EXODUS 18:20 - Lai (Hakha) Common Language Bible 2006

²⁰ Cun nawlbia le phunglam kha na cawnpiak hna lai i zeitindah an nun awk a si ti le zeidah an tuah awk a si ti kha na hngalhter hna lai.

EXODUS 18:20 Խաչաձեւ Հղումներ

DEUTERONOMI 5:1

Cun Moses nih Israel mi vialte cu a kawh hna i, “Maw Israel, nihin ah nanmah theih ah ka chimmi nawlbia le phunglam hna hi thei tuah u law, cawng hna u law, ṭha tein ul hna u.

SALM 143:8

Nangmah cu kan bochan ko; zinglei ah a fekmi na dawtnak kha ka hngalhter ṭhan ko. Ka thlacamnak cu nangmah sinah an kai, ka kalnak ding lam cu ka hmuhsak ko.

DEUTERONOMI 1:18

Cun khi caan ah nan tuah awk hnga thil vialte kongah nawl kan pek hna,” a ti.

SALM 32:8

Bawipa nih, “Na zulh awk hnga lam kha kan hmuhsak lai, kan cawnpiak lai i lungthin kan cheuh lai.

DEUTERONOMI 4:5

Zohhmanh, nannih nih co awk i nan luhhnawhmi ram ah nan tuah hna nakhnga, Bawipa ka Pathian nih nawl a ka pek bangin nawlbia le phunglam hna cu kan cawnpiak cang hna.

DEUTERONOMI 4:1

“Cun atu cu, maw Israel, kan cawnpiakmi hna phunglam hna le nawlbia hna cu ngai u law, tuah hna u, nan nun i nan kal i Bawipa nan pupa Pathian nih an pekmi hna ram cu nan co nakhnga.

MIKAH 4:2

“Ra u law Bawipa tlang ah cun kai hna u si, Jakob Pathian inn ah cun kal hna u si, Kannih cu a lam kha kan cawnpiak seh law A lam cu kannih nih zul u si,” an ti lai. Zeicahtiah cawnpiaknak cu Zion in a chuak i, Bawipa bia cu Jerusalem khua in a ra;

EXODUS 18:16

Mi pahnih an i sik tikah ka sinah an ra i ahodah a palh, ahodah a palh lo ti kha bia ka thlehpiak hna i Pathian nawl le upadi kha ka chimh hna,” tiah a leh.

1THESALON 4:1

A donghnak ah ka u le ka nau hna, zeitindah Pathian duhning in kan nun awk a si lai ti kha nannih nih kan sinin nan hmuh cang. Hitihin nan rak nun awk a si i atu hi Bawipa Jesuh min in tam chinchin in nan nun nakhnga kan in nawl hna.

JEREMIAH 42:3

Bawipa na Pathian nih cun kan kalnak ding lam le kan tuah dingmi thil kha a kan hmuhsak nakhnga thlacam tuah,” tiah an ti.

JEREMIAH 6:16

Hi bangin Bawipa nih a ti, “Lam tonnak ah khan dir tuah u law hlanlio lam kha kawl hna u, ‘Ṭhatnak ah a phanmi lam cu khuazei ah dah a si? tiah hal hna u. Cu lam cu zul u law nan caah dinhnak nan hmuh lai,’ ti hna u. Sihmanhsehlaw annih nih an i thawh i, ‘Cu lam cu kan zul lai lo,’ an ti.

ISAIAH 30:21

Lam in kehlei orhlei ah nan pial sual ahcun, “Lam cu hika leiah hin a si. Lam kha zul u,” tiah nan hnulei in a aw kha nan theih lai.

1 SAMUEL 12:23

Cuhleiah nan ca i thlacam ka ngol thawngin Bawipa cung i sualnak ka tuah hnga cu ka duh ding naisai a si lo; lam ṭha le lam ding chung kal awk kha kan cawnpiak ko hna lai.

DEUTERONOMI 7:11

Cucaah nihin ah kan pekmi hna nawlbia le phungbia le phunglam hna cu ṭha tein nan tuah hna lai.

MARKA 13:34

Zei he dah aa lawh lai ti ahcun, khualtlawn ah a kal i a sinum hna kha, nan rian cio kha ṭha tein rak ṭuan u, tiah a ti i innka cawngtupa kha, ṭha tein rak cawng, tiah bia a riah tatu inn bawi he aa lo lai.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

DEUTERONOMI 5:27

Va naih law, Bawipa kan Pathian nih a chim laimi vialte cu va ngai law, Bawipa kan Pathian nih an chimh laimi vialte cu kan chim ve law, kan theih lai, kan tuah lai,’ nan ti.