EXODUS 15:3 - Lai (Hakha) Common Language Bible 2006

³ Bawipa cu ralkap a si, a min cu Bawipa a si.

EXODUS 15:3 Խաչաձեւ Հղումներ

SALM 24:8

A liannganmi siangpahrang cu ahodah a si? A liannganmi siangpahrang cu a ṭhawng i a lian a nganmi, raltuknak hmun in teitu a simi Bawipa kha a si.

EXODUS 14:14

Bawipa nih nan ral cu an dohpiak hna lai, nannih cu zeihmanh nan tuah a herh lai lo,” a ti.

ISAIAH 42:8

“Keimah lawnglawng hi Bawipa na Pathian cu ka si. Ka sunparnak hi pathian dang ahohmanh hrawm ka duh hna lo i ka thangṭhatnak hi siasal zeihmanh hrawm ka duh hna lo.

SALM 83:18

Nangmah lawnglawng hi Bawipa na si le vawlei dihlak uktu, Cungnung Bik na si kha hngal hna seh!

SALM 45:3

A ṭhawngmi siangpahrang, na vainam kha i bei tuah; nang cu a ṭhawngmi le a liannganmi siangpahrang na si.

EXODUS 3:15

Cun Pathian nih Moses cu a thawh ṭhan i, “Israel mi cu, ‘Bawipa, nan pupa hna i an Pathian, Abraham Pathian, Isak Pathian, Jakob Pathian nih khan nan sinah a ka thlah,’ tiah na chimh hna lai. Hihi a zungzal in ka min a si, hi ti hin hmailei chan vialte nih an ka auh lai.

EXODUS 3:13

Moses nih Pathian cu a thawh i, “Israel mi hna sinah ka va kal i, ‘Nan pupa hna Pathian nih nan sinah a ka thlah,’ ka va ti hna tikah, ‘Ahodah a min a si?’ tiah an rak ka hal lai, cu tikah zei a si ti ah dah ka leh hna lai?” a ti.

ISAIAH 42:13

Mi ralṭha kha raltuk awkah aa thawh bantukin Bawipa cu aa thawh; ral tuk awkah cun aa tim i a hiar in a hiar; ral hla kha aa thawh i raltuknak hmun au khan a au; a ral kha a ṭhawnnak cu a hmuhsak hna.

JEREMIAH 33:2

Vawlei kha a ser i mui a ngeihter i a fehtertu Bawipa bia cu hi bangin a si; a min cu Bawipa a si:

EXODUS 3:14

Pathian nih cun Moses cu a thawh i, “Keimah cu Keimah ka si ko. Keimah a simi nih khan, keimah cu nan sinah a ka thlah, tiah Israel mi cu na chimh hna lai,” a ti.

EXODUS 14:25

An rangleng ke cu a taapter hna i har lengmang fangfang in an kal kho, cucaah cun Izipt mi nih cun, “Israel mi hi zamtak hna u sih, Bawipa pei anmah lei ah a ṭang i kanmah a kan do ko hi,” an ti.