EXODUS 15:19 - Lai (Hakha) Common Language Bible 2006

¹⁹ Faro rangtum hna cu a rangleng le a mawngtu hna he khan rili chungah an lut i Bawipa nih ti cu a kir ṭhan i a khuh dih hna. Sihmanhsehlaw Israel mi cu rili chung khan vawlei ro cungin an kal.

EXODUS 15:19 Խաչաձեւ Հղումներ

HEBRU 11:29

Rili Sen, vawlei ro cung bantukin Israel mi a tantertu hna kha zumhnak a si; Izipt mi nih tan an timh ve tikah ti nih khan a dolh hna.

PHUNGTHLÛKBIA 21:31

Raltuknak ni caah rangtum cu timh a si, Sihmanhsehlaw teinak cu Bawipa sinin a rami a si.

ISAIAH 43:17

A ṭhawngmi ralkapbu kha a hrawh hna, rangleng le raltuknak rangtum kha ti chungah a paih hna. An pil dih, zeitikhmanh ah an chuak ṭhan ti lo, meifar mih bantukin an mit.

JOSHUA 4:23

Bawipa nan Pathian nih kan tan dih hlantiang kan caah a cartermi Rili Sen cungah a tuah bang khan, Jordan tiva ti cu nan tan dih hlantiang a carter,