EXODUS 14:31 - Lai (Hakha) Common Language Bible 2006

³¹ Izipt mi hna cungah a liannganmi ṭhawnnak in Bawipa nih rian a ṭuan ti kha an hmuh i Bawipa kha an ṭih; Bawipa cungah khan zumhnak an ngei i a sal Moses cung zongah khan zumhnak an ngei ve.

EXODUS 14:31 Խաչաձեւ Հղումներ

JOHAN 2:11

Galilee ram Kana khua i Jesuh nih a tuahmi hi hmelchunhnak a tuahmi lakah a hmasa bik a si; cu a tuahmi hmelchunhnak ah cun a sunparnak kha a langhter i a zultu nih khan amah cu an zumh.

JOHAN 11:45

Mary ṭhutpi awkah a rami Judah mi tampi nih khan Jesuh tuahmi cu an hmuh i amah kha an zumh.

LUKA 8:13

Lung lakah a tlami thlaici cu bia kha a thei i lunglawm ngaiin a cohlang i sihmanhsehlaw an chung i thuk a pil lomi kha an si. Caan tlawmte chung lawng kha an zumh i tukforhnak a rat tikah an tlu ṭhan.

SALM 119:120

Nangmah kan ṭih caah a ther in ka ther, na biakhiahmi hmaiah cun khuaruahhar in ka dir.

2 CHANRELNAK 20:20

Cun zingka tein an tho i Tekoa ramlak ah khan an va kal; cun an kal lioah khan Jehoshafat cu a dir i, “Judah ram mi hna le Jerusalem mi hna, ka bia thei tuah u! Bawipa nan Pathian cu zum u law fehter nan si lai; a profet hna kha zum hna u law nan hlawh a tling lai,” tiah a ti.

EXODUS 19:9

Bawipa nih Moses cu, “Mi zapi nih nangmah he bia kan i ruah kha an theih i nangmah kha an in zumh zungzal nakhnga, na sinah a chahmi khuadawm in ka ra lai,” a ti. Mi zapi nih an lehnak kha Moses nih Bawipa cu a chimh.

EXODUS 4:31

Mizapi nih cun an zumh i Bawipa cu kan sinah a ra i retheihnak kan inmi kha a hmuh ti kha an hngalh tikah an kun i an biak.

LAMKALTU 8:13

Simon hrimhrim zong nih cun a zumh ve i tipilnak a in dih hnuah Filip sinah cun aa helhum lengmang ve; a nganmi hmelchunhnak hna le khuaruahharnak hna kha a hmuh hna tikah a khuaruah a har ngaingai.

1 SAMUEL 12:18

Cucaah Samuel nih Bawipa kha a auh i khi ni ah Bawipa nih khua a ritter i ruah a surter; cun mi vialte nih Bawipa le Samuel kha an ṭih ngaingai hna.

HEBRU 3:5

Moses cu Pathian inn chungah khan rianṭuantu zumh awk tlak a rak si i Pathian nih hmailei ah a rak chim lai dingmi zong kha a rak chim.

JOSHUA 4:24

zeitintiah vawlei cung mi vialte nih Bawipa kut cu a ṭhawng ti kha an hngalh nakhnga le Bawipa nan Pathian cu zungzal in nan ṭih nakhnga,” tiah a ti.

1 SAMUEL 12:16

Cucaah dir ṭhep u law, nan hmaika ah Bawipa nih a tuah laimi thil lianngan hi zoh tuah u.

NEHEMIAH 9:9

“Cun kan pupa hna nih Izipt ram ah hremnak an inmi kha na hmuh i Rili Sen i an aunak kha na theihpiak hna i

JOSHUA 4:14

Khi ni ah Bawipa nih Joshua cu Israel mi vialte hmaiah a hlorh i Moses an rak ṭihzah bantuk khan amah cu a chan chung vialte an ṭihzah ve.

JOSHUA 24:7

Cun Bawipa kha an ka auh tikah, Izipt mi he nan karlak ah muihnak ka chiah i rili kha an cungah ka tlunter i ka khuhter hna; cun nannih mit nih Izipt cung i ka tuahmi kha an hmuh; cun ramlak ah caan saupi nan um.