EXODUS 15:5 - Lai (Hakha) Common Language Bible 2006

⁵ Rili thuk nih khan a phum hna, ti ne ah khan lung bantukin an tla.

EXODUS 15:5 Խաչաձեւ Հղումներ

NEHEMIAH 9:11

Cun an hmaiah rili kha na cheu i cucaah rili chungah khan vawlei ro cungin an kal; cun a dawitu hna kha, a ṭhawngmi ti chungah lung a tlak bangin, a thukmi ti chungah na paih hna.

EXODUS 15:10

Sihmanhsehlaw na thaw voi khat na chuah i rili nih a khuh hna; ṭih a nungmi ti chungah khan suan bantukin an tla.

EXODUS 14:28

Ti cu a kir i Israel mi a dawitu vialte hna, rangleng vialte hna le a mawngtu vialte hna le Faro ralkapbu vialte hna kha a phum dih hna, pakhat hmanh an tang lo.

EZEKIEL 27:34

Atu cu a thukmi ti chungah rili nih an khuai cang; Na thilri vialte le na mibu vialte hna cu an tla cang.

BIAPHUAN 18:21

Cun a ṭhawngmi vancungmi pakhat nih facang rialnak lung nganpi tia a simi lung pakhat kha aa cawi i rili chungah a hlonh, “Hi bantuk hin Babilon khualipi hi i let luahmah in hlonh a si lai i zeitikhmanh ah hmuh ṭhan a si ti lai lo.

MATTHAI 18:6

“Hi ngakchia tete pakhatkhat hi keimah an ka zumhnak in a pialtertu hna cu, an hngawng ah facang rialnak lungtum nganpi i thlaih hna seh law, rili chungah paih si hna seh law an caah a ṭha deuh hnga.

MIKAH 7:19

Kan cungah zaangfahnak kha na ngei ṭhan ko rih lai i, Kan ṭhat lonak kha na ṭawl lai i kan sualnak kha a thukmi rili tawne ah na hlonh lai.

JONAH 2:2

“Ka harnak chungin maw Bawipa kan auh i na ka leh; Sheol paw chungin bawmhnak hal awkah ka au i ka aunak cu na ka theihpiak.

EXODUS 15:16

Ṭihnak le thinphannak kha an cungah a tlung. Na ṭhawnnak a lianhngan ruangah, lung bantukin cang loin an dir, maw Bawipa, na mi hna an lanh dih hlantiang, nangmah na mi hrimhrim an lanh dih hlantiang an dir.

SALM 106:11

An ral cu ti nih khan a phum dih hna i pakhat hmanh an tang lo.

PHUNGTHLÛKBIA 8:24

Ti thuk pipi an um hlanah khan a ka ser, ti a khatmi cerhti an rak um rih hlanah khan a ka ser cang.