EXODUS 16:8 - Lai (Hakha) Common Language Bible 2006

⁸ Cun Moses nih aa thawh i, “Zanlei ah ei awk sa an petu hna le zinglei ah nan duh tawk in ei awk rawl an petu hna cu Bawipa a si lai, zeicahtiah a cung i nan phunnak le nan zainak liangluang kha a theih. Nan kan zaihnawh len ko cu, zaihnawh awk tlak kan si maw? Nan kan zaihnawh cu Bawipa cung i nan zai pei a si cu,” a ti hna.

EXODUS 16:8 Խաչաձեւ Հղումներ

ROM 13:2

Nawl a ngei liomi hna a dohtu cu Pathian nih si seh tiah a timi a dotu an si i cu bantukin a tuahmi nih cun an cungah biaceihnak an i tlunter lai.

1 SAMUEL 8:7

Cun Bawipa nih Samuel cu a chawnh i, “Mizapi nih na sinah an chimmi bia vialte ah an aw kha ngai tuah; zeitintiah nangmah an in hlawt a si lo, an cung i siangpahrang ka sinak hin keimah an ka hlawt a si.

1THESALON 4:8

Cucaah hi cawnpiaknak zulh a duh lomi cu, minung cawnpiaknak zulh a duh lo si loin, Thiang Thlarau an petu hna Pathian cawnpiaknak zulh a duh lo kha a si deuh.

LUKA 10:16

A zultu kha a thawh hna i, “Nan bia a ngaimi paoh nih ka bia an ngaih a si, an hlawmi hna paoh nih keimah an ka hlawt a si, keimah a ka hlawmi paoh nih a ka thlahtu kha an hlawt a si,” tiah a ti.

NAMBAR 14:27

“Zei can dah hi a ṭha lomi bu nih hin an ka zaihnawh lai? Israel mi an phunzainak, keimah cung i an phunzainak cu ka theih cang.

NAMBAR 21:7

Cun annih nih Moses sinah an ra i, “Bawipa le nangmah kha kan in mawhchiat hna caah kan sual cang; kannih sinin rul kha a lak hna nakhnga, Bawipa sinah thlacam tuah,” tiah an ti. Cucaah Moses nih annih caah thla a cam.

1 KORIN 10:10

A cheu an rak phunzai bantuk khan nan phunzai awk a si lo, cu ti an tuah caah cun Thihnak Vancungmi nih a rak thah hna.

JOHAN 13:20

Biatak kan chimh hna: Rian ka fialmi tluninn a rak onhtu paoh nih keimah an ka onh a si, keimah tluninn a ka onhtu paoh nih a ka thlahtu tluninn a onh a si,” tiah a ti.

MATTHAI 10:40

“Nannih an conglawmhtu hna paoh nih keimah an ka conglawmh a si i keimah a ka conglawmhtu paoh nih a ka thlahtu a conglawmh a si.

MATTHAI 9:4

Jesuh nih an ruahmi kha a hngalh i, “Zeicahdah cu bantuk thil ṭhalo cu nan ruah?

ISAIAH 37:29

Cu bantukin na thin a hun le naa porhlawt kha ka theih i cucaah cun atu cu na hnar in sio in kan sio lai na ka ah chak kan hlomh lai; cun n ratnak lam te khan kan kirter ṭhan lai,” a ti.

ISAIAH 32:6

Mihrut nih cun hruhnak bia kha a chim i zei ṭhat lonak dah ka tuah lai ti kha a ruat. A tuahmi le a chimmi cu Pathian zawmhtaihnak lawng kha an si i rawlṭammi kha rawl a pe bal hna lo i tihalmi kha din awk zeihmanh a pe bal hna lo.

EXODUS 16:12

“Israel mi hna an phunzainak cu ka theih cang, cucaah, ‘Pa fa hmelpalh ah ei awk sa nan hmuh lai i zinglei ah nan duh zat in rawl nan hmuh lai. Cun Bawipa cu nan Pathian ka si kha nan hngalh lai, a ti,’ tiah chim hna,” a ti.

EXODUS 16:9

Moses nih Aaron cu, “Mi zapi kha, ‘Bawipa nih nan phunzainak kha a theih caah ra u law Bawipa hmaiah cun ra dir u,’ ti hna,” tiah a ti.

EXODUS 17:2

Moses cu an sik i, “Din awk ti kan pe,” an ti. Moses nih annih cu a leh hna i, “Zeicahdah keimah cu nan ka sik? Zeicahdah Bawipa cu hneksak nan del?” a ti hna.

NAMBAR 11:18

Cun mi hna cu, ‘Thaizing caah i thianh u law, sa nan ei lai; zeicahtiah Bawipa theih ah nan ṭap i, “Aho nih dah ei awk sa a kan pek lai? Izipt ram vial ah khan kan va nuam ṭung,” ti i nan ti caah. Cucaah Bawipa nih sa an pek hna lai i nan ei lai.