EXODUS 18:4 - Lai (Hakha) Common Language Bible 2006

⁴ Cun, “Ka pa i a Pathian cu a ka bawmtu a si i Faro vainam chungin a ka khamh,” a ti fawn i cucaah a min ah a fapa a dang pakhat cu Eliezer a sak.)

EXODUS 18:4 Խաչաձեւ Հղումներ

HEBRU 13:6

Cucaah kannih cu kan ralṭha u si law, “Bawipa cu a ka bawmtu a si, zeihmanh ka ṭih lai lo. Minung nih ka cungah zeidah an tuah khawh lai?” tiah ti u sih.

2TIMOTE 4:17

Sihmanhsehlaw Bawipa nih a ka umpi i Jentail mi vialte nih an theih khawh nakhnga Thawngṭha cu tling cikcek tein chim khawhnak thazang a ka pek; cun chiandeih kaa chung khan a ka chanh.

LAMKALTU 12:11

Khi tikah Peter cu a lung a hung fim i, “Atu cu hihi ahmaan tiah ka hngalh cang! Bawipa nih a vancungmi kha a run thlah i Herod kut chung le Judah mi nih ka cungah an i ruahchihmi vialte chungin a ka khamh,” tiah a ti.

DANIEL 6:22

Ka Pathian nih chiandeih hna cu an kaa phih awkah a vancungmi kha a run thlah hna i cucaah ka cungah zeihmanh ṭhat lonak an tuah lo, zeicahtiah amah nih a ka hmuh ning ah kei cu a sual lomi ka si i cuhleiah maw siangpahrang, nangmah cungah ṭhat lonak zeihmanh ka tuah lo,” tiah a ti.

SALM 46:1

Pathian cu kan i dornak le kan thazang a si, harnak caan ah a kan bawm zungzaltu a si.

SALM 34:4

Bawipa sinah cun thla ka cam i a ka leh; ka ṭihmi thil vialte in a ka luatter.

SALM 18:48

Ka ral hna kut chungin a ka khamh. Bawipa, nangmah nih ka ral hna teinak cu na ka pek i mipuarhrang mi hna kut chungin na ka huhphenh.

SALM 18:1

Maw Bawipa ka ṭhawnnak, nangmah cu kan dawt hringhran ko! Nangmah cu a ka chanhtu na si.

1 CHANRELNAK 23:15

Moses fapa hna: Gershom le Eliezer.

EXODUS 2:15

Cucu Faro nih a hngalh tikah Moses cu thah a zalh. Asinain Moses nih cun a zamtak i Midian ram i va um awkah a kal. Cuka a va phak tikah tikhor pawngah khan a ṭhu.

LAMKALTU 7:29

Hi bia kha Moses nih a theih tikah Izipt ram khan a zam i Midian ram ah a va um. Khika ah fapa pahnih a ngeih hna.

HEBRU 11:34

mei ṭihnung kha an hmih i vainam thahnak in an luat. Annih cu an rak der, sihmanhsehlaw miṭhawng ah an cang, raltuknak hmun ah khan a ṭhawngmi an si i ramdangmi ralkap kha an tei hna.

GENESIS 49:25

Nangmah bawmtu cu na pa i a Pathian, Nangmah thluachuah an petu Lianngan Bik Pathian kha a si. Cunglei van ruah thluachuahnak le Tanglei ti thuk thluachuahnak le Hnuk thluachuahnak le Paw thluachuahnak le

EXODUS 2:22

Fapa pakhat a hrin. Moses nih, “Kei cu midang ram ah khual ka si,” a ti i a min ah Gershom a sak.

EXODUS 4:20

Moses nih a nupi le a fapa hna kha a lak hna i laa cungah a citter hna i Izipt ram ah khan an kir. Pathian nih a pekmi ṭhiangṭhunh kha aa put.

1 CHANRELNAK 23:17

Eliezer fapa hna: haotu bik Rehabiah; Eliezer nih fapa dang a ngei hna lo, sihmanhsehlaw Rehabiah fapa cu an tam ngaingai.

EXODUS 10:28

Moses cu, “Ka hmaika hin chuak! A hmuh in ka hmu ti hlah, na ka hmuh ahcun na ka hmuh ni cu ka thih ni a si ti kha i ruah,” tiah Faro nih cun a ti.