EXODUS 16:28 - Lai (Hakha) Common Language Bible 2006

²⁸ Cu tikah Bawipa nih khan Moses cu a thawh i, “Zei can riamruam dah ka nawlbia le ka phunglam cu zul duh loin nan um lai?

EXODUS 16:28 Խաչաձեւ Հղումներ

SALM 78:10

Pathian sinah bia an i kammi kha an zul lo, a nawlbia kha ngaih an duh lo.

SALM 106:13

Sihmanhsehlaw a tuahmi kha an philh ṭhan zau i amah ruahnak hal hmasa loin rian an ṭuan:

EZEKIEL 20:13

Sihmanhsehlaw Israel mi nih cun ramlak ah khan an ka doh; ka nawlbia kha an zul duh hna lo, ka phunglam kha an hlawt hna, zul hna seh law an nunnak ding a si nain; cun ka sabbath kha an buar hna. Cucaah ramlak ah khan ka thinhunnak cu ka bunghhnawh ko hna lai i ka hrawh ko hna lai dahra maw tiah ka ruah ṭhan.

2 SIANGPAHRANG 17:14

Sihmanhsehlaw annih nih ngaih an duh lo, Bawipa an Pathian a rak zum lomi an pupa hna an lung a hah bantuk khan an lung a hak ve.

NAMBAR 14:11

Bawipa nih Moses cu, “Mah mi hna nih hin zei can dah an ka zawmhtaih lai? Cun zei can dah zum loin an ka um lai, anmah lak i hmelchunhnak mah vialte ka tuah ko ṭung?

MARKA 9:19

Cun Jesuh nih cun, “Nan va zum lo hringhran dah! Zei can dah nan sinah hin ka um a herh rih lai? Zei can dah kaan in hna lai? Ngakchiapa cu ratpi u,” tiah a ti hna.

EZEKIEL 20:16

Zeicahtiah anmah an siasal kha zulh an duh caah ka phunglam kha an hlawt hna, ka nawlbia kha zulh an duh hna lo i ka sabbath kha an thurhhnawmh hna.

EZEKIEL 5:6

sihmanhsehlaw cu miphun dang hna le ramdang hna nak i ṭhalo deuh in ka phung le ka nawlbia kha a doh hna; a mi hna nih cun ka phung kha an hlawt hna i ka nawl bantuk khan um an duh lo.”

JEREMIAH 9:6

Palhnak kha palhnak nih a zulh chin lengmang i Hlennak kha hlennak nih a zulh chin lengmang. Keimah hngalh kha an duh lo, tiah Bawipa nih a ti.

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

ISAIAH 7:13

Cu tikah Isaiah nih cun aa thawh i, “Siangpahrang David tefa a simipa, ka bia hi ngai tuah. Hi tlukin minung ing na puanter cang pinah hin maw Pathian ing cu na puanter rih lai?

ISAIAH 7:9

Israel cu Samaria khua nakin a ṭhawng deuh lo i Samaria cu Siangpahrang Pekah nakin a ṭhawng deuh fawn lo. “ ‘Na zumhnak a ṭhawn lo ahcun, na hmun hrimhrim lai lo,’ a ti, tiah hung chim,” a ti.

SALM 78:22

zeicahtiah amah kha an i bochan duh lo i a kan khamh lai, tiah an zum duh lo.

NAMBAR 20:12

Cun Bawipa nih Moses le Aaron cu, “Nan ka zumh lo i Israel mi hna mithmuh ah nan ka thianter lo caah, cucaah nannih nih cun hi mirun hi ka pekmi hna ram chungah nan luhpi hna lai lo,” tiah a ti hna.

EXODUS 10:3

Cucaah Moses le Aaron kha Faro sinah cun an va kal i, “Hebru mi Pathian Bawipa nih, ‘Zei can dah ka nawl zul duh loin na um lai? Ka mi hna cu an ka biak khawh nakhnga kalter hna.

EXODUS 16:27

Ni sarih ni ah cun micheu cu rawl char awkah an va kal i asinain zeihmanh an hmu lo.

EXODUS 16:29

Dinh ni an petu hna cu Bawipa ka si kha philh hlah u, dinh ni a si ruangah cun pei ni ruk ni ah ni hnih ca za dingin rawl kan pek hna cu. Nan umnak hmun cio ah nan um awk a si, ahohmanh nan inn in nan chuak lai lo,” a ti.

2 SIANGPAHRANG 17:15

Annih nih a nawlbia hna le an pupa hna he a rak tuahmi a biakamnak le ralrinnak a pekmi hna cu zeihmanh ah an rel lo. A deu a simi thil, siasal kha an zulh hna i annih zong a deu ah an i cang, cun Bawipa nih anmah tuah bantukin nan tuah ve lai lo, tiin nawl a pekmi hna an pawngkam i a ummi miphun hna kha an zulh hna.