EXODUS 16:15 - Lai (Hakha) Common Language Bible 2006

¹⁵ Israel mi nih an hmuh tikah zei a si ti awk kha an hngal lo i pakhat le pakhat cu, “Zeidah a si?” tiah an i hal. Annih cu Moses nih khan, “Hihi Bawipa nih nan ei awk i an pekmi hna rawl a si.

EXODUS 16:15 Խաչաձեւ Հղումներ

EXODUS 16:4

Bawipa nih Moses cu, “Nan dihlak caah van in rawl ka surter lai. Ni fate in nan chuahhnawh lai i cu ni ca i aa za dingin nan char lai. Kan cawnpiakmi hna kha nan zul maw zul lo ti cu hi ning hin kan hneksak khawh hna lai.

JOHAN 6:58

Cucaah vancung in a rungmi changreu cu hihi a si; nan pupa hna nih an rak eimi changreu bantuk kha a si lo, annih cu an thi, sihmanhsehlaw hi changreu a eimi cu zungzal in an nung lai,” tiah a ti hna.

EXODUS 16:31

Israel mi nih cu rawl cu a min ah manna an sak. Koriander mu bantuk a si, a rang i khuaihliti cawhmi changper bantukin a thlum.

DEUTERONOMI 8:3

Minung hi rawl lawnglawng in a nung lo, sihmanhsehlaw Bawipa kaa in a chuakmi thil kip in a nung ti kha an hngalhter hna nakhnga, rawlṭam fahnak kha an inter hna i manna in an cawm hna, mah cucu nanmah nih siseh nan pupa hna nih siseh nan rak hngal lo.

1 KORIN 10:3

An dihlak in thlarau changreu kha an ei i

NEHEMIAH 9:20

Annih cawnpiaknak caah na thlarau ṭha kha na pek hna i na manna kha sianh loin na um hna lo i an tihal a riamh nakhnga ti kha na pek hna.

NEHEMIAH 9:15

Cun an rawlṭamnak daihter awkah vancung in changreu na pek hna i an tihal riamhter awkah lungpi chungin ti na pek hna, cun annih cu pek awkin chiat na rak sermi ram ah khan va kal i va co awkah nangmah nih na chimh hna.

JOSHUA 5:12

Cun cu ram in a chuakmi an ei tikah, a thaizing in manna kha a dong i Israel mi nih manna kha an ngei ti lo; sihmanhsehlaw cu kum ah cun Kanaan ram in a chuakmi thil kha an ei.

JOHAN 6:49

Nan pupa hna nih manna kha thetse ram ah khan an rak ei taktak, sihmanhsehlaw an thi.

DEUTERONOMI 8:16

ramlak chungah khan nan pupa hna nih an hngalh lomi manna in an cawm hna, a donghnak ah nannih cu ṭhatnak tuahpiak awkah an hneksak hna i thluachuahpek awkah an ṭhumh hna.

NAMBAR 21:5

Cun mi hna nih cun Pathian le Moses kha an zaihnawh hna i, “Zeicaahdah ramlak i thih awkah hin Izipt ram in nan kan chuahpi? Zeitintiah rawl a um lo, ti a um lo i, hi rawl ṭhalo hi cu kan fih,” tiah an ti.

EXODUS 16:33

Moses nih Aaron kha a thawh i, “Um pakhat in i lak law a chungah manna kha khiat khat in chia, cun na tefa hna hmuh awkah Bawipa hmaiah khan cu um cu na chiah lai,” a ti.

BIAPHUAN 2:17

“Hna nan ngeih ahcun Thlarau nih Khrihfabu sinah a chimmi bia cu ngai tuah u. “Teitu a simi hna cu thuhmi manna changreu kha tlawmpal in ka pek hna lai. Cun lung rang zong pakhat cio in ka pek hna lai i cu lung cungah cun a cotu cio lawng nih a sullam an hngalhmi min thar kha an i ṭial cio,” tiah a ti.

HEBRU 9:4

Cu chungah cun rimhmui khanghnak sui biakṭheng le sui hutmi kuang, biakamnak an chiahnak kuang kha an um. Cu kuang cungah cun manna an chiahnak sui um, Aaron ṭhiangṭhunh a corhmi le nawlbia an ṭialnak lungtlap pahnih kha an chiah hna.

LUKA 12:30

(Zeicahtiah hi thil hna hi cu vawlei mi nih an kawlhawl tawnmi hna an si ko). Nan Pa nih hi thil hi nan herh hna ti cu a hngalh ko.

PHUNGTHLÛKBIA 9:5

“Ra u law changreu kha ei u law mitsur hang ka cawhmi kha ding tuah u.

SALM 78:24

vancung cun rawl a run pek hna, an ei awk manna changreu kha a run thlak hna.

SALM 105:40

An hal i nimte a pek hna, vancung in rawl khim tein a pek hna.