EXODUS 18:7 - Lai (Hakha) Common Language Bible 2006

⁷ Amah ton awkah khan Moses cu a kal i a hmaiah a kun i a hnamh. Pakhat le pakhat cu an dam dam lo kong kha an i hal i thlam chungah khan an lut.

EXODUS 18:7 Խաչաձեւ Հղումներ

GENESIS 29:13

a pa nih a far fapa Jakob kong cu a theih tikah amah ton awkah cun a ra le ve. A kuh i a hnamh i a inn ah khan a luhpi. Cun Jakob nih Laban cu thil umtuning vialte kha a chimh.

1 SIANGPAHRANG 2:19

Cucaah Bathsheba cu Solomon Siangpahrang sinah, Adonijah airawl in bia va chim awkah a kal. Cun siangpahrang cu amah ton awkah khan a tho i a hmaiah cun a kun; cun a bawi ṭhutdan cungah khan a ṭhu i siangpahrang bawipa nu caah cun ṭhutdan a rak putter hna i a orhlei kamah khan a ṭhu.

2 SAMUEL 11:7

Uriah cu amah sinah a rat tikah David nih zeitindah Joab le mi hna kha an ningcang a si le, zeitindah raldohnak a umtu ning a si kha a hal.

GENESIS 19:1

Zanlei sang ah vancungmi pahnih kha Sodom khua chung i an va luh tikah, Lot cu mi an i ton tawnnak hauka hramah khan a rak ṭhu. A hmuh hna cangka a tho zau i annih kha a rak don hna. An hmaiah cun a kun i,

GENESIS 18:2

khua a hei zoh i mipa pathum an dir ko kha a hmuh hna. A hmuh hna le cangka a va tli i a va don hna. A khuk aa bil i,

GENESIS 14:17

Abram cu Khedorlaomer le amah sinah a ṭangmi siangpahrang hna a va tei hnanak in a ra kir tikah, Sodom siangpahrang nih khan Shaveh nelrawn an timi in a rak don, (Shaveh nelrawn cu siangpahrang Nelrawn ti zongah ti a si).

LAMKALTU 28:15

Rom khua i a ummi unau pawl nih kan thawng kha an rak theih i Appius Chawdawrnak Hmun timi hmun le Khual Buk Pathum tiang khan an rak kan don. Paul nih a hmuh hna tikah Pathian kha a lawmh i a thazang a tlung.

LAMKALTU 20:37

An ṭahpah in an kuh an hnamh i, dam tein vaa kal ko cang kun, an ti.

LUKA 7:45

Ka rat tikah na rak ka hnam lo, sihmanhsehlaw ka rat ri in atu tiang ka ke hnamh kha a ngol lo.

SALM 2:12

a hmaiah kun tuah u. Cu ti a si lo ahcun, a thinhunnak kha khulrang in a alhmi a si caah, a thin a hung lai i nan thi sual lai. Amah chungah aa dormi cu thluachuakmi an si.

BIACEIHTU 11:34

Cun Jepthah cu Mizpah i a inn ah a tlung i zohhmanh, a fanu nih amah kha don awkah khuang tete le laam he a hung chuak; amah lawnglawng cu fa a ngei; amah hlei ah fapa siseh fanu siseh a ngei ti hna lo.

NAMBAR 22:36

Balaam a ra cang tiah Balak nih a theih tikah, Arnon tiva nih a thlehmi an ramri, cu ramri a donghnak bik i a ummi Moab khua tiangin va don awkah a kal.

GENESIS 46:29

Josef nih cun a rangleng kha a timhter hna i a pa Israel don awkah khan Goshen ah cun a kal. An i ton tikah a pa cu a hngawng in a kuh i a kuh bu cun saupi a ṭap.

GENESIS 45:15

Cun a ule dang vialte kha a hnamh hna i a kuh hna i a ṭap.

GENESIS 31:28

Ka tu tete hna le ka fanule hmanh, dam tein vaa kal cang kun u tiin a hnamh hmanh na ka hnamhter hna lo. Hi na tuahmi ah hin na va hrut hringhran dah!

GENESIS 43:26

Josef cu inn i a ra ṭin tikah inn chungah cun an laksawng kha an va pek i a hmaiah khan an kun.

EXODUS 4:27

Bawipa nih Aaron cu a thawh i, “Moses ton awkah thetse ram ah khan va kal tuah,” tiah a ti. Amah ton awkah cun Pathian tlang ah khan a va kal i a ton tikah a hnamh.

EXODUS 18:6

Moses kha bia a hei cah i, “Na pu keimah le na nupi le na fapa a pahnih cu na sinah kan ra lio,” a ti.

EXODUS 33:7

Moses nih khan thlam cu aa kalpi tawn i riahhmun lengah khan lamhla nawn ah khin a chiah tawn. A min ah “Tonnak Thlam” a ti. Bawipa chawnh a duhmi paoh kha tonnak thlam ah cun an va kal tawn.

1 SAMUEL 17:18

cun annih an thong khat haotu caah cawhnuk khal tlang hra hi i phorh fawn. Na ule kha zeitindah an um va zoh hna law, annih sinin hmelchunhnak pakhatkhat rak phor te,” a ti.

1 SAMUEL 17:22

Cun David nih thil kha thilri zohkhenhtu sinah a chiah hna i ralkap hna sinah cun a va le i a ule cu a va biakchawnh hna.