EXODUS 17:7 - Lai (Hakha) Common Language Bible 2006

⁷ Cuka hmun cu “Hneksaknak” ti le “Siknak” tiin a min ah kawh a si; zeicahtiah Israel mi cu Bawipa he khan an i si i, “Bawipa hi kanmah leiah a ṭang maw ṭang lo dah?” ti in an hneksak ruangah khan cuticun min an sak cu a si.

EXODUS 17:7 Խաչաձեւ Հղումներ

SALM 81:7

Harnak nan in tikah nan ka auh i kan khamh hna. Khuadawm chung i kaa thuhnak hmun khin ka run in leh hna; Meribah cerh ah khan kan hneksak hna.

SALM 95:8

“Nan pupa hna kha Meribah ah lung hak in an rak um bang khan nannih cu um hlah u,

NAMBAR 20:13

Mah hihi Meribah ti cu an si, Israel mi hna nih Bawipa cu bia an chuah i annih lak i a thiannak a langhternak hmun kha, a si.

DEUTERONOMI 9:22

“Taberah zongah, cun Massah le Kibroth-hattaavah ah Bawipa thin kha nan phawh fawn.

EXODUS 17:2

Moses cu an sik i, “Din awk ti kan pe,” an ti. Moses nih annih cu a leh hna i, “Zeicahdah keimah cu nan ka sik? Zeicahdah Bawipa cu hneksak nan del?” a ti hna.

NAMBAR 20:24

“Aaron cu a mi hna sinah pumh a si cang lai; Meribah ti ah khan ka nawlbia nan doh caah, Israel mi hna ka pekmi ram ah khan a lut lai lo.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

MIKAH 3:11

Khua a uktu hna nih khan ziknawh ei in an uk hna. Tlangbawi hna nih khan a man hmuh awk lawngah phungbia kha an chimh hna. Profet hna nih khan tangka hmuhnak ding ca lawngah phuannak kha an chim; Cun an dihlak in Bawipa cu kan sinah a um, an ti dih. An i thawh i, “Bawipa cu kan sinah a um lo mei? Harnak zeihmanh nih a kan tlunhnawh kho lai lo,” an ti.

ISAIAH 12:6

Zion i a ummi paohpaoh cu au u law hla sa u. Israel Pathian thiang cu a lianngan i a mi hna sinah khua a sa.”

JOSHUA 22:31

Cun tlangbawi Eleazar fapa Phinehas nih Reuben mi hna le Gad mi hna le Manasseh mi hna cu, “Bawipa cungah rawinak nan tuah lo caah, Bawipa cu kan lakah a um, tiah nihin ah kan hngalh; Israel mi hna cu Bawipa kut chungin nan khamh cang hna,” tiah a ti hna.

DEUTERONOMI 31:17

Cun ka thinhunnak cu khi ni ah an cungah a alh lai i ka hlawt hna lai i ka hmai ka thuhkanh hna lai i, an lotlau dih lai i; ṭhat lonak le harnak tampi nih a tlunh hna lai i cucaah annih nih khi ni ah, ‘Hi ṭhat lonak kan cungah an tlun hi, kan Pathian kan sinah a um lo caah a si lo maw?’ tiah an ti lai.

EXODUS 34:9

Aa thawh i, “Ka cungah na lung a tlin taktak a si ahcun, kan kalpi ko, tiah kan nawl Bawipa. Hi mi hna hi milungṭhawng an si taktak ko, sihmanhsehlaw kan ṭhat lonak le kan sualnak cu kan ngaithiam law nangmah ta ah kan cohlang ko,” a ti.

NAMBAR 14:22

ahohmanh, Izipt ram chung le ramcar chung i ka tuahmi ka sunparnak le ka hmelchunhnak a hmu i, sihmanhsehlaw hi voi hra tiang a ka hneksak i ka aw a ngai lomi cu,

NAMBAR 27:14

zeitintiah Zin ramlak i mibu nih an zai lioah khan, an mithmuh ah, ti ah khan, keimah thangṭhat awk i ka bia kha na doh,” tiah a ti. (Hi ti cu Zin ramlak i a ummi Kadesh khua i Meribah ti kha an si.)

DEUTERONOMI 6:16

“Massah ah nan rak hneksak bang khan, Bawipa nan Pathian cu hneksak nan del lai lo.

DEUTERONOMI 33:8

Cun Levi kong ah: Bawipa, nangmah nih nan duhnak cu, “Thummim le Urim in phuang ko; Zumhawktlak nan sal hna, Levi mi hna thawngin langhter ko. Massah ah na hneksak i Meribah tiput ah zumhawktlak an sinak kha na langhter.

SALM 78:18

Kan duhmi rawl cu na kan pek hrimhrim lai tiin Pathian cu an hneksak.

SALM 81:8

“Ka mi hna, ralrinnak kan pekmi hna hi ngai tuah u; Israel, ka bia hi ngai ko sawh!

SALM 106:32

Bawipa cu a mi nih Meribah Cerh ah khan a thin an hunter i anmah ruangah cun Moses cu a awlok a chong.