a um i khuadawm chahpi kha a um; tuukawng ki muko kha fak piin an tum. Riahhmun i a ummi vialte kha an thin a phang i an ther dih.

DEUTERONOMI 33:2

Amah nih, “Sinai in Bawipa cu a ra, Seir in kan cungah a rung tlang, Paran Tlang in a rung ceu, Mithiang thong hra hna sinin a ra, A orhlei kut in a alhmi mei aa put i a ra.

EXODUS 34:5

Bawipa cu khuadawm in a rung ṭum i a sinah cun a rung dir i ka min cu Bawipa a si, tiah a ti.

JOHAN 6:38

Zeicahtiah vancung in ka rung ṭum cu keimah duhnak tuah awkah khan si loin a ka thlahtu duhnak tuah awkah khan a si deuh.

JOHAN 3:13

Vancung in a rung ṭummi Mi Fapa dah ti lo cu ahohmanh vancung i a kaimi an um bal lo.”

SALM 144:5

Maw Bawipa, van kha run ṭhum hna law kan sinah rung ṭum tuah, tlang kha run tawng hna law meikhu chuah hna seh.

SALM 18:9

Van khi a run baoh i a rung ṭum, a ke tang i a ummi khuadawm nakpi he a rung ṭum.

NAMBAR 11:17

Cun ka rung ṭum lai i khika ah nangmah he kan i chawn lai; cun nangmah cungah a ummi thlarau cu tlawmpal in ka lak lai i an cungah ka chiah lai i nangmah lawng nih na phorh nakhnga lo, mi hna thil cu an in phorhpi lai.

EXODUS 19:20

Bawipa cu Sinai Tlang par ah cun a rung ṭum. Moses cu tlangpar ah cun hung tuah tiah a run kawh i Moses cu a hung kai.

EXODUS 19:18

Bawipa cu Sinai Tlang cungah khan mei in a rung ṭum caah Sinai Tlang cu a dihlak in meikhu nih a zelh. Meikhu cu meiphu meikhu bantuk khin a kai hluahmah i mi zapi cu an dihlak in a ther in an ther.

EXODUS 3:8

Izipt mi hna sinin chanh i a vawlei a ṭhami le a hmun a kaumi ram i annih cu kalpi awkah ka rung ṭum cang. Cu ram cu ram rum le ram ṭha a si i atu ah Kanaan mi hna le Hit mi hna le Amor mi hna le Periz mi hna le Hiv mi hna le Jebus mi hna kha cuka ah cun an um.

GENESIS 11:5

Cun hi mi hna nih khuapi an sermi le innsang an sakmi zoh awkah khan Bawipa cu a rung ṭum i

EXODUS 34:2

Thaizing ah i tim law Sinai Tlang cungah khan hung kai law a par ah khan hung ka tong tuah.

JOSHUA 3:5

Cun Joshua nih mi zapi hna cu, “Bawipa nih thaizing ah nan lakah khuaruahhar a tuah lai caah i thianh tuah u,” tiah a ti hna.

NEHEMIAH 9:13

Sinai Tlang cungah khan na rung ṭum i vancung khin annih cu na run chawnh hna i phunglam dikdik le phungbia taktak le phung ṭhaṭha le nawlbia ṭhaṭha kha na pek hna i

EXODUS 24:16

Sinai Tlang cungah khan Bawipa sunparnak cu a rung ṭum i minmei nih khan ni ruk chung a khuh. Ni sarihnak ni ah minmei chung cun Bawipa nih Moses kha a auh.

EXODUS 24:17

(Israel mi nih cun Bawipa sunparnak cu tlang cung i a kangmi mei in an hmuh.)

DEUTERONOMI 4:10

Bawipa nan Pathian hmaiah Horeb ah nan dir ni ah khan Bawipa nih a ka chawnh i, ‘Mi cu ka sinah pum tuah hna, ka bia kha an theih i vawlei cung i an nunchung vialte keimah ṭih kha an hngalh i cu bantukin an fale zong an cawnpiak hna nakhnga,’ tiah a ka ti mi kha kan hngalhter hna.