EXODUS 15:15 - Lai (Hakha) Common Language Bible 2006

¹⁵ Edom bawi hna cu an thin a phang i Moab mi hna lak i an miṭhawng hna cu a ther in an ther; Kanaan ram i a ummi cu an dihlak in an lung a phang.

EXODUS 15:15 Խաչաձեւ Հղումներ

JOSHUA 5:1

Jordan khattelei ral nitlaklei i a ummi Amor mi hna siangpahrang vialte le rili pawngah a ummi Kanaan mi siangpahrang vialte nih Israel mi caah an tan dih hlantiang Jordan tiva ti cu Bawipa nih a kaoter tiah an theih tikah, Israel mi hna ruangah cun an thin a phang i an chungah thlarau zeihmanh a um ti lo.

JOSHUA 2:11

Cun cucu kan theih cangka tein kan lung cu an ther i nanmah ruangah ahohmanh ralṭha an um ti lo; zeitintiah cunglei van le tanglei vawlei i Pathian a simi cu Bawipa nan Pathian kha a si.

JOSHUA 2:9

mi hna sinah cun, “Bawipa nih hi ram kha an pek cang hna i nanmah kan in ṭihnak hna nih khan a kan nenh i hi ram chung ummi vialte kha nan hmaiah an ther dih cang, ti kha ka hngalh.

DEUTERONOMI 2:4

Cun mi cu nawl pe hna law: Seir i a ummi nan unau hna, Esau fapa hna, an ram cu nan tan dengmang cang i nannih cu an in ṭih hna lai. Cucaah ṭha tein i ralring tuah u,

GENESIS 36:40

Esau tefa hna lak i phuntungtu cu hi hna hi an si, an phun ning cio le an umnak hmun ning cio in ṭial an si: Timna, Albah, Jetheth,

HABAKKUK 3:7

Kushan thlam hna cu an ther i Midian ram cu a lau.

NAHUM 2:10

An ramh hna, an rok hna, an hlih cikcek hna! An ralṭhatnak cu ti bantuk ah a cang i an khuk cu a ther dih, An kutke cu a tom dih hna i an hmai cu a daang dih.

EZEKIEL 21:7

Annih nih zeicahdah na hrum-ai lengmang ko, tiah an in hal tikah, thawh hna law, ‘Ka theihmi thil kongah ka hrum ka ai, a rat tikah lungthin vialte a zor dih lai, ralṭhatnak vialte kha a lo lai, kut vialte kha an thlep dih lai, khuk vialte kha an zun didor an i thlauhmi nih a ciah dih hna lai. Cu thil cu a ra lio. Hika hi a phan ko cang,’ ti hna. Mah hihi Bawipa Pathian bia hrimhrim a si,” tiah a ti.

ISAIAH 19:1

Hi bia hi Izipt kong bia a si. Bawipa cu khuadawm aa cit i khulrang in Izipt ram ah a ra. A hmaiah Izipt ram siasal hna cu an ther i Izipt mi hna cu an lung a dong.

ISAIAH 13:7

Mi cu ahopaoh an kut a thlep lai i an lung a dong lai.

SALM 68:2

Meikhu kha thli nih a choih bantukin a choih dih hna lai, khuailul kha mei nih a emh tikah a tit bantukin miṭhalo cu Pathian hmaika ah an rawk lai.

2 SAMUEL 17:10

Khi tikah mi ralṭha, a lung chiandeih lung bantuk a simi hmanh kha, ṭihnak in a dor sual ko hnga; zeitintiah Israel mi vialte nih khan na pa cu miṭhawng a si i a sin i a ummi hna cu mi ralṭha an si kha an hngalh dih.

1 SAMUEL 14:16

Cun Saul ralvengtu hna, Benjamin mi khua Gibeah i a ummi hna nih khan an hei zoh i, zohhmanh, mi bupi cu hilei khilei ah an i cavai len ko.

JOSHUA 14:8

Sihmanhsehlaw keimah he a hung kal ṭimi ka unau hna nih khan mizapi cu an awlok an chonter hna, sihmanhsehlaw kei tu nih cun Bawipa ka Pathian kha fek tein ka zulh.

JOSHUA 2:24

Cun annih nih Joshua sinah, “Bawipa nih ram cu a dihlak in kan kut chungah a kan pek taktak ko cang; cu hleiah cu ram chung ummi vialte hna cu kanmah ruangah an therphang ko,” tiah an ti.

DEUTERONOMI 20:8

Cun cu hleiah bawi hna nih cun mizapi sinah cun, ‘Thinphang le lungder nan um maw? Cu pa cu a inn ah kir ṭhan seh, a hawile lung zong kha amah lung bantukin a zor sual lai,’ tiah an chim lai.

GENESIS 36:15

Hi hna hi Esau tefa lakah phuntungtu pawl cu an si. Esau fapa upa bik Elifaz fapa hna lak i bawi cu Teman, Omar, Zefo, Kenaz,

SALM 48:5

Sihmanhsehlaw an hmuh tikah an lau i an thin a phang i an zam.

JEREMIAH 49:23

Damaskas kong ah Bawipa nih a chimmi bia: Hamath le Arpad cu thawng ṭhalo an theih caah an hnabei a dong; A dai kho lomi rili bantukin an khuaruah a har caah an i let lengmang ko.

GENESIS 36:16

Korah, Gatam le Amalek an si. Hi hna hi Edom ram chung i a ummi Elifaz tefa hna lak i phuntungtu cu an si. Annih cu Adah fapa kha an si.

HABAKKUK 3:6

A dir tikah vawlei kha aa hnin, a zoh hna tikah miphun kha an ther; Zungzal in a hmunmi tlang hna cu an i cheu i zungzal in a hmunmi fing hna cu an cim;