EXODUS 16:23 - Lai (Hakha) Common Language Bible 2006

²³ Cun Moses nih a thawh hna i, “Bawipa nawl pekmi cu hihi a si: ‘Thaizing cu dinh ni, dinh ni zarh, Bawipa sin i pekchanhmi ni a si. Cucaah rawh nan duhmi kha atu ah raw u law chuan nan duhmi kha atu ah chuang u; a taangmi kha ngaan u law zinglei tiang ṭha tein chia u,’ a ti,” tiah a chimh hna.

EXODUS 16:23 Խաչաձեւ Հղումներ

LEVITIKAS 23:3

Ni ruk chung rianṭuan a si lai; sihmanhsehlaw ni sarihnak ni ah cun dinh zirziarnak sabbath, pumhnak thiang a si lai; rian zeihmanh nan ṭuan lai lo; nan umnak cio ah Bawipa ca sabbath a si.

EXODUS 31:15

Ni ruk chung rian nan ṭuan lai, sihmanhsehlaw ni sarih ni cu dinhnak ni, Bawipa ni zarh a si. Hi ni ah rian a ṭuanmi paoh cu thah a si lai.

LUKA 23:56

Cun inn ah an ṭin i a ruak caah khan zihmui le sathau kha an timh. Sabbath ni ah cun Nawlbia bangin an i din.

EXODUS 23:12

“Ni ruk chung rian nan ṭuan lai, sihmanhsehlaw ni sarihnak ni ah cun nan ṭuan lai lo, nan cawtum hna le nan laa hna cu i din hna seh, cun nan sal hna le ramdang mi hna zong nih hrimhnak ah hmang hna seh.

BIAPHUAN 1:10

Bawipa Ni ah Thlarau nih a ka tlak i ka hnulei in aw thangpi pakhat kha ka theih, cu aw cu muko aw thawng bantuk a si.

NAMBAR 11:8

Mi nih an char hna i rialnak lung in an rial hna, asiloah sum ah an phomh hna i um in an chuan hna i chang ah an ser hna; ei ah hin chiti he rawhmi chang bantuk a si.

EXODUS 16:19

Moses nih cun, “Ahohmanh nih zinglei tiang nan i chiah lai lo,” a ti hna.

DEUTERONOMI 5:12

“ ‘Bawipa na Pathian nih nawl an pek bangin sabbath ni cu thianter awkah va ul ko.

NEHEMIAH 9:13

Sinai Tlang cungah khan na rung ṭum i vancung khin annih cu na run chawnh hna i phunglam dikdik le phungbia taktak le phung ṭhaṭha le nawlbia ṭhaṭha kha na pek hna i

NEHEMIAH 9:14

annih cu a thiangmi na sabbath kha na hngalhter hna i nawlbia le phung le phungbia kha na sal Moses sinin na pek hna.

JEREMIAH 17:22

Sabbath ni ah nan inn chungin thil zeihmanh nan chuahpi hna lai lo i rian zong nan ṭuan lai lo, sihmanhsehlaw nan pupa hna nawl ka pek hna bang khan sabbath ni cu thiang tein nan ulh lai.

NAMBAR 11:7

Manna cu koriander mu bantuk a si i a mui cu rili lungvar bantuk a si.