EXODUS 15:7 - Lai (Hakha) Common Language Bible 2006

⁷ A ṭhawngmi na lianhngannak in na ral cu na tei hna i na thinhunnak cu a alh in a alh i, capawl bangin a kangh dih hna.

EXODUS 15:7 Խաչաձեւ Հղումներ

ISAIAH 5:24

Cucaah cun facangzi le ramro cu an ker i an kangh bantukin, Israel Pathian a thiangmi Ralkapbu Bawipa nih a kan cawnpiakmi kha nan ngaih duh lo caah nan hram cu a thu lai i nan par cu a ro lai.

MALAKHI 4:1

A vaam huammammi somei bantukin cu ni cu a ra; miporhlaw vialte hna le ṭhat lonak a tuahmi vialte hna cu favai an si lai, cun cu ni cu a rat tikah, cu ni nih cun annih cu a alhter hna lai i an hram le an nge zong tang loin a kangh dih hna lai, tiah ralkapbu Bawipa nih a ti.

ISAIAH 47:14

“Annih cu capawl pelpawi bantuk men an si lai i mei nih a kangh dih hna lai. Anmah le anmah hmanh an i khamh kho lai lo. Mei cu toh nuam mei men a si lai lo, an ca i a lin tukmi mei a si lai.

ISAIAH 37:29

Cu bantukin na thin a hun le naa porhlawt kha ka theih i cucaah cun atu cu na hnar in sio in kan sio lai na ka ah chak kan hlomh lai; cun n ratnak lam te khan kan kirter ṭhan lai,” a ti.

ISAIAH 5:16

Sihmanhsehlaw Ralkapbu Bawipa nih a lianhngannak cu ahmaanmi thil a tuahmi ah khan a langhter i a thiannak cu a mi hna an bia a ceihpiak hnanak ah khan a langhter.

SALM 148:13

An dihlak in Bawipa min cu thangṭhat hna seh! A min cu min dang vialte nakin a ngan deuh; a sunparnak nih van le vawlei a lonh hna.

SALM 83:13

Ka Pathian, annih cu leidip bangin ṭhek ko hna, thli nih a choihmi capawl bangin ṭhek dih hna.

DEUTERONOMI 33:26

“Maw Jeshurun, nangmah bawmh awkah van aa cit, Lianngannak in van aa citmi Pathian bantuk ahohmanh an um lo.

LAMKALTU 9:4

Vawlei ah a tlu i aw pakhat nih, “Saul, Saul, zeicahdah na ka hrem?” tiah a ti thawng kha a theih.

MATTHAI 3:12

A kut in facang zahnak sisiap cu aa put i rawl cu a zah dih hna lai; a fang cu buk ah a rawn hna lai i a hi cu a mit lomi mei in a khangh hna lai,” tiah a ti.

ZEKHARIAH 14:8

Khi ni ah cun Jerusalem in ti nung a chuak lai i a cheu cu nichuahlei rili ah a luang lai i a cheu cu nitlaklei rili ah a luang lai; ṭhal le khuasik i dang loin a luang lai.

ZEKHARIAH 14:3

Bawipa cu a ra chuak lai i ral dohnak hmun i a ralṭhatnak a rak chuah ni bantuk khan cu miphun hna cu a doh hna lai.

ZEKHARIAH 2:8

Nanmah an ramhtu hna miphun hna sinah khan ralkapbu Bawipa nih rian a ka fial tikah a chimmi bia cu hihi a si, nanmah an tawngtu hna cu anmah an mit falai aa tawngmi an si.

MIKAH 4:11

Sihmanhsehlaw atu cu miphun tampi nih an in chuahhnawh i, “Hremnak ing seh, Zion cungah kan diriam seh,” an ti.

JEREMIAH 10:6

Maw Bawipa, nangmah bantukin ahohmanh an um lo, Nangmah cu na lianngan ko, Na min cu a lianngan i a ṭhawng.

ISAIAH 37:38

Ni khat cu a pathian Nisrok biakinn i pathian a biak lioah khan a fapa hna lak i pahnih Adrammelek le Sharezer nih an vainam in an thah i annih cu Ararat ram ah an zam. A dang a fapa pakhat Esarhaddon nih a chan i siangpahrang ah a cang.

ISAIAH 37:36

Bawipa vancungmi pakhat kha Assiria mi ralkap riahnak hmun ah khan a va kal i sing khat le sang riat le thong nga a va thah hna. A thaizing khua a hung dei tikah cun an thi phengphung ko.

ISAIAH 37:23

Ahodah ka nihsawhmi le ka serhsatmi hi a si tiah na ruah? Israel Pathian thiang hi na ka serhsatmi cu ka si.

ISAIAH 37:17

Atu cu Bawipa, kan thlacamnak hi kan theihpiak law kannih cu run kan zoh tuah. A nungmi Pathian nangmah serhsatnak bia Sennakherib nih a chimmi vialte hi ngai tuah.

SALM 68:33

Van a citmi, a hlunmi van aa citmi cu thangṭhat u. Aw thang piin a au cu ngai tuah u.

SALM 59:13

na thinhun in hrawk dih hna, hrawk dih cikcek hna. Cu tikah Israel uktu cu Pathian a si i vawleicung vialte zong a uk chih dih ti kha an hngalh lai.

EXODUS 9:16

Sihmanhsehlaw ka ṭhawnnak kha nangmah cu kan hmuhsak khawh nakhnga kan nunter i cuticun ka minthannak nih vawleicung kha a cul dih lai.

HEBRU 12:29

Kannih kan Pathian cu mi kangh a hmangmi mei a si caah upatnak le ṭihnak in amah duhning tein bia u sih law amah cungah cun i lawm u sih.

EXODUS 14:27

Cucaah Moses nih cun a kut cu rili cungah khan a hler i khua a dei ah khin ti cu amah ningkel bantuk khan a um ṭhan. Ti nih a hun naih cuahmah hna tikah cun Izipt mi cu chuah an i zuam i heh tiah an tli, sihmanhsehlaw Bawipa nih rili chungah cun a thlak dih hna.

DEUTERONOMI 4:24

Zeitintiah Bawipa nan Pathian cu tlumral lak kangh hmang mei, nahchuak Pathian a si.

EXODUS 5:12

Cucaah mi cu capawl kawl ah khan Izipt ram ah cun an i ṭhek.

JOB 9:4

Pathian cu a lungthin in a fim i a thazang in a ṭhawng Aho nih dah an doh khawh lai?